રાજનીતિ / એકીસાથે 8 મંત્રીઓએ રાજીનામું આપી દેતાં મચ્યો હડકંપ, રાજ્યપાલને મળ્યાં મુખ્યમંત્રી, શું કારણ?

મંગળવારે ઉત્તર-પૂર્વીય રાજ્ય મેઘાલયના રાજકારણમાં એક મોટો ઘટનાક્રમ જોવા મળ્યો. રાજ્યના આઠ મંત્રીઓએ એકસાથે રાજીનામું આપ્યું હતું જે પછી મુખ્યમંત્રી રાજ્યપાલને મળ્યાં હતા.

મંત્રીમંડળ વિસ્તરણ પહેલાં રાજીનામું

વાસ્તવમાં, મેઘાલયમાં મંત્રીમંડળનું વિસ્તરણ થઈ રહ્યું છે. આ જ કારણ છે કે મંગળવારે આઠ મંત્રીઓએ રાજ્યપાલને રાજીનામું આપ્યું. રાજીનામું આપનારાઓમાં એએલ હેક, પોલ લિંગડોહ અને એમ્પારીન લિંગડોહ સહિત આઠ મંત્રીઓના નામનો સમાવેશ થાય છે.

રાજ્યપાલને રાજીનામા સુપરત કર્યા

એનપીપીના નેતૃત્વ હેઠળના મેઘાલય ડેમોક્રેટિક એલાયન્સ સરકારના વડા મુખ્યમંત્રી કોનરાડ સંગમાએ રાજભવન ખાતે રાજ્યપાલ સીએચ વિજયશંકરને મળ્યા અને મંત્રીઓના રાજીનામા સુપરત કર્યા.

વધુ વાંચો : કુદરતનો ખેલ! 17 વર્ષની છોકરી બહારથી સ્ત્રી, અંદરથી પુરુષ, શરીરમાં મળ્યાં પુરુષ અંડકોષ, માસિક-ગર્ભાશય નહીં

નવા મંત્રીઓ મંગળવારે સાંજે શપથ લેશે

ઉલ્લેખનીય છે કે મેઘાલય કેબિનેટનું વિસ્તરણ થઈ રહ્યું છે તેથી જુના મંત્રીઓએ રાજીનામા આપ્યાં હતા. નવા મંત્રીઓ મંગળવારે સાંજે 5 વાગ્યે રાજભવન ખાતે શપથ લેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ