નિવેદન / "હિમવર્ષાને કારણે ઉત્તરાખંડના ચૂંટણી પ્રચારમાં આવી રહી છે મુશ્કેલી" ભાજપ ધારાસભ્ય દુષ્યંત પટેલનું મોટું નિવેદન

• ઉત્તરાખંડમાં ચૂંટણી પ્રચારને લઈ ભાજપ ધારાસભ્યનું મોટું નિવેદન 
• હિમવર્ષાને કારણે ચૂંટણી પ્રચારમાં મુશ્કેલી : દુષ્યંત પટેલ 
• ઉત્તરાખંડમાં ભાજપની સ્થિતી ઘણી સારી : દુષ્યંત પટેલ 

ઉત્તરાખંડમાં વિધાનસભાની ચૂંટણી ભાજપ દ્વારા ગુજરાતના ધારાસભ્યોને સોંપવામાં આવી છે. જેમા રાજ્યના કુલ 25 ધારાસભ્યોની સાથે ચૂંટણીની જવાબદારી સાંસદોને પણ આપવામાં આવી છે. ત્યારે આ સમયે ઉત્તરાખંડના પ્રચાર માટે ગયેલા ધારાસભ્ય દુષ્યંત પટેલનો વીડિયો સામે આવ્યો છે. 

હિમવર્ષાને કારણે ચૂંટણી પ્રચારમાં મુશ્કેલી 

ધારાસભ્ય દુષ્યંત પટેલ પ્રચાર કરવા માટે ગયા હતા. જ્યા ઉત્તરાખંડના અલમોરાથી એવી વાત કરી છે કે હિમવર્ષાને કારમે ચૂંટણીપ્રચારમાં મુશ્કેલીઓ આવી રહી છે. જેથી તેમની આ વાત હાલ ચર્ચાનું કેન્દ્ર બની ગઈ છે. 

ભાજપની સ્થિતી સારી હોવાનો ઉલ્લેખ 

દુષ્યંત પટેલ દ્વારા એવું કહેવામાં આવ્યું છે કે હાલ હિમવર્ષાને કારણે પ્રચાર કરવા જઈ શકાય તેવી સ્થિતી નથી. સાથેજ તેમણે એવું પણ કીધું કે ઉત્તરાખંડ ભાજપની સ્થિતી હાલ ઘણી સારી છે. આપને જણાવી દઈએ કે ઉત્તરાખંડમાં આ વર્ષે ચૂંટણી થવાની છે. અહીયા હાલ ભાજપના સત્તા છે. તેવામાં ધારાસભ્ય દુષ્યંત પટેલે એવું કહ્યું કે હાલ ભાજપની સ્થિતી ઘણી સારી છે. 

ચૂંટણીને લઈ ભાજપની પૂરજોશમાં તૈયારી 

ઉલ્લેખનીય છે કે આ વર્ષે દરેક રાજ્યોમાં ચૂંટણી જીતવા માટે ભાજપ દ્વારા એડીચોટીનું જોર લગાવામાં આવી રહ્યું છે. જેમા ઉત્તરાખંડમાં પણ ભાજપ દ્વારા જીતવાના પૂરા પ્રયાસો કરવામાં આવી રહ્યા છે. જોકે હિમવર્ષાને કારમે અહીયા ચૂંટણી પ્રચારમાં તકલીફ પડી રહી છે તેવું ધારાસભ્ય દુષ્યંત પટેલનું કહેવું છે. સાથેજ તેમનું એમ પણ કહેવું છે કે ઉત્તરાખંડમાં હાલ ભાજપની સ્થિતી ઘણી સારી છે.