કામની વાત / જો આ કામ નહીં કર્યું, તો PFના રૂપિયા માટે નહીં કરી શકો કોઇ ક્લેમ, ફટાફટ પૂરું કરો આ કામ

કર્મચારી ભવિષ્ય નિધિ સંગંઠનમાં કરોડો લોકો સામેલ છે. PFના પૈસા લોકોને રિટાયરમેન્ટ બાદ ખૂબ કામમાં આવે છે. અનેક લોકો માટે આ પૈસા તેમના રિટાયરમેન્ટ બાદ સહારો બની શકે છે. પરંતુ જો તમે KYC નહીં કરાવ્યું હોય તો તમે PFના પૈસા નહીં ઉપાડી શકો. PF ખાતાધારકો માટે KYC ફરજીયાત કરી દેવામાં આવ્યુ છે. આ KYC તમે ઘરે બેઠા ઓનલાઈન પણ કરી શકો છો. અમે તમને તેની પ્રોસેસ જણાવશું.

કયા ડોક્યુમેન્ટની પડે છે જરુર ?

1. રાશન કાર્ડ
2. પાસપોર્ટ નંબર
3. ડ્રાઈવિંગ લાયસન્સ
4. આધાર કાર્ડ
5. બેન્ક એકાઉન્ટ ડિટેઈલ
6. પેન કાર્ડ

આ રીતે કરો KYC

• પહેલા EPFOની વેબસાઈટ પર જાઓ
• ડ્રોપ ડાઉન ડોક્યુમેન્ટમાં જઈને ફોર એમ્પ્લોઈઝનો ઓપ્શન પસંદ કરો
• સર્વિસીઝના ઓપ્શનમાં જઈને મેમ્બર UAN/ઓનલાઈન સર્વિસનો વિકલ્પ પસંદ કરો
• નવુ પેજ ખુલશે તેમાં UAN નંબર નાખો
• મોબાઈલમાં આવેલા OTP નાખી Login કરો
• મેનેજનું ઓપ્શન પસંદ કરી KYCનો વિકલ્પ પસંદ કરો
• ડોક્યુમેન્ટનું લિસ્ટ ખુલશે જ્યાં તમે રાશન કાર્ડ, પાસપોર્ટ નંબર, ડ્રાઈવિંગ લાયસન્સ, આધાર કાર્ડ, બેન્ક એકાઉન્ટ ડિટેઈલ, પેન કાર્ડ અપડેટ કરી સબમિટ કરો.
• કંપની પાસે તમારી જાણકારી એપ્રુવ થઈને આવશે.
• તમારા એકાઉન્ટમાં વેરિફાઈડ લખાઈને આવશે
• ફરી મેનેજ ઓપ્શન પસંદ કરી KYC પસંદ કરો તમને તમારુ ડોક્યુમેન્ટનું સ્ટેટસ દેખાશે

વધુ વાંચો: SIPમાં આ રીતે ઇન્વેસ્ટ કરવાથી તમે પણ બની શકશો કરોડપતિ, એ કઇ રીતે? સમજો ગણિત

આ માટે જરુરી છે KYC

KYCની પ્રોસેસથી સંસ્થા તમારા ડોક્યુમેન્ટ વેરિફિકેશન માટે જાણકારી માંગે છે. આ પ્રોસેસથી બેન્ક કે નાણાકિય સંસ્થા તે વાત સુનિશ્ચિત કરે છે કે બીજો કોઈ વ્યક્તિ તમારા પૈસા સુધી ન પહોંચી શકે. ફ્રોડથી બચવા માટે KYC કરવામાં આવે છે. છેલ્લા કેટલાક સમયમાં ફ્રોડના કેસ વધી જતા EPFOએ KYC ફરજિયાત કર્યુ છે.