ક્રિકેટ / મોહમ્મદ શમીના ફિટનેસ અંગે મેજર અપડેટ, જાતે એલાન કર્યું હવે ક્યારે રમશે, ચાહકો ઉતાવળિયા થયા

• મોહમ્મદ શમીએ મીડિયા સામે કર્યો ખુલાસો
• ઈંગ્લેંડની સામે સીરીઝ રમશે કે નહીં તે અંગે જવાબ આપ્યો
• ડોક્ટર્સે ફિટનેસને લઈને આપી દીધી લીલીઝંડી

અર્જુન એવોર્ડ મળ્યાં બાદ ભારતનાં સ્ટાર તેજ બોલર મોહમ્મદ શમીએ મોટું એલાન કરી દીધું છે. શમીએ દાવો કર્યો છે કે તેઓ ઈંગ્લેંડની સામે 25 જાન્યુઆરીનાં શરૂ થવા જઈ રહેલી પાંચ ટેસ્ટ મેચોની સીરીઝમાં વાપસી કરશે. હાલમાં મોહમ્મદ શમી પગની ઘૂંટીની ઈજાથી પીડાઈ રહ્યાં છે અને એ જ કારણોસર તેઓ ઈંગ્લેંડની સામે ટેસ્ટ સીરીઝ રમશે કે નહીં તેને લઈને અટકળો ચાલી રહી હતી. જો કે હવે આ દિગ્ગજ ખેલાડીએ તમામ પ્રશ્નોનાં જવાબ આપી દીધાં છે. 

President Droupadi Murmu confers Arjuna Award, 2023 on Shri Mohammad Shami for his achievements in Cricket. His achievements are:

● Runner Up (Men’s Team) in the ICC Cricket World Cup held in India in 2023.
● Runner Up (Men’s Team) in the ICC World Test Championship held… pic.twitter.com/rKkJ5mqIHi

— President of India (@rashtrapatibhvn) January 9, 2024

મોહમ્મદ શમીએ એલાન કર્યું કે તેઓ ટેસ્ટ સીરીઝની શરૂઆતથી પહેલાં ઠીક થઈ જશે. તેમણે કહ્યું કે મને ઘૂંટણમાં તકલીફ હતી પણ હવે હું બરાબર છું...નેશનલ ક્રિકેટ એકેડેમીમાં હું પોતાની ફિટનેસને લઈને કામ કરી રહ્યો છું. NSFનાં મેડિકલ એક્સપર્ટસ મારી ફિટનેસથી ખુશ છે. 

"ડોક્ટર્સે લીલીઝંડી ન આપી"
ભારતમાં રમવામાં આવેલ વર્લ્ડ કપ બાદથી જ મોહમ્મદ શમી ટીમ ઈન્ડિયાનો હિસ્સો નથી રહી શક્યાં. શમીને દક્ષિણ આફ્રીકાની સામેની ટેસ્ટ સીરીઝ દરમિયાન ટીમમાં સ્થાન મળ્યું હતું પણ ફિટનેસનાં મામલે ડોક્ટર્સે લીલીઝંડી ન આપી હોવાને લીધે તેઓ સીરીઝ નહોતા રમી શક્યાં. શમીએ દક્ષિણ આફ્રીકાની સીરીઝને લઈને વાત કરી કે ભારતે દ્વિતીય ટેસ્ટમાં જોરદાર પ્રદર્શન કર્યું. બોલિંગ વિભાગમાં દરેકે સારું યોગદાન આપ્યું. ભારતની તરફથી સીરીઝમાં કમબેક પણ જોરદાર રહ્યું.

વધુ વાંચો: દારૂ બધા પીતાં હતા પણ બદનામ ખાલી મને એકને કર્યો...: ભારતના પૂર્વ ક્રિકેટરનો નવો ધડાકો

"...મને રમતાં જોશો"
એલાન કરતાં શમીએ કહ્યું કે, "ઈજાના લીધે હું સીરીઝમાં નહોતો જોડાઈ શક્યો. પણ હવે હું મેદાનમાં વહેલામાં વહેલા વાપસી કરવા ઈચ્છું છું. ઈંગ્લેંડની સામે ટેસ્ટ સીરીઝમાં તમે મને રમતાં જોશો." શમીને 9 જાન્યુઆરીનાં રોજ અર્જુન એવોર્ડ આપવામાં આવ્યો હતો. આ પુરસ્કાર શમીને વર્લ્ડ કપમાં તેમનાં શાનદાર પર્ફોર્મન્સ માટે મળ્યો હતો.