સરકારી નોકરી / પોલીસ ભરતીમાં ફોર્મ ભરાવવાની પ્રક્રિયા શરૂ, જાણી લો છેલ્લી તારીખ અને અરજી કરવાની પ્રોસેસ

ગુજરાત પોલીસમાં જોડાવા ઇચ્છતા ઉમેદવારો માટે સારા સમાચાર આવ્યા છે. ગુજરાત પોલીસ ભરતી બોર્ડે ગુજરાત પોલીસમાં PSI, આર્મ્ડ પોલીસ કોન્સ્ટેબલ, પોલીસ કોન્સ્ટેબલ, લોક રક્ષક અને જેલ કોન્સ્ટેબલનાં પદ પર બંપર ભરતી માટે અરજીઓ મંગાવી છે. ઓનલાઈન અરજીની પ્રક્રિયા 4 એપ્રિલે બપોરે 3 વાગ્યાથી શરૂ થઈ જશે. આ ભરતી દ્વારા ગુજરાત પોલીસ ભરતી બોર્ડ 12 હજાર 472 જગ્યાઓ ભરશે.

પોલીસમાં ભરતી થવા માટે 30મી એપ્રિલ સુધીમાં અરજી કરો - 

ગુજરાત પોલીસમાં PSI, આર્મ્ડ પોલીસ કોન્સ્ટેબલ, પોલીસ કોન્સ્ટેબલ, લોક રક્ષક અને જેલ કોન્સ્ટેબલની જગ્યાઓ પર ભરતી માટે ઓનલાઈન અરજીની પ્રક્રિયા શરૂ થઈ રહી છે. જો તમે આ ભરતી અભિયાનમાં ભાગ લેવા માંગતા હો, તો તમે બોર્ડની અધિકૃત વેબસાઇટ https://ojas.gujarat.gov.in/ દ્વારા ઑનલાઇન મોડમાં અરજી ફોર્મ ભરી શકો છો.

શૈક્ષણિક લાયકાત અને વય મર્યાદા - 

ગુજરાત પોલીસ ભરતી બોર્ડ અનુસાર, PSI ની પોસ્ટ માટે કોઈપણ માન્ય યુનિવર્સિટીમાંથી સ્નાતકની ડિગ્રી હોવી જરૂરી છે. આ ઉપરાંત, આ પદ માટે લઘુત્તમ વય 21 વર્ષ અને મહત્તમ વય મર્યાદા 35 વર્ષ છે એટલી આ વયજૂથના અરજદારો જ અરજી કરી શકશે. કોન્સ્ટેબલ, લોક રક્ષક અને જેલ કોન્સ્ટેબલની જગ્યા પર ભરતી માટે શૈક્ષણિક લાયકાત 12 પાસ અથવા તેની સમકક્ષ હોવી જોઈએ. જેની લઘુત્તમ વય 18 વર્ષ અને મહત્તમ વય મર્યાદા 33 વર્ષ નક્કી કરવામાં આવી છે. અનામત વર્ગના ઉમેદવારોને નિયમો મુજબ છૂટછાટ આપવામાં આવશે.

પસંદગી પ્રક્રિયા - 

યોગ્ય ઉમેદવારોએ માત્ર ઓનલાઈન મોડ દ્વારા જ અરજી કરવાની રહેશે. PSI ની ભરતી માટે, ઉમેદવારોએ ફિઝિકલ ટેસ્ટ અને મુખ્ય લેખિત પરીક્ષા આપવી પડશે. PSI માટે ઑફલાઇન મોડમાં લેખિત પરીક્ષા માટે ગુજરાતી અને અંગ્રેજી બંને ભાષાના વિકલ્પો હશે. લોક રક્ષકની ભરતીમાં ફિઝિકલ ટેસ્ટ અને ગુજરાતી ભાષામાં ઓફલાઈન માધ્યમથી MCQ પરીક્ષા લેવામાં આવશે.

વધુ વાંચો: અમદાવાદની SVP હોસ્પિટલના સફાઈ કર્મીઓ હડતાળ પર, જાણ કર્યા વિના જ કોન્ટ્રાક્ટ બદલી દેવાતા મામલો મેદાને

અરજી ફી - 

જનરલ કેટેગરીના ઉમેદવારોએ પરીક્ષા અને બેંક ફી તરીકે રૂ. 100 ચૂકવવાના રહેશે. ભરતી સંબંધિત કોઈપણ પ્રકારની માહિતી માટે 30 એપ્રિલ સુધી ટોલ ફ્રી નંબર 1800 233 5500 પર રવિવાર અને જાહેર રજાઓ સિવાય સવારે 12:30 થી સાંજના 6 વાગ્યા સુધી મદદ મેળવી શકાશે. વધુ માહિતી માટે, વેબસાઇટ અને નોટીફિકેશન પર ધ્યાન આપો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો

30 એપ્રિલ 2024 સુધી ઓનલાઈન અરજી કરી શકાશે

આ તમામ સંવર્ગની સબંધિત જગ્યાના ભરતી નિયમો અને પરીક્ષા નિયમોની પ્રવર્તમાન જોગવાઇઓ મુજબ લાયકાત પરિપૂર્ણ કરતા અને ઇચ્છા ધરાવતા ઉમેદવારોએ તા.04/04/2024 (બપોરના 15:૦૦ કલાક)થી તા.30/04/2024 (રાત્રિના 23:59 કલાક સુધી)  કાળજીપૂર્વક ઓનલાઈન અરજી કરવાની રહેશે.

વિગતે પરિપત્ર વાંચવા અહીં ક્લિક કરો

વેબસાઈટ પર જઈ ઓનલાઈન અરજી કરવાની રહેશે

પોલીસ ભરતી બોર્ડ ધ્વારા ભરતી અંગેની તમામ સુચનાઓ (જાહેરાત) અને ઓનલાઇન અરજી સ્વીકારવાનો સમયગાળો હવે પછી https://ojas.gujarat.gov.in વેબસાઇટ ઉપર અપલોડ કરવામાં આવનાર છે. આ તમામ સુચનાઓ (જાહેરાત) કાળજીપુર્વક વાંચી નિયમોની પ્રવર્તમાન જોગવાઇઓ મુજબ લાયકાત પરીપૂર્ણ કરતા અને ઇચ્છા ધરાવતા ઉમેદવારોએ https://ojas.gujarat.gov.in વેબસાઇટ પર જઇ ઓનલાઇન અરજી કરવાની રહેશે.

પોલીસ ભરતી માટે અરજીની પ્રોસેસ

•  OJAS વેબસાઇટ (ojas.gujarat.gov.in) પર જાઓ
• ‘ગુજરાત પોલીસ ભરતી 2024’ માટેની સૂચના લિંક બટન દબાવો
• સૂચનાઓ અને આવશ્યકતાઓને કાળજીપૂર્વક વાંચન કરો
• ‘ઓનલાઈન અરજી કરો’ લિંક પર ક્લિક કરી જરૂરિયાત મુજબની માહિતી ભરો
• ફોટો, સહી સહિતના જરૂરી દસ્તાવેજો અપલોડ કરો.
• ફી ચૂકવો અને અરજી સબમિટ કરો.

કેટલી જગ્યા ?

વાંચવા જેવું:  ગુજરાતની રાજનીતિમાં હડકંપ, ભાજપમાંથી દિગ્ગજ નેતા સસ્પેન્ડ, આ કારણે સી આર પાટીલે કરી કાર્યવાહી

ખાસ આ નોંધ વાંચી લો

1. ઓનલાઇન અરજી કરતી સમયે ઉમેદવારે પોતાની અટક, પોતાનું નામ તથા પિતા/ પતિનું નામ ધોરણ-12 અથવા તેને સમકક્ષ પરીક્ષાની છેલ્લી માર્કશીટમાં દર્શાવેલ હોય તે મુજબ જ દર્શાવવાનું રહેશે અને દર્શાવેલ માર્કશીટ ઓનલાઇન અરજી કરતી વખતે અપલોડ કરવાની રહેશે.
2. ઉમેદવાર જો (1) ફકત પો.સ.ઇ. કેડર માટે અરજી કરવા માંગતા હોય તો તેઓએ Online Application માં PSI Cadre પસંદ કરવાનું રહેશે (2) ફકત લોકરક્ષક કેડર માટે અરજી કરવા માંગતા હોય તો તેઓએ Online Application માં Lokrakshak Cadre પસંદ કરવાનું રહેશે અને (3) જો બંન્ને માટે (પો.સ.ઇ. કેડર તથા લોકરક્ષક કેડર) અરજી કરવા માંગતા હોય તો તેઓએ Online Application માં Both (PSI+LRD) પસંદ કરવાનું રહેશે.
3.  માજી સૈનિકો માટે ગુજરાત રાજય સેવા (માજી સૈનિકો માટે અનામત) નિયમો 1975 અને સુધારેલ નિયમો - 1994 તથા વખતો વખત સુધારેલ નિયમો મુજબ અનામત મળવાપાત્ર રહેશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો