- મહારાષ્ટ્રના યવતમાલની ધૃણાસ્પદ ઘટના
- 18 વર્ષની દીકરીની બલી ચડાવવાનો પ્રયાસ કર્યો પિતાએ
- છુપા ખજાનાની લાલચે દીકરીની માનવ બલિ આપવા માગતો હતો પિતા
- પોલીસે પિતા સહિત 9 આરોપીની કરી ધરપકડ
ખજાના અને ધનસંપત્તિ મેળવવા માણસ ગમે તે હદ જતો હોય છે અને ગમે તેવું કામ કરતા પણ અચકાતો નથી. મહારાષ્ટ્રના યવતમાલ શહેરમાં પણ આવા એક લાલચી પિતાએ એવું કરતૂત કર્યું કે જે જાણીને કંપી ઉઠાશે. મહારાષ્ટ્રના યવતમાલમાં એક ધૃણાસ્પદ કિસ્સો સામે આવ્યો છે. યવતમાલમાં છુપા ખજાનાની લાલચે પોતાની 18 વર્ષની સગી દીકરીને મારીને માનવબલિ ચડાવવાનો પ્રયાસ કર્યો હતો.
પિતાએ મોટી દીકરીનું જાતિય શૌષણ પણ કર્યું
પોલીસે આ ઘટનામાં છોકરીના પિતા, એક તાંત્રિક અને બીજા સાથ લોકોની ધરપકડ કરી છે. યવતમાલના એસપી દિલિપ ભુજબળ પાટીલે કહ્યું કે બે દીકરીના પિતા એવા એક આરોપીએ સૌથી મોટી દીકરીનું જાતિય શૌષણ પણ કર્યું હતું. તેમણે કહ્યું કે પીડિત છોકરી એક સગાને ઘેર રહીને ભણતી હતી અને તાજેતરમાં પોતાના ઘેર આવી હતી.
છુપા ખજાનાની લાલચે પિતાએ પુત્રીની બલી ચડાવવાની કરી તૈયારી
છેલ્લા કેટલાક સમયથી એક તાંત્રિકના કહેવાથી પિતા અને બીજા કેટલાક લોકો એક મેલી વિદ્યા કરાવી રહ્યાં હતા અને પોતાની છોકરીની માનવ બલી ચડાવાની તૈયારી કરી રહ્યાં હતા. છોકરીની હત્યા બાદ તેને દફનાવવા માટે આરોપીઓએ ઘરમાં એક ખાડો પણ ગાળી રાખ્યો હતો. પોતાના આગમન બાદ ઘરમાં કશુંક ખોટું થઈ રહ્યું હોવાનો શક પડતા છોકરીએ તેની સહેલીને વાત કરી હતી અને બન્નેએ મળીને પોલીસને જાણ કરી દીધી હતી. આ પછી સહેજ પણ સમય ગુમાવ્યા વગર પોલીસે કાર્યવાહી કરીને આરોપીઓની મંશા પર પાણી ફેરવી દીધું હતું અને તેમને જેલમાં પૂરી દીધા હતા.
પોલીસે નવ આરોપીઓની કરી ધરપકડ
પોલીસે પિતા સહિત નવ આરોપીની ધરપકડ કરીને જેલમાં પૂરી દીધા હતા. છુપા ખજાનાની લાલચે પિતા પોતાની સગી દીકરીની માનવ બલિ ચડાવી દેવા માગતો હતો પરંતુ આખરે છોકરીની સૂઝબૂઝથી તેનો જીવ બચી ગયો હતો અને આરોપીઓ પોલીસ લોકઅપમાં પહોંચ્યા હતા.
