કામની વાત / PPF એકાઉન્ટમાંથી વચ્ચે પૈસા ઉઠાવતા પહેલાં જાણી લેજો આ નિયમ, નહીં તો થઇ શકે છે મોટું નુકસાન

• PPF સ્કીમમાં ઇન્વેસ્ટમેન્ટ લોકો માટે બેસ્ટ ઓપ્શન છે
• આ સ્કીમમાં ગ્રાહકોને સારુ વ્યાજ સાથે ટેક્સ પર છૂટનો લાભ મળે છે
• એક વર્ષમાં વધારેમાં વધારે 1.5 લાખ રુપિયા એક જ વખતમાં રોકાણ કરી શકાય.

Money withdraw from PPF: જો તમે પોતાના પીપીએફ એકાઉન્ટમાંથી વચ્ચે પૈસા ઉપાડવા ઇચ્છો છો, તો પૈસા કાઢતા પહેલા પીપીએફ ખાતાના સંબંધિત ટેક્સ નિયમ જાણી લેવો જોઇએ. કારણ કે પીપીએફ ખાતામાંથી વચ્ચેથી જ પૈસા ઉપાડવા પર તમારુ ઘણુ નુકશાન થઇ શકે છે. તેથી જો કોઇને પૈસાની જરુર પડે તો આ નિયમને ફોલો કરીને પીપીએફ ખાતામાંથી મેચ્યોરિટી પાકતા પહેલા જ પૈસા ઉપાડી શકે છે. પરંતુ વચ્ચેથી ઉપાડેલ પૈસા ટેક્સ હેઠળ ગણવામાં આવી શકે છે. 

અત્યારના સમયમાં પબ્લિક પ્રોવિડેંટ ફંડ એટેલે કે PPF સ્કીમમાં ઇન્વેસ્ટમેન્ટ લોકો માટે બેસ્ટ ઓપ્શન છે. કારણ કે તેમાં ગ્રાહકોને સારુ વ્યાજ સાથે ટેક્સ પર છૂટનો લાભ મળે છે. તેથી આ સ્કીમમાં મોટાભાગના લોકો રોકાણ કરવાનું પસંદ કરે છે. સરકારની આ યોજનામાં ગ્રાહક કોઇ ચિંતા વિના પોતાના પૈસા રોકાણ કરી શકે છે. આ સ્કિમ હેઠળ 500 રુપિયાથી ખાતા ખોલીને રોકાણની શરુઆત કરી શકાય છે. 

7.1 ટકા મળશે ઇન્ટરેસ્ટ રેટ
આ યોજનાની સૌથી ખાસ વાત એ છે કે, આમાં ગ્રાહક હપ્તેથી પૈસા જમા કરાવી શકે છે. જો ગ્રાહક ઇચ્છે તો એક વર્ષમાં વધારેમાં વધારે 1.5 લાખ રુપિયા એક જ વખતમાં રોકાણ કરી શકે છે. આ સ્કીમમાં ગ્રાહકોને 7.1 ટકાના પ્રમાણે વ્યાજ આપવામાં આવશે. જો તમે નવા નાણાંકીય વર્ષમાં રોકાણ કરો છો તો પણ તમને 7.1 ટકાનું વ્યાજ મળશે. કારણ કે સરકારે આ સ્કીમના વ્યાજ દરોમાં કોઇપણ પ્રકારનો બદલાવ કર્યો નથી. આ યોજનાનો લાભ લેવા માટે તમે દેશની કોઇપણ બેંક કે પોસ્ટ ઓફિસમાં જઇને ખાતુ ખોલાવી શકાય છે. 

ઉપાડેલા પૈસા પર લાગુ થશે ટેક્સ 
જો તમે પીપીએફ એકાઉન્ટની મેચ્યોરિટી પૂરી થયા પહેલા પૈસા ઉપાડવા માંગો છો તો તમારે ઓછામાં ઓછા 7 વર્ષ રાહ જોવી પડશે. આ પહેલા તમે પૈસા ઉપાડી નહીં શકો કારણ કે આ સ્કીમનો લોકિંગ સમય 15 વર્ષનો હોય છે. પીપીએફ ખાતાથી 7 વર્ષ બાદ ફક્ત 50 ટકા પૈસા ઉપાડી શકો છો, પરંતુ ધ્યાન રહે કે વર્ષમાં એક વખત પૈસા ઉપાડી શકાય છે. આ સ્કીમમાં તમે મેચ્યોરિટી પહેલા જે રકમ ઉપાડશો તેની પર ટેક્સ ભરવો પડશે.