રેકૉર્ડ / ભરોસાની મોદી સરકાર! દુનિયાની સૌથી ભરોસેમંદ સરકાર તરીકે ઊભરી, 21 દેશોમાં ભારતે કર્યું ટોપ, બની ગયો રેકૉર્ડ

• ભારતમાં PM મોદીની સરકારના લગભગ પૂરા થવાના છે 9 વર્ષ 
• આટલો લાંબો સમય સત્તામાં હોવા છતાં મોદી સરકાર દેશમાં લોકપ્રિય 
• માર્કેટ રિસર્ચ ફર્મ ઇપ્સોસ ગ્લોબલ ટ્રસ્ટ મોનિટર દ્વારા કરવામાં આવ્યો સર્વે 
• 21 દેશોમાં કરવામાં આવેલ સર્વેમાં ભારતીય લોકોને તેમની સરકાર પર સૌથી વધુ વિશ્વાસ 

ભારતમાં PM મોદીની સરકારના લગભગ 9 વર્ષ પૂરા થવાના છે. આટલો લાંબો સમય સત્તામાં હોવા છતાં મોદી સરકાર દેશમાં લોકપ્રિય છે. માત્ર ભારત જ નહીં પરંતુ વિશ્વના ટોચના 21 દેશોમાં કરાયેલા સર્વેમાં આ વાત સામે આવી છે. માર્કેટ રિસર્ચ ફર્મ ઇપ્સોસ ગ્લોબલ ટ્રસ્ટ મોનિટર દ્વારા કરવામાં આવેલા સર્વેમાં સામે આવ્યું છે કે, ભારતીય લોકોને તેમની સરકાર પર સૌથી વધુ વિશ્વાસ છે. સર્વેનો હેતુ એ જાણવાનો હતો કે આ 21 દેશોના લોકોને તેમની સરકાર પર કેટલો વિશ્વાસ છે.

કયા કયા દેશોમાં કરાયો સર્વે ? 
સર્વે દરમિયાન રિસર્ચ ફર્મે કેનેડા, દક્ષિણ આફ્રિકા, તુર્કી અને યુએસ સહિત 21 દેશોના લોકો સાથે વાત કરી. મોટાભાગના દેશોમાં, 16 થી 74 વર્ષની વયના લોકોને ત્યાંની સરકાર વિશે તેમના અભિપ્રાય પૂછવામાં આવ્યા હતા. આ સાથે દક્ષિણ આફ્રિકા, તુર્કી અને અમેરિકામાં 18 થી 74 વર્ષની વયના લોકો પાસેથી અભિપ્રાય પૂછવામાં આવ્યો હતો. ગયા વર્ષે ઓગસ્ટથી સપ્ટેમ્બર વચ્ચે 15 દિવસમાં આ સર્વે પૂર્ણ કરવામાં આવ્યો હતો. 

ભાજપ સરકારનો પ્રભાવ સૌથી વધુ
આ સર્વેમાં જાણવા મળ્યું છે કે, ભારતના શહેરી વિસ્તારોમાં રહેતા લોકોમાં ભાજપ સરકારનો પ્રભાવ સૌથી વધુ છે. આ સર્વેમાં શહેરી ભારતીયોએ ભારતની તમામ 11 સંસ્થાઓ અને સંસ્થાઓમાં વધુ વિશ્વાસ દર્શાવ્યો હતો. સર્વેના પરિણામો અનુસાર, 52 ટકા લોકોએ ભારત સરકારમાં વિશ્વાસ વ્યક્ત કર્યો છે, જે અન્ય દેશોની સરખામણીમાં સૌથી વધુ છે. ભારતમાં 57 ટકા લોકોએ આઈટી, એનર્જી કંપનીઓ અને બેંકિંગ સેવાઓમાં વિશ્વાસ વ્યક્ત કર્યો છે. 

જો કે, સર્વેમાં ગ્લોબલ સિટીઝન, સોશિયલ મીડિયા કંપનીઓ, તેલ અને ગેસ કંપનીઓમાં લોકોના વિશ્વાસની અછતને પણ પ્રકાશિત કરવામાં આવી છે. ઇપ્સોસ ઇન્ડિયાના સીઇઓ અમિત અદારકરે જણાવ્યું હતું કે, "આઇટી કંપનીઓ ઇન્ટરનેટ વપરાશકર્તાઓ દ્વારા સૌથી વધુ વિશ્વાસપાત્ર છે, ત્યારબાદ ઉર્જા, બેંકિંગ, રિટેલ, ફાઇનાન્સ સેક્ટર, ફાર્માસ્યુટિકલ્સ, પેકેજ્ડ ગુડ્સ, તેલ અને ગેસ કંપનીઓ આવે છે."