ઈરાનમાં પોલીસ કસ્ટડીમાં વિદ્યાર્થી મહસા અમીનીના (Death of Mahsa Amini) મોત બાદ હિજાબ વિરુદ્ધ 24 દિવસથી ચાલી રહેલો વિરોધ અટકવાનું નામ નથી લઈ રહ્યો.
ઈરાનમાં ઉગ્ર બન્યું વિરોધ પ્રદર્શન
અત્યાર સુધીમાં 185 લોકોના થયાં મોત
ઈરાને પશ્ચિમનું કાવતરું ગણાવ્યું
ન્યૂઝ એજન્સી રોઈટર્સના અહેવાલ અનુસાર, હિંસક પ્રદર્શનો રવિવારે પણ ચાલુ રહ્યા હતો. ન્યૂઝ એજન્સીએ એક માનવાધિકાર સમૂહને ટાંકીને કહ્યું કે અત્યાર સુધી આ પ્રદર્શનોમાં બાળકો સહિત ઓછામાં ઓછા 185 લોકો માર્યા ગયા છે.
19 બાળક સહિત 185 લોકોના થયા મૃત્યુ
નોર્વે સ્થિત ઈરાન હ્યુમન રાઈટ્સ ગ્રુપે શનિવારે કહ્યું કે ઈરાનમાં ચાલી રહેલા દેશવ્યાપી વિરોધ પ્રદર્શનમાં 19 બાળકો સહિત ઓછામાં ઓછા 185 લોકો માર્યા ગયા છે. સિસ્તાન અને બલુચિસ્તાન પ્રાંતમાં સૌથી વધુ હત્યાઓ નોંધાઈ છે. અહેવાલમાં દાવો કરવામાં આવ્યો છે કે કુર્દિશ શહેર સાકેઝમાં શરૂ થયેલા પ્રદર્શનો હવે રાજધાની તેજરાન સહિત દેશના તમામ ભાગોમાં ફેલાઈ ગયા છે.
ઈરાને પશ્ચિમનું કાવતરું ગણાવ્યું
ઈરાની અધિકારીઓએ વિરોધ પ્રદર્શનને અમેરિકા સહિત ઈરાનના દુશ્મનોનું કાવતરું ગણાવ્યું છે. ઈરાનનો આરોપ છે કે પશ્ચિમી દેશો લોકોને હથિયારો આપીને રાજ્ય વિરુદ્ધ હિંસા કરવા માટે પ્રેરિત કરી રહ્યા છે. સરકારી મીડિયા અનુસાર, આ હિંસામાં સુરક્ષા દળોના ઓછામાં ઓછા 20 સભ્યો માર્યા ગયા છે.
બે ફ્રેન્ચ જાસૂસોને કસ્ટડીમાં લેવામાં આવ્યા
ઈરાને તેના અરબી ભાષાના અલ-આલમ ટીવી પર બે ફ્રેન્ચ જાસૂસોનો વીડિયો જાહેર કર્યો છે, જેમાં પશ્ચિમી દેશો પર હિંસા માટે જવાબદાર છે. આ વીડિયોમાં ફ્રાન્સના નાગરિક સેસિલ કોહલર, 37, અને 69 વર્ષના જેકિયસ પેરિસ, દેશમાં ચાલી રહેલા વિરોધ પ્રદર્શનની જવાબદારી લેતા જોવા મળે છે. આગળ વિડિયોમાં, કોહલર ફ્રેંચ જનરલ ડિરેક્ટોરેટ ફોર એક્સટર્નલ સિક્યુરિટી (DGSE) ના એજન્ટ હોવાનું કબૂલે છે જે બ્રિટિશ MI6 અને US CIA ની સમકક્ષ છે.