- સાબરકાંઠામાં થર્ટી ફર્સ્ટ પહેલા વિજિલન્સની મોટી કાર્યવાહી
- રાજસ્થાનથી ગુજરાતમાં દારૂ ઘુસાડવાના ષડયંત્રનો પર્દાફાશ
- સિમેન્ટ મિક્સરના ટેન્કરમાં બુટલેગરો કરતા હતા દારૂની હેરાફેરી
- નેશનલ હાઇવે-8 પર પ્રાંતિજ ટોલનાકા પાસથી ઝડપાયો લાખોનો દારૂ
- રૂ. 69.85 લાખથી વધુના મુદ્દામાલ સાથે ત્રણ આરોપીઓ ઝડપાયા
Sabarkantha Police : સાબરકાંઠા જિલ્લામાં થર્ટી ફર્સ્ટ પહેલા વિજિલન્સની મોટી કાર્યવાહી સામે આવી છે. વાત જાણે એમ છે કે, વિજિલન્સની ટીમે રાજસ્થાનથી ગુજરાતમાં દારૂ ઘુસાડવાના ષડયંત્રનો પર્દાફાશ કર્યો છે. વિગતો મુજબ વિજિલન્સની ટીમે સિમેન્ટ મિક્સરના ટેન્કરમાં દારૂની હેરાફેરી કરતા બુટલેગરોને મુદ્દામાલ સાથે દબોચી લીધા છે. નોંધનિય છે કે, 31 ડિસેમ્બર પહેલા નેશનલ હાઇવે-8 પર પ્રાંતિજ ટોલનાકા પાસેથી લાખોનો દારૂ ઝડપાયો છે.
રાજસ્થાનથી ગુજરાતમાં દારૂ ઘૂસડવામાં મોટાભાગે બનાસકાંઠા અને સાબરકાંઠા જિલ્લાનો ઉપયોગ કરવામાં આવે છે. આ તરફ 31 ડિસેમ્બર પહેલા રાજ્યમાં પ્રોહિબિશન લગત કાર્યવાહી કરવા પોલીસ એક્શનમાં આવી છે. વિગતો મુજબ વિજિલન્સની ટીમે નેશનલ હાઇવે-8 પર પ્રાંતિજ ટોલનાકા પાસેથી વિદેશી દારૂ રૂ. 69.85 લાખથી વધુના મુદ્દામાલ સાથે ત્રણ આરોપીઓ ઝડપી પાડ્યા છે. જેમાં ત્રણ આરોપીઓની ધરપકડ, અન્ય પાંચને વોન્ટેડ જાહેર કરાયા છે. મહત્વનું છે કે, રાજસ્થાનથી ગુજરાતમાં દારૂ ઘૂસાડનાર મુખ્ય બેના નામ ખુલ્યા છે.
સાબરકાંઠામાં વિજિલન્સની વધુ એક રેડ
ઉત્તર ગુજરાતના સાબરકાંઠા જિલ્લામાં વિજિલન્સ દ્વારા વધુ એક રેડ કરવામાં આવી છે. નેશનલ હાઇવે નંબર- પર વિજિલન્સની ટીમે લાખોનો દારૂ ઝડપી પાડ્યો છે. આંતરરાજ્ય દારૂની ખેપનો નવો કીમિયો પણ સામે આવ્યો છે. જેમાં ઇસમો સિમેન્ટ મિક્સર ટેન્કરમાં રાજસ્થાનથી ગુજરાતમાં ઘૂસાડવાનો પ્રયાસ કરી રહ્યા હતા. જેને લઈ પોલીસે 69.85 લાખથી વધુના મુદ્દામાલ સાથે ત્રણ આરોપીઓને દબોચી લીધા છે.
3 ઝડપાયા, પાંચ આરોપી વોન્ટેડ
આ સમગ્ર કેસમાં દારૂ લઈ જનાર ટેન્કર, ડ્રાઇવર સહિત કારથી પાયલોટીંગ કરતા બે બુટલેગરોને ઝડપી લેવાયા છે. જ્યારે બીજા પાંચ આરોપી વોન્ટેડ જાહેર કરવામાં આવ્યા છે. મહત્વનું છે કે, રાજસ્થાનથી ગુજરાતમાં દારૂ ઘૂસાડનાર મુખ્ય બેના નામ ખુલ્યા છે. જેમાં સુનિલ મોતીલાલ દરજી અને ભરત ઉર્ફે ભુરીયા ઉદાજી ડાંગી ઉદેપુર જિલ્લાનો રહેવાસી વોન્ટેડ જાહેર કરાયો છે. મહત્વનું છે કે હેવ કારનો માલિક તેમજ દારૂ ભરી જનાર ટ્રકનો માલિક સહિત લુધિયાણા પંજાબથી દારૂનો જથ્થો મોકલનાર સહિત પાંચ લોકો સામે ફરિયાદ નોંધવામાં આવી છે.
