- ભારતમાં ધામધૂમથી મકરસંક્રાંતિ ઊજવવામાં આવે છે
- આંધ્રપ્રદેશમાં મકરસંક્રાંતિ માટેની તૈયારીઓ
- મકરસંક્રાંતિના અવસરે મરઘાઓની લડાઈ ખૂબ જ રસપ્રદ
ભારતમાં ધામધૂમથી મકરસંક્રાંતિ ઊજવવામાં આવે છે. આ દિવસે લોકો તલ અને ગોળથી બનેલ વસ્તુઓનું દાન કરે છે. આ દિવસ સાથે અનેક પૌરાણિક કથાઓ જોડાયેલી છે. આંધ્રપ્રદેશમાં મોટાપાયે મકરસંક્રાંતિ માટેની તૈયારીઓ કરવામાં આવી રહી છે. આંધ્રપ્રદેશમાં મકરસંક્રાંતિના અવસરે મરઘાઓની લડાઈ ખૂબ જ રસપ્રદ બની જાય છે.
આસપાસના વિસ્તારના લોકો આ કાર્યક્રમ જોવા માટે આંધ્રપ્રદેશ આવે છે. મકરસંક્રાંતિ પહેલા આંધ્રમાં મરઘાઓ એક ખાસ બિમારીથી પીડાઈ રહ્યા છે. આ પરિસ્થિતિમાં મરઘાઓને તાકાત આપવા માટે અખાડાના આયોજકો મરઘાઓને વાયગ્રા અને શિલાજીત ખવડાવી રહ્યા છે.
મરઘાઓને રાનીખેત નામની બિમારી થતા મરઘાઓ નબળા પડી ગયા છે. આ કારણોસર મરઘાઓને શારીરિકરૂપે મજબૂત કરવા માટે વાયગ્રા અને સ્ટેરોઈડયુક્ત ભોજન આપવામાં આવે છે. મરઘાઓની લડાઈ માટે અખાડામાં તમામ તૈયારીઓ શરૂ કરવામાં આવી છે. જે માટે મરઘાઓની તાલીમ આપવામાં આવી રહી છે.
વધુ વાંચો: ઉત્તરાયણ પર પતંગના શોખીન ગુજરાતીઓ : ધાબું ભાડે લેવા માટે 1 લાખ રૂપિયા પણ આપવા તૈયાર
દર્શકો કરોડો રૂપિયાનો સટ્ટો લગાવે છે
મરઘાઓની લડાઈ જોવા આવનાર દર્શકો કરોડો રૂપિયાનો સટ્ટો લગાવે છે. આ દરમિયાન કરોડો રૂપિયાની લેવડદેવડ કરવામાં આવે છે. લડાઈમાં મરઘાઓ પાછળ ના પડે તે માટે તેમને વાયગ્રા અને શિલાજીત આપવામાં આવી રહી છે. ઉપરાંત અનેક પ્રકારના સ્ટિરોઈડ અને વિટામીન આપવામાં આવી રહ્યા છે. આ પ્રકારનો પ્રયોગ પહેલી વાર કરવામાં આવ્યો છે. શું મરઘાઓને વિટામીન અને સ્ટિરોઈડ આપવાથી મરઘાઓને તાકાત મળશે? પશુ પક્ષીઓના ડોકટરો અનુસાર મરઘાઓને આ પ્રકારની દવાઓ આપવાથી મરઘાની તબિયાત ખરાબ થઈ શકે છે. આ સ્ટિરોઈડના કારણે મરઘાઓ અપંગ થઈ શકે છે. માણસ આ મરઘાઓનું ચીકન ખાશે તો તેમને પણ પરેશાની થઈ શકે છે.
