- મિનિટમાં મુકેશ અંબાણીની રિલાયન્સને 80.800 કરોડ રૂપિયાનો ફાયદો
- રિલાયન્સ ઇન્ડસ્ટ્રીઝના શેરમાં હાલ સારો ઉછાળો
- કંપનીનો માર્કેટ કેપ 18.50 લાખ કરોડ રૂપિયા
મુકેશ અંબાણીની રિલાયન્સ ઇન્ડસ્ટ્રીઝના ફાયનેંશિયલ આર્મ ડિમર્ઝરની રેકોર્ડ 20 જુલાઇ કરવામાં આવી છે. જેનો અર્થ એ થયો કે જીયો ફાઇનેંશિયલ લિમિટેડ 20 જુલાઇએ અલગ યુનિટ થઇ જશે અને તેનો ટૂંક સમયમાં આઇપીઓ પણ માર્કેટમાં લાવવામાં આવશે. આ સમાચાર બાદ આજે સવારથી રિલાયન્સ ઇન્ડસ્ટ્રીઝના શેરમાં આગ ઝરતી તેજી જોવા મળી હતી. આંકડા પ્રમાણે રિલાયન્સ ઇન્ડસ્ટ્રીઝના શેર લાઇફ ટાઇમ હાઇ પર પહોંચી ગયા છે અને કંપનીનો માર્કેટ કેપ 18.50 લાખ કરોડ રૂપિયાથી વધુ થઇ ગયો છે. એટલે કે થોડી જ મિનિટમાં મુકેશ અંબાણીની રિલાયન્સને 80.800 કરોડ રૂપિયાનો ફાયદો થઇ ગયો.
શેર બજારમાં તેજીના કારણે રિલાયન્સ ઇન્ડસ્ટ્રીઝના શેરમાં જબરજસ્ત તેજી જોવા મળી હતી. બિઝનેસ સત્ર દરમિયાન કંપનીના શેર 2,755 રૂપિયાની સાથે લાફટ ટાઇમ હાઇ પર પહોંચી ગયા છે. સામાન્ય રીતે કંપનીનો શેર આજે 2686 રૂપિયાના ભાવ પર ઓપન થયો હતો.
100 દિવસમાં 18 ટકાનો ઉછાળો
તો બીજી બાજુ રિલાયન્સ ઇન્ડસ્ટ્રીઝના શેરમાં હાલના નાણાકીય વર્ષમાં ખુબ જ સારો ઉછાળો જોવા મળી રહ્યો છે. 100 દિવસમાં કંપનીના શેર 18 ટકાથી વધુ થઇ ગયો છે. આંકડા પ્રમાણે 31 માર્ચે કંપનીના શેર 2331.05 રૂપિયા રહ્યો હતો. જેમાં અત્યાર સુધી 424 રૂપિયાની તેજી જોવા મળી છે. તો બીજી બાજુ જો જુલાઇ મહિનાની વાત કરીએ તો કંપનીના શેરમાં 8 ટકાનો વધારો થયો છે.30 જુનના રોજ કંપનીના શેર 2,550.70 રૂપિયા હતો જેમાં 204 રૂપિયાથી વધુનો વધારો થયો છે.
મિનિટોમાં જ કંપનીએ 80800 કરોડની કમાણી કરી
કંપનીના શેરમાં થયેલા વધારેને કારણે રિલાયન્સના માર્કેટમાં તેજી જોવા મળી. કંપનીના શેર જ્યારે 2,755 રૂપિયા પર પહોંચ્યા ત્યારે કંપનીનું માર્કેટ કેપ 18,63,858.21 કરોડ રૂપિયા પર પહોંચ્યું હતું. જ્યારે શુક્રવારે કંપનીનું માર્કેટ કેપ 17,83,043.16 કરોડ રૂપિયા હતું. એટલે કે રિલાયન્સના માર્કેટમાં 80,800 રૂપિયાથી વધુનો ફાયદો જોવા મળ્યો છે.
