મોરબીના એક્સ ધારાસભ્યએ પક્ષ પલટો તો કર્યો પણ જૂનો પક્ષ તેમનાથી છૂટતો નથી. તેમની જીભ લપસી ગઈ હતી અને ભાજપના નવા પ્રદેશ પ્રમુખને કોંંગ્રેસના પ્રમુખ ગણાવ્યા હતા.
આગેવાનોના જોડાવવાના સમયે બ્રિજેશ મેરજાએ ભાંગરો વાટ્યો
કોંગ્રેસમાંથી ભાજપમાં જોડાયેલા નેતાઓ હજુ સુધી કોંગ્રેસને ભૂલ્યા નથી. ભાજપમાં થોડા સમય પહેલા જોડાયેલા બ્રિજેશ મેરજા હજુ સુધી કોંગ્રેસને ભૂલ્યા નથી. બ્રિજેશ મેરજાએ સી.આર.પાટીલને કોંગ્રેસના પ્રમુખ ગણાવ્યા હતા. 60 જેટલા આગેવાનો આજે કોંગ્રેસમાંથી ભાજપમાં જોડાયા. આગેવાનોના જોડાવવાના સમયે બ્રિજેશ મેરજાએ ભાંગરો વાટ્યો હતો.
વલસાડમાં પણ કોંગ્રેસમાં ભંગાણ
પેટાચૂંટણી પહેલા વલસાડ કોંગ્રેસમાં ભંગાણ પડ્યું છે. કપરાડાની પેટાચૂંટણીના પહેલા કોંગ્રેસમાં ભંગાણ પડ્યું છે. કપરાડા બેઠકના કોંગ્રેસી આગેવાનો ભાજપમાં જોડાયા છે. કોપરલીમાં કોંગ્રેસ કાર્યકર્તાઓએ કેસરીયો ધારણ કર્યો છે. તાલુકા પંચાયતના સભ્ય, જિલ્લા પંચાયતના એક સભ્ય ભાજપમાં જોડાયા છે. તો કેટલાંક ગામના સરપંચો પણ ભાજપમાં સામેલ થયા છે. વાપી અને પારડીના 140થી વધુ કાર્યકર્તાઓ ભાજપમાં જોડાયા છે.