આગાહી / ગુજરાતમાં કયા જિલ્લામાં કેટલું તાપમાન, આ વિસ્તારમાં હિટવેવના વરતારા, હવામાન વિભાગે કરી 'ભીષણ' આગાહી

રાજ્યમાં છેલ્લા 3 દિવસથી ગરમીમાં વધારો થયો છે. ત્યારે આવનારા વધુ 5 દિવસ હિટવેવ જોવા મળશે તેવી આગાહી કરાઇ છે. ખાસ કરીને સૌરાષ્ટ્ર અને કચ્છવાસીઓએ ઉનાળાની શરૂઆતે જ આકરી ગરમી સહન કરવા તૈયાર રહેવું પડશે. કેમ કે હવામાન વિભાગે કચ્છ અને સૌરાષ્ટ્ર માટે આગામી 5 દિવસ માટે હિટવેવની આગાહી કરી છે. 

હિટવેવની આગાહી

આગામી એક સપ્તાહ રાજ્યમાં ગરમી યથાવત રહેશે. તેમજ રાજ્યના મહત્તમ તાપમાનમાં 2 ડિગ્રી સેલ્સિયસનો વધારો થશે. હાલ રાજ્યમાં  પોરબંદર અને ગીર સોમનાથમાં  હિટવેવ નોંધાઇ છે. હીટવેવના પગલે હવામાન વિભાગે યેલ્લો એલર્ટ જાહેર કર્યું છે. સૌરાષ્ટ્રના પોરબંદર, જૂનાગઢ, ગીરસોમનાથ, રાજકોટ, અમરેલી અને દીવમાં હિટવેવની આગાહી કરાઈ છે. સાથે જ ઉત્તર પશ્ચિમના પવનના કારણે સામાન્ય કરતા વધારે ગરમીની આગાહી કરાઇ છે.

ગરમીમાં શેકાવા થઈ જાઓ તૈયાર..!

તારીખ 25 અને 26 માર્ચે કચ્છ, પોરબંદર, જૂનાગઢ ગિર સોમનાથ, રાજકોટ, અમરેલી, દિવમાં હિટવેવની આગાહી કરાઈ છે. સાથે જ સૌરાષ્ટ્ર સહિત ગુજરાતના વિવિધ ભાગોમાં ડિસ્કમ્ફર્ટ પરિસ્થિતિ રહેશે તેવું પણ જણાવ્યું છે.  હાલ ઉત્તર પશ્ચિમ ઉત્તરના પવનના કારણે ગરમીનો પારો વધી રહ્યાંનું હવામાન વિભાગે જણાવ્યું છે. જેથી વધુ ગરમી વાળા વિસ્તારમાં લોકોએ સતર્ક રહેવું પડશે.

માર્ચમાં ગરમીનો મારો!  

• અમદાવાદ 37.3 ડિગ્રી
• ગાંધીનગર 37.2 ડિગ્રી
• ડીસા  37.9 ડિગ્રી
• વડોદરા 38.6  ડિગ્રી
• અમરેલી 40.3 ડિગ્રી
• ભાવનગર 37.4  ડિગ્રી
• રાજકોટ 40.1 ડિગ્રી
• સુરેન્દ્રનગર 39.2 ડિગ્રી
• પોરબંદર 39.0  ડિગ્રી
• વેરાવળ 38.9 ડિગ્રી
• મહુવા 38.6 ડિગ્રી
• ભુજ  38.5 ડિગ્રી
• નલિયા 37.2 ડિગ્રી
• કંડલા 39.0 ડિગ્રી
• કેશોદ 39.4 ડિગ્રી

વાંચવા જેવું: 'રોહન ગુપ્તાએ લીક કરી દીધી આ ગુપ્ત માહિતી', મનીષ દોશીનો મોટો આરોપ

ગરમીથી બચવા એટલું અવશ્ય કરો
તરસ ન લાગે તો પણ જ્યારે પણ શક્ય હોય ત્યારે પૂરતું પાણી પીવા જોઈએ. આ સાથે, નાગરિકોને ઓરલ રીહાઇડ્રેશન સોલ્યુશન (ઓઆરએસ)નો ઉપયોગ કરવું અને લીંબુ શરબત, છાશ / લસ્સી, ફળોના રસ સાથે મિશ્રિત થોડું મીઠું જેવા ઘરે બનાવેલા પીણાં પીવા જોઈએ. પાતળા, ઢીલા, સુતરાઉ કપડાં, આછા રંગના કપડાં પહેરવાની અને સીધા સૂર્યપ્રકાશના સંપર્કમાં આવે ત્યારે છત્રીઓ, ટોપીઓ ટુવાલ અને અન્ય પરંપરાગત માથાના આવરણનો ઉપયોગ કરવું. હવામાનના સમાચારો માટે ટીવી જોતા રહેવું. 
 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો