બેફામ / સુરતને નબીરાઓએ માથે લીધું.! ફૂલ સ્પીડે કાર દોડાવી માંડ બચેલા વિદ્યાર્થીની રીલ બનાવી, વીડિયો જોઈ લોહી ઉકળી જશે

• સુરતના નબીરાઓના વીડિયો વાયરલ
• બેફામ કાર ચલાવી રીલ બનાવતો નબીરો
• BRTS રૂટ પર માંડ બચેલા વિદ્યાર્થીની રીલ બનાવી

અમદાવાદમાં ઈસ્કોન બ્રિજ પર અકસ્માત બાદ પણ રાજ્યમાં અનેક નબીરાઓ બેફામ વાહન ચલાવી રહ્યાં છે. ફૂલ સ્પીડમાં ગાડીઓ ચાલવવાના શોખીનો અકસ્માતના બનાવો પરથી જરા પણ શીખ લેવા તૈયાર ન હોય તે રીતે બેફામ વાહન હંકારી રહ્યાં હોય તેવા અવાર નવાર વીડિયો સામે આવી રહ્યાં છે. 

કારનો દરવાજો ખોલી કાર ચલાવતો વીડિયો
અમદાવાદ અકસ્માત બાદ સુરતના નબીરાના વીડિયો વાયરલ થયો છે. સુરતના અલગ અલગ વિસ્તારમાં નબીરાના જોખમી સ્ટંટ કરતાનો વીડિયો સામે આવ્યો છે. BRTS રૂટ પર માંડ બચેલા વિદ્યાર્થીની નબીરાએ રીલ બનાવી છે. કારનો દરવાજો ખોલી બેફામ નબીરો કાર ચલાવી રહ્યો છે. ખાસ વાત એ છે કે, આવા લુખ્ખા તત્વો સામે કાર્યવાહી ક્યારે થશે. 

લુખ્ખા તત્વો સામે કાર્યવાહીની માગ
રાજ્યમાં અસમાજિક તત્વોને જરા પણ પોલીસનો ડર ન હોય તેવી રીતે વાહન ચલાવતા હોય તેવા વીડિયો સામે આવી રહ્યાં છે. લુખ્ખા તત્વો સામે કાર્યવાહીની લોકો માગ પણ કરી રહ્યાં છે. ખાસવાત એ છે કે, થોડા દિવસ અગાઉ કંપારી દે તેવું અકસ્માત સર્જાયા બાદ પણ બેખોફ સ્ટંટ બાજા બન્યા છે.