ક્રાઈમ / ઈકોમાં બિઝનેસમેનને કર્યો કીડનેપ! પડાવ્યા આટલા લાખ, મોરબીમાં કંપનીનો જૂનો કર્મચારી જ નીકળ્યો દગાબાજ!

• મોરબીના કારખાનાના શ્રમિકોએ  ઉદ્યોગપતિનું અપહરણ કર્યું
• ઉદ્યોગપતિના ભાગીદારને ફોન કરી પાંચ લાખ રૂપિયા પડાવ્યા
• ગુનામાં કારખાનાના પૂર્વ કર્મચારી સહિત ત્રણ આરોપી ધરપકડ

મોરબીના કારખાનામાં મજૂરી કામ કરતાં પરપ્રાંતિય શ્રમિકોએ સિરામિક ઉદ્યોગપતિનું ઇકો કારમાં અપહરણ કર્યું હતું અને તેને છરી બતાવીને પહેલા 10 લાખની માંગણી કરી હતી જોકે, બાદમાં ઉદ્યોગપતિના ભાગીદારને ફોન કરીને પાંચ લાખ રૂપિયા પડાવી લેવામાં આવ્યા હતા જે ગુનામાં કારખાનાના પૂર્વ કર્મચારી સહિત ત્રણ આરોપીની હાલમાં ધરપકડ કરવામાં આવી છે.

ઉદ્યોગપતિનું અપહરણ કરવામાં આવ્યું હતું 
મોરબીના લીલાપર કેનાલ રોડે ગુંજન હાઇટ્સમાં રહેતા અને સિરામિક સેનેટરી વેર વાળા જીજ્ઞેશ ભટ્ટાસણાનું ઘૂટુંથી તલાવીયા શનાળા વચ્ચે મોઢે રૂમાલ બાંધેલ બે શખ્સ જાળીમાંથી સામે આવ્યા હતા અને ઇકો કારમાં ઉદ્યોગપતિનું અપહરણ કરવામાં આવ્યું હતું અને તેના જ પૂર્વ કર્મચારી મનોજ ઉર્ફે ટાપન હરિહર બહેરા અને તેની સાથે આવેલા અન્ય ત્રણ શખ્સો દ્વારા પાંચ લાખ રૂપિયાની માંગણી કરવામાં આવી હતી અને તેના ભાગીદાર વિશાલભાઈએ મોરબી જિલ્લાના વાંકાનેર તાલુકાનાં ઢુવા પાસે આવેલ રાધે હોટેલ પાછળ માટેલ રોડ ઉપર આરોપીઓના સાગરિતને રૂપિયા આપ્યા બાદ ઉદ્યોગપતિને અમદાવાદમાં છોડીને આરોપીઓ નાશી ગયા હતા જે ગુનામાં પોલીસે હાલમાં મનોજ ઉર્ફે તપન હરિહર બેહરા (27) અને જયંતાકુમાર હરિહર બહેરા (30) રહે. બંને ઓરિસ્સા, રોહિત લાલુરામ મંડલોઇ (23) આરએચ. એમપી વાળની ધરપકડ કરેલ છે અને હજુ બે આરોપીઓને પકડવાના ચક્રોગતિમાન છે.

પોલીસે રિમાન્ડ મેળવવા તજવીજ હાથ ધરી 
પોલીસ અધિકારીએ જણાવ્યુ હતું કે, આરોપીએ કારખાનામાં કામ કર્યું હતું તેના રૂપિયા લેવાના હતા જે આપવામાં આવ્યા ન હતા જેથી કરીને તે આરોપીઓએ ઉદ્યોગપતિનું અપહરણ કર્યું હતું અને કારમાં બેસાડીને છરી બતાવીને મારી નાખવાની ધમકી આપી હતી ત્યાર બાદ તેને અમદાવાદ તરફ લઈને ગયા હતા જો કે, આરોપીના સાગરીતને મોરબી જિલ્લામાં રૂપિયા આપવામાં આવ્યા ત્યાર પછી તેને અમદાવાદ પાસે છોડીને ચાર શખ્સો એમપીના ધાર જિલ્લામાં નાસી ગયા હતા જો કે, મોરબી તાલુકા પોલીસની ટીમે તેનો પીછો કરીને મુખ્ય સૂત્રધાર સહિત ત્રણ આરોપીને પકડી લીધા છે તેમની પાસેથી 2.16 લાખ રૂપિયા રોકડા તેમજ જે ગાડીમાં અપહરણ કર્યું હતું તે ઇકો ગાડી નંબર MP 9ZC 2778ને કબજે કરેલ છે અને જે આરોપીને પકડવામાં આવેલ છે તેના રિમાન્ડ લેવા માટેની તજવીજ ચાલી રહી છે અને બાકીના બે આરોપીને પકડવા માટે પોલીસે જુદીજુદી દિશામાં ચક્રોગતિમાન કરેલ છે.

અત્રે ઉલેખનીય છે કે મોરબીની આસપાસમાં ઘણા કારખાના આવેલ છે જેમાં પરપ્રાંતમાંથી શ્રમિક કામ કરવા માટે ઘણા લોકો આવે છે તે માંથી ઘણાબધા ગુનાહિત માનસિકતા ધરાવતા હોય છે આટલું જ નહીં પરંતુ તેના વિસ્તારમાં ગંભીર ગુનાને અંજામ આપીને અહિયાં આવતા છે તેવું પણ ઘણી વખત સામે આવ્યું છે ત્યારે મોરબીના ઉદ્યોગકારો દ્વારા તેમના કારખાનામાં જે મજૂરોને કામે રાખવામા આવે તેની તમામ વિગત લેવામાં આવે તે જરૂરી નહીં પરંતુ અનિવાર્ય છે.