Police and bootlegger Audio clip: હળવદના તત્કાલીન PSIના નામે પોલીસકર્મીઓ રૂપિયા ઉઘરાવતા હોવાની ચર્ચા સામે આવી છે, દેશીદારૂની ભઠ્ઠી ચલાવવાનો પરવાનો અપાતો હોવાનો ઓડિયો ક્લિપમાં ઉલ્લેખ કરાયો છે.
Share
પોલીસ-બુટલેગરનો કથિત ઓડિયો ક્લિપ વાયરલ
દારૂની ભઠ્ઠી ચલાવવા હપ્તા લે છે પોલીસ?
PSIના નામે પૈસા ઉઘરાવવાનો આરોપ
Police and bootlegger Audio clip: મોરબીમાં બુટલેગર અને પોલીસની કથિત ઓડિયો ક્લિપ વાયરલ થઈ રહી છે. જેમાં હળવદના તત્કાલીન PSI એમ.જે. ધાંધલ અને બુટલેગર વાતચીત કરી રહ્યાં હોવાનું જણાઈ આવ્યું છે. આ ઓડિયોમાં PSI બુટલેગર સાથે પૈસાની લેવડ દેવડ અંગે વાતચીત કરી રહ્યો છે. PSI એમ.જે. ધાંધલની હપ્તા ન લેતા હોવાની કરેલી વાતનો ઓડિયો ક્લિપ વાયરલ થઈ છે.
પોલીસકર્મીઓ રૂપિયા ઉઘરાવતા હોવાની ચર્ચા
હળવદના તત્કાલીન PSIના નામે પોલીસકર્મીઓ રૂપિયા ઉઘરાવતા હોવાની ચર્ચા સામે આવી છે. દેશીદારૂની ભઠ્ઠી ચલાવવાનો પરવાનો અપાતો હોવાનો ઓડિયો ક્લિપમાં ઉલ્લેખ કરાયો છે. જેમાં D સ્ટાફ, જમાદાર સહિત PSIને રૂપિયા આપ્યા હોવાની વાતનો ઉલ્લેખ પણ કરાયો છે. PSI એમ.જે. ધાંધલના નામે અન્ય પોલીસકર્મીને રૂપિયા આપ્યાનો આરોપ કરાયો છે. એમ.જે. ધાંધલ હાલ ટંકારા પોલીસ સ્ટેશનમાં ફરજ બજાવે છે.
ઓડિયો ક્લીપમાં શું બોલે છે ?
જે ઓડિયો ક્લીપમાં PSI એમ.જે. ધાંધલ જણાવી રહ્યો છે કે, ઓળખે છે મને ધાંધલ બોલું છું ત્યારે બુટલેગર કહે છે કે, હા સાહેબ જે પછી PSI કહે છે કે, મોટો ધંધાર્થી થઈ ગયો હોય તો ન ઓળખતો હોય. બુટલગેર કહે છે કે, ધંધો સારો નથી ચાલતો અત્યારે માત્ર બે કાર્બા જ છે. ત્યારબાદ PSI હપ્તા વિશે પૂછે છે ત્યારે બુટલેગર કહે છે કે, ડી સ્ટાફને 25 હજાર અને 15 હજાર જમાનદારને આપું છું. PSI એમ.જે. ધાંધલ તેના હપ્તા વિશે પૂછતા કહે છે કે, 10 હજાર ગઈકાલે મોકલાયા છે 10 હજાર આવતીકાલે મોકલું બુટલગેર કહે છે અને પહેલા 15 હજાર રવિરાજસિંહ સાથે મોકલાવ્યા તેમ કહેતા PSI ગરમ થઈ જાય છે અને કહે છે કે, મેં કિધુ છે તું મને પૈસા આપજે અને તને ખબર છે હું પૈસા લઉ છું, મારા પૈસા કોઈને આપતો નહી અને હું કોઈ દિવસ પૈસા લેતા પણ નથી
