BIG NEWS / ચીનની 200થી વધુ Apps પર પ્રતિબંધ: સટ્ટાબાજી અને લોનના નામે થતું હતું લોકોનું શોષણ 

• ચાઈનીઝ એપ પર MHAની રિપોર્ટ બાદ મોટી કાર્યવાહી
• ચીનની 232 મોબાઈલ એપ્લિકેશન પર પ્રતિબંધ
• ભારતે 232 ચાઈનીઝ મોબાઈલ એપ પર લગાવ્યો પ્રતિબંધ
• અગાઉ પણ સરકારે ચીનના અનેક મોબાઈલ એપ પર લગાવ્યા છે પ્રતિબંધ
• ડેટા ચોરીના આરોપસર સરકારે ચાઈનીઝ એપ પર કરી કાર્યવાહી

કેન્દ્ર સરકારે ફરી એકવાર ચાઈનીઝ એપ ઉપર મોટી કાર્યવાહી કરી છે. વાત જાણે એમ છે કે, ચાઈનીઝ લિંક્સ સાથે સટ્ટાબાજી અને લોન આપતી એપ્સ સામે કેન્દ્ર સરકારે મોટું પગલું ભર્યું છે. જેના ભાગરૂપે તાત્કાલિક અસરથી 138 સટ્ટાબાજીની એપ્સ અને 94 લોન લેન્ડિંગ એપ્સ એટલે કે સરેરાશ ચીનની 200થી વધુ એપ્સ પર પ્રતિબંધ અને બ્લોક કરવાનું શરૂ કર્યું છે. 

મહત્વનું છે કે, ઇલેક્ટ્રોનિક્સ અને ઇન્ફર્મેશન ટેક્નોલોજી મંત્રાલયને આ અઠવાડિયે કેન્દ્રીય ગૃહ મંત્રાલય તરફથી આ એપ્સને બ્લોક કરવાનો નિર્દેશ મળ્યો છે. સૂત્રોએ પુષ્ટિ કરી છે કે,ઇલેક્ટ્રોનિક્સ અને ઇન્ફર્મેશન ટેક્નોલોજી મંત્રાલયે આ એપ્સને બ્લોક કરવાની પ્રક્રિયા શરૂ કરી દીધી છે.

Centre to ban 138 betting apps, 94 loan lending apps with Chinese links

Read @ANI Story | https://t.co/VBvMA0UCRV#chineseapps #China #ChinaAppsBan pic.twitter.com/UKYSmlDaGj

— ANI Digital (@ani_digital) February 5, 2023

ચાઈનીઝ એપ પર MHAની રિપોર્ટ બાદ મોટી કાર્યવાહી
કેન્દ્રીય ગૃહ મંત્રાલયે છ મહિના પહેલા ચીનની 28 લોન આપતી એપની તપાસ શરૂ કરી હતી. તપાસમાં જાણવા મળ્યું છે કે, આવી અનેક એપ્સ ઈ-સ્ટોર પર હાજર છે અને કોઈપણ અન્ય થર્ડ પાર્ટી લિંક દ્વારા કામ કરી રહી છે. સૂત્રોએ જણાવ્યું હતું કે આ એપ્સ જે ઘણીવાર લોકોને મોટા પાયે દેવામાં ફસાવવા માટે જાળ ગોઠવે છે. આ સાથે તેનો જાસૂસી અને પ્રચારના સાધનો તરીકે પણ દુરુપયોગ થઈ શકે છે. આ સિવાય ભારતીય નાગરિકોના ડેટાની સુરક્ષા પણ જોખમમાં આવી શકે છે. 

સૂત્રોએ જણાવ્યું કે તેલંગાણા, ઓડિશા અને ઉત્તર પ્રદેશ જેવા રાજ્યો તેમજ કેન્દ્રીય ગુપ્તચર એજન્સીઓએ કેન્દ્રીય ગૃહ મંત્રાલયને આ એપ્સ સામે પગલાં લેવા જણાવ્યું હતું. તપાસકર્તાઓએ એ પણ શોધી કાઢ્યું છે કે આ એપ્લિકેશન્સને જાસૂસી સાધનોમાં ફેરવવા માટે સર્વર-સાઇડ સુરક્ષાનો દુરુપયોગ કરવાની સંભાવના છે. કારણ કે આ એપ્સ ભારતીયોના મહત્વના ડેટાને એક્સેસ કરે છે. આવા ડેટાની ઍક્સેસનો ઉપયોગ સામૂહિક દેખરેખ માટે થઈ શકે છે. 

નોંધનીય છે કે, લગભગ તમામ પ્રતિબંધિત એપ ચીની નાગરિકો દ્વારા બનાવવામાં આવી હતી. જેમણે ભારતીયોને નોકરીએ રાખ્યા અને તેમને કામ સોંપ્યું. લોકોને લોન લેવા માટે પ્રલોભિત કર્યા પછ  તેઓએ વાર્ષિક વ્યાજમાં 3,000 ટકા સુધીનો વધારો કર્યો. જ્યારે લોન લેનારાઓ સંપૂર્ણ લોન તો દૂર પણ વ્યાજની રકમ પણ ચૂકવી શકતા ન હતા તેવા લોકોને આ એપ્સના લોકોએ હેરાન કરવાનું શરૂ કર્યું.

લોન લેનારાઓને આ એપ્સમાંથી અશ્લીલ સંદેશા મોકલવામાં આવ્યા હતા, તેમના મોર્ફ કરેલા ફોટા જાહેર કરવાની ધમકી આપવામાં આવી હતી અને તેમના સંપર્કોને સંદેશા મોકલીને તેમને શરીરને શરમજનક બનાવ્યા હતા. આ મુદ્દો ખાસ કરીને આંધ્રપ્રદેશ અને તેલંગાણામાં આ એપ્સના ઘણા દેવાદારોની આત્મહત્યા પછી ચર્ચામાં આવ્યો હતો. હવે ઈલેક્ટ્રોનિક્સ અને ઈન્ફોર્મેશન ટેકનોલોજી મંત્રાલયે આ એપ્સને 'ઈમરજન્સી બ્લોક' કરવાની ગૃહ મંત્રાલયની ભલામણ પર કાર્યવાહી શરૂ કરી છે. આ એપ્સ પર આઈટી એક્ટની કલમ 69 લાગુ થાય છે તે બંને મંત્રાલયો દ્વારા પુષ્ટિ કર્યા પછી કાર્યવાહી શરૂ કરવામાં આવી છે. કારણ કે તેમાં એવી સામગ્રી છે જે ભારતની સાર્વભૌમત્વ અને અખંડિતતાને નુકસાન પહોંચાડે છે.