પ્રશ્ચિમ બંગાળ / કળિયુગ કહેવાય.! લગ્ન માટે છોકરી જોવા ગયો યુવક, તેને પડતી મૂકી મા સાથે પ્રેમ થતાં ભગાડી છૂટયો, 3 બાળકો રઝળ્યા

• પશ્ચિમ બંગાળના માલદામાં ચોંકાવનારો કિસ્સો
• લગ્ન માટે યુવતી જોવા આવેલ યુવક સાથે દીકરીની માતા ભાગી ગઈ 
• સ્થાનિક પોલીસ મથકમાં નોંધાયો ગુન્હો

પશ્ચિમ બંગાળના માલદામાં ચકચારી કિસ્સો સામે આવ્યો છે. જેમા લગ્નવાચ્છુક એક યુવક માલદાના ઇચાહાર ગામમાં લગ્ન માટે યુવતી જોવા માટે તેના ઘરે ગયો હતો. આ દરમિયાન યુવકની ખૂબ સારી રીતે મહેમાનગતિ કરવામાં આવી હતી. જોકે યુવકને છોકરી પસંદ ન પડતા ત્યાથી ચાલ્ય ગયા હતા. બાદમાં યુવકનું દિલ દિલ દીકરીની માતા પર આવી ગયું હતું.એટલું જ નહીં જોત જોતામા બંને વચ્ચે પ્રેમ પાંગળ્યા બાદ તે દીકરીની માતા સાથે ભાગી ગયો હતો. જે કિસ્સો બહાર આવતા સમગ્ર પંથકમાં ચકચાર મચી ગઈ હતી. આ મામલે મહિલાના પતિએ પોલીસ મથકમાં જાણ કરી ફરિયાદ નોંધાવતા પોલીસે ગુમ થયાની ફરિયાદ નોંધી કાર્યવાહી આગળ ધપાવી છે.

25 માર્ચેના રોજ સામે આવ્યો હતો ચોંકાવનારો કિસ્સો

25 માર્ચેના રોજ આ ચોંકાવનારો કિસ્સો સામે આવ્યો હતો. જે માલદાના ગજોલ પોલીસ મથક હેઠળ આવતા કરકચ પંચાયતના ઇચાહાર ગામમાં બની હતી. પત્ની ગુમ થયા બાદ પતિએ અનેક સ્થળોએ તપાસ હાથ ધરી હતી. ઉપરાંત સગાસંબંધીઓનેં પણ ટેલિફોનિક વાતચીત કરી જાણ કરી હતી. જેની હજુ  સુધી ક્યાય ભાળ ન મળતા અંતે પોલીસમાં જાણ કરાઈ હતી. 

મહિલા 3 બાળકોને છોડીને યુવાન સાથે ભાગી ગઈ

મહિલાના પતિએ જણાવ્યું કે તેની પુત્રી લગ્ન માટે લાયક છે. જેને દીકરીના લગ્ન માટે તે સારા મુરતીયાની શોધમાં હતા. આ દરમિયાન 25 માર્ચના રોજ એક યુવક તેની પુત્રીને લગ્ન માટે જોવા આવ્યો હતો. બાદમાં તે મારી પત્ની સાથે ભાગી ગયો હતો. હવે દીકરી માતા વિશે કોઈ જાણ ન હોવાનું મહિલાના પતિએ કહ્યું હતું.પરિવારજનોના કહેવા પ્રમાણે મહિલા 3 બાળકોને છોડીને યુવાન સાથે ભાગી ગઈ છે. હાલ પોલીસ દ્વારા શોધખોળ ચાલી રહી હોવાનું જણાય રહ્યું છે.