ધરપકડ / સુરતમાં 5 વર્ષની માસૂમને ઝાડીમાં લઈ ગયો નરાધમ, કપડાં ઉતાર્યાં ત્યાં બન્યું એવું કે બચી ગઈ બાળકી

• સુરતમાં સમાજને શર્મસાર કરતી ઘટના પ્રકાશમાં આવી
• યુવકે બાળકીને વડાપાઉની લાલચ આપી દુષ્કર્મ આચર્યું
• પોલીસે મિથિલેશ શાહની ધરપકડ કરી ગુનો નોંધ્યો

સુરતના લસકાણા વિસ્તારમાં પાંચ વર્ષીય બાળકીનું વડાપાવ ખવડાવવાની લાલચે એક નરાધમે અપહરણ કરી દુષ્કર્મ કરવાનો પ્રયાસ કર્યો હતો. જ્યારે નરાધમ બાળકી ને લઈ જતો હતો. ત્યારે એક કામદાર તેને જોઈ ગયો હતો. બાળકી ગુમ થતા માતાપિતા શોધખોળ કરતા હતા. તે દરમ્યાન ખાડી કિનારે આ નરાધમ યુવક બાળકી સાથે બદકામ કરે તે પહેલા જ માતા પિતા અને સ્થાનિકો પહોંચી જતા નરાધમના ચૂંગાલમાંથી બાળકીને છોડાવી નરાધમ આરોપીને પોલીસ હવાલે કર્યો હતો. 

બાળકી ગુમ થતા પરિવારે શોધખોળ આદરી હતી
સુરતના સરથાણા પોલીસ મથક હદ વિસ્તાર ના લસકાણા વિસ્તાર માં પાંચ વર્ષીય બાળકી બપોર ના સમયે ફુગ્ગો લેવા દુકાને ગઈ હતી.તે દરમ્યાન એક ઈસમ દુકાને આવ્યો હતો અને બાળકીને વડાપાવ ખવડાવવાની લાલચ આપી લઈ ગયો હતો. આ યુવક બાળકી સાથે બદકામ કરવાના ઇરાદે લઈ ગયો હતો. જ્યારે આ ઈસમ બાળકી ને લઈ જતો હતો.ત્યારે એક કામદાર પણ તેમને જોઈ ગયો હતો. અહીંયા બાળકી ગુમ થઈ જતા પરિવારે શોધખોળ આદરી હતી. અને ઘર પાસે આવેલી દુકાને પૂછતાં એક ઈસમ કારખાનાના પાછળના ભાગે લઈ ગયો હોવાનું દુકાનદારે જણાવ્યું હતું. 

પરિવાર સમયસર પહોંચી જતા બાળકી પિંખાતા બચી ગઈ
દુકાનદારની વાત સાંભળી માતાપિતા ને અજુગતું થયા ની ફાળ પડી હતી. જેથી તાત્કાલીક કારખાના તરફ ગયા હતા. જ્યાં મારુતિ નગર માં.પૂછપરછ કરતા એક કામદારે ખાદી કિનારે એક ઈસમ બાળકીને લઈને ગયો હોવાનું જણાવ્યું હતું. પરિવાર ખાડી કિનારે પહોંચ્યો. ત્યારે બાળકી સાથે ખાડી કિનારે આ યુવક કપડાં કાઢી અડપલાં કરતો હતો.જોકે પરિવાર ને જોઈ જતા નરાધમ યુવક ખાડી માં કૂદી ગયો હતો. ત્યારબાદ સ્થાનિકો અને પરિવારે નરાધમ યુવક ને બહાર કાઢી બરાબર નો મેથી પાક આપ્યો હતો ત્યારબાદ સરથાણા પોલીસ ને જાણ કરી હતી. ત્યારબાદ પોલીસે આરોપી ની ધરપકડ કરી પૂછપરછ કરતા તેમનું નામ મિથલેશ રાજુ શાહ હોવાનું જણાવ્યું હતું. અને તે લૂમ્સ ના મશીન માં કામ કરે છે..બાળકી ને એકલી જોઈ બદકામ કરવાના ઇરાદે બાળકી ને લઈ ગયો હતો. પરિવાર સમયસર પહોંચી જતા પાંચ વર્ષીય બાળકી પિંખાતા બચી ગઈ હતી.