- લાંબા સમય સુધી ફ્લૂની સમસ્યા કોઈ સામાન્ય બાબત નથી
- દર વખતે થાક લાગે અથવા સુસ્તી ચડવા લાગે
- હ્રદયમાં દુ:ખાવો એ હ્રદયમાં સોજાનું સંકેત છે
ખરાબ જીવનશૈલી અને ખાનપાનનાં કારણે લોકોમાં ગંભીર બીમારીઓ વધી રહી છે. છેલ્લા થોડા વર્ષોમાં હાર્ટ અટેકનાં કેસ વધી ગયા છે. હ્રદય શરીરનું મહત્વપૂર્ણ અંગ છે. તે શરીરના દરેક ભાગમાં લોહી પહોંચાડવાનું કામ કરે છે. જો તમને હ્રદયને લગતી કોઈ પણ પ્રકારની સમસ્યા હોય તો તેને નજરઅંદાજ કરશો નહીં. તે ઘાતક સાબિત થઈ શકે છે. ઘણા લોકો શરદી-ઉધરસ, હ્રદયમાં દુ:ખાવો અને હાથ-પગમાં ચડતા સોજાને અવગણે છે. પરતું આ લક્ષણો હ્રદયમાં સોજાને કારણે હોય શકે છે. જેને મ્યોકાર્ડિટિસ કહેવામાં આવે છે. જાણો, તેના લક્ષણો વિશે.
ફ્લૂ
તાવ,ગળામાં દુ:ખાવો અને શરદી-ઉધરસ આ બધા સામાન્ય ફ્લૂ જેવા લક્ષણો હ્રદયમાં સોજાને કારણે હોય શકે છે. લાંબા સમય સુધી ફ્લૂની સમસ્યા કોઈ સામાન્ય બાબત નથી. તમારે તાત્કાલિક ડોક્ટરની મુલાકાત લેવી જોઈએ.
વધુ પડતો થાક લાગે
દર વખતે થાક લાગે અથવા સુસ્તી ચડવા લાગે તો સમજવું કે આ હ્રદયમાં સોજાનાં લક્ષણો છે. જો રાત્રે પૂરતી ઊંઘ લીધા પછી પણ તમને થાક લાગે તો તેને સામાન્ય સમજવાની ભૂલ ન કરશો. તમારે ડોક્ટરને મળીને સારવાર કરાવવાની જરૂર છે.
શરીરમાં સોજો આવી જવો
જો તમારા હ્રદયમાં સોજો હોય તો શરીરના કેટલાક ભાગમાં સોજો આવી જાય છે. તમને હાથ, પગ અને ચહેરા પર સોજો જોવા મળશે.
વાંચવા જેવું: અસ્થમાથી લઇને... આ ડ્રાયફ્રૂટ આગળ અખરોટ-બદામ પણ ફેલ, રોજ ખાવાથી અનેક સમસ્યાઓ થશે દૂર
છાતીમાં દુ:ખાવો
હ્રદયમાં દુ:ખાવો એ હ્રદયમાં સોજાનું સંકેત છે. તેના કારણે તમને ઘણી વાર એકદમથી છાતીમાં દુ:ખાવો થવા લાગે છે. જ્યારે તમે આરામ કરી રહ્યા હોય ત્યારે શ્વાસ લેવામાં સમસ્યા થવી.
ચક્કર આવે
કેટલાક લોકોને વારંવાર ચક્કર આવવાની સમસ્યા હોય છે. ઘણા લોકો તેને શરીરની નબળાઈ સમજવાની ભૂલ કરે છે. વારંવાર ચક્કર આવવા એ પણ હ્રદયમાં સોજાનાં લક્ષણો હોય શકે છે.
