મોટો દાવો.. / દારૂ બધા પીતાં હતા પણ બદનામ ખાલી મને એકને કર્યો...: ભારતના પૂર્વ ક્રિકેટરનો નવો ધડાકો

• 2000નો દશક ભારતીય ક્રિકેટ ટીમ માટે ખૂબ જ સુવર્ણકાળ હતો
• નાના શહેરોના ઘણા ખેલાડીઓ ટીમ ઈન્ડિયા માટે રમતા હતા
• પ્રવીણ કુમાર 2000ના દાયકાના ખેલાડી હતા
• ભૂતપૂર્વ સાથી ખેલાડીઓ પર દારૂ પીવાનો આરોપ લગાવ્યો 

નવી દિલ્હી. 2000નો દશક ભારતીય ક્રિકેટ ટીમ માટે ખૂબ જ સુવર્ણકાળ હતો. તે સમયે નાના શહેરોના ઘણા ખેલાડીઓ ટીમ ઈન્ડિયા માટે રમતા હતા. દેશમાં ક્રિકેટ એટલું લોકપ્રિય હતું કે લોકો તેને જોવાનું પસંદ કરતા હતા. પ્રવીણ કુમાર 2000ના દાયકાના ખેલાડી હતા. જેની કારકિર્દી લાંબો સમય ટકી શકી નહીં. એક ઈન્ટરવ્યુ દરમિયાન તેણે તેના ભૂતપૂર્વ સાથી ખેલાડીઓ પર દારૂ પીવાનો આરોપ લગાવ્યો હતો. એક ખાનગી ન્યુઝ સાથે વાત કરતા મેરઠના પ્રવીણ કુમારે કહ્યું, જ્યારે હું ભારતીય ટીમમાં હતો, ત્યારે સિનિયરો કહેતા હતા કે પીવું નહીં, આ ન કરવું કે આવું ન કરવું. બધા કરતા હતા પણ વાત એક જ સામે આવી કે હું જ પીતો હતો અને પછી હું બદનામ થયો. આ દરમિયાન પ્રવીણને એ પણ પૂછવામાં આવ્યું કે શું સચિન તેંડુલકર, રાહુલ દ્રવિડ, સૌરવ ગાંગુલી જેવા સિનિયરોએ તેને દારૂ ન પીવા માટે કહ્યું હતું?

મારી છબી ખરડાઈ : પ્રવીણ

આના જવાબમાં પ્રવીણે કહ્યું, ના, હું કેમેરામાં મારું નામ લેવા માંગતો નથી. પીકેને કોણે બદનામ કર્યો છે તે બધા જાણે છે. દરેક વ્યક્તિ તેને ઓળખે છે. જેઓ મને અંગત રીતે જાણે છે. તેઓ જાણે છે કે હું કેવો છું. મને ખરાબ દર્શાવવામાં આવ્યો હતો.

 

 

 

 

View this post on Instagram

 

 

 

 

 

 

 

 

 

 

 

A post shared by Praveen Kumar (PK) (@praveenkumarofficial)

પ્રવીણ કુમારની કારકિર્દી

તમને જણાવી દઈએ કે પ્રવીણ કુમારે ભારત માટે અત્યાર સુધીમાં 6 ટેસ્ટ, 68 વનડે અને 10 ટી-20 મેચ રમી છે. આ દરમિયાન આ ફાસ્ટ બોલરે અનુક્રમે 27, 77 અને 8 વિકેટ ઝડપી છે. તેણે વનડેમાં પણ અડધી સદી ફટકારી છે. સારા આંકડા હોવા છતાં તેની કારકિર્દી લાંબો સમય ટકી શકી નહીં. IPLમાં પ્રવીણ રોયલ ચેલેન્જર્સ બેંગ્લોર, સનરાઈઝર્સ હૈદરાબાદ અને કિંગ્સ ઈલેવન પંજાબ જેવી ટીમો માટે પણ રમી ચૂક્યો છે.