- પીએમ કિસાન યોજનાના પૈસા ટ્રાન્સફર બાદ સરકારની ખેડૂતોને બીજી ભેટ
- 6 રવિ પાકની એમએસપીમાં કર્યો વધારો
- સૌથી વધારે મસૂરની એમએસપીમાં વધારો, ક્વિન્ટલ દીઠ 500 રુ.વધારાયા
- ઘઉંની એમએસપીમાં 110 રુપિયાનો વધારો
- ચણાની એમએસપીમાં 110 રુપિયાનો વધારો
17 ઓક્ટોબર, 2022 સોમવારના રોજ મોદી સરકારે પીએમ કિસાન યોજનાના પૈસા ખેડૂતોના ખાતામાં ટ્રાન્સફર કર્યા અને બીજા દિવસે સરકારે દિવાળી પહેલા ખેડૂતોને વધુ એક ભેટ આપી છે. કેન્દ્રની આગેવાની હેઠળની મોદી સરકારે 2023-24ની રવી સિઝન માટે રવી પાકના લઘુત્તમ ટેકાના ભાવમાં વધારો કરવાની જાહેરાત કરી છે. પ્રધાનમંત્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિએ એમએસપીમાં વધારાને મંજૂરી આપી દીધી છે.
છ રવિ પાકની એમએસપીમાં વધારો
સરકારે ટોટલ છ રવિ પાકની એમએસપીમાં વધારો કર્યો છે જેમાં ઘઉં, ચણા, મસૂર, સફેદ સરસવ પીળી સરસવ, સૈફ ફુલ સામેલ છે.
કયા પાક પર કેટલો વધારો
આગામી રવી સિઝન માટે સરકારે ઘઉંની એમએસપી 110 રૂપિયા વધારીને ક્વિન્ટલ દીઠ 2125 રૂપિયા કરી દીધી છે. ચણાની એમએસપીમાં પણ 110 રૂપિયાનો વધારો કરવામાં આવ્યો છે અને તેને 5230 રૂપિયાથી વધારીને 5335 રૂપિયા પ્રતિ ક્વિન્ટલ કરવામાં આવ્યો છે.
મસૂરની એમએસપીમાં સૌથી વધારે વધારો
સરકારે મસૂરની એમએસપીમાં સૌથી વધુ વધારો કર્યો છે. મસૂરની એમએસપીમાં પ્રતિ ક્વિન્ટલ 500 રૂપિયાનો વધારો કરવામાં આવ્યો છે. મસૂરની એમએસપી 5500 રૂપિયાથી વધારીને 6000 રૂપિયા પ્રતિ ક્વિન્ટલ કરવામાં આવી છે. રેપસીડ (સફેદ સરસવ) અને પીળી સરસવની એમએસપી 400 રૂપિયા પ્રતિ ક્વિન્ટલ વધારીને 5050 રૂપિયાથી વધારીને 5450 રૂપિયા પ્રતિ ક્વિન્ટલ કરવામાં આવી છે. સૈફ ફ્લાવરની એમએસપીમાં 209 રૂપિયાનો વધારો કરવામાં આવ્યો છે. સૈફ ફૂલની એમએસપી 5441 રૂપિયાથી વધારીને 5650 રૂપિયા પ્રતિ ક્વિન્ટલ કરવામાં આવી છે. જવની એમએસપીમાં 100 રૂપિયાનો વધારો કરવામાં આવ્યો છે અને તે 1635 રૂપિયાથી વધારીને 1735 રૂપિયા પ્રતિ ક્વિન્ટલ કરવામાં આવી છે.
