- રાત્રે ઊંઘ ના આવવાના અનેક કારણ
- ઊંઘ ના આવવાને કારણે લોકો મોબાઈલનો સહારો લે છે
- ઊંઘ ના આવે તો ફોલો કરો આ ટિપ્સ
રાત્રે ઊંઘ ના આવવાના અનેક કારણ હોઈ શકે છે. આજના સમયમાં મોટાભાગના લોકોનો ઊઠવાનો અને સૂવાનો સમય યોગ્ય નથી હોતો, જેના કારણે અનિંદ્રાની સમસ્યા થાય છે. રાત્રે ઊંઘ ના આવવાને કારણે લોકો મોબાઈલનો સહારો લે છે અને આખી રાત મોબાઈલ મચેડતા હોય છે. અહીંયા અમે તમને કેટલાક એવા કારણ જણાવી રહ્યા છીએ, જેના કારણે રાત્રે ઊંઘ આવતી નથી. રાત્રે આ કામ બંધ કરી દેવામાં આવે તો પળવારમાં ઊંઘ આવી જાય છે.
રાત્રે ઊંઘ ના આવવાના કારણ
રાત્રે એક્સરસાઈઝ
આજના સમયમાં મોટાભાગના લાકોને ઓફિસ તથા અન્ય કામમાંથી સમય ના મળતો નથી. આ કારણોસર ફિટ રહેવા માટે લોકો રાત્રે એક્સરસાઈઝ કરે છે. બહુ ઓછા લોકોને ખબર હોય છે કે, રાત્રે કસરત ના કરવી જોઈએ. આખો દિવસ બિઝી રહ્યા પછી રાત્રે કસરત કરવાથી હાર્ટ રેટ વધી જાય છે અને નર્વસ સિસ્ટમ ઝડપથી કામ કરવા લાગે છે. આ કારણોસર રાત્રે કસરત ના કરવી જોઈએ.
સૂતા પહેલા મોબાઈલનો ઉપયોગ
હવેનો સમય એવો આવી ગયો છે, જેથી ઓફિસથી ઘરે આવ્યા પછી પણ ઓફિસનું કામ પૂરું થતું નથી. ઓફિસના અનેક ગૃપ હોય છે, જેમાં મેસેજ આવતા હોય છે. જો તમે પણ આ પ્રકારના ગૃપ સાથે જોડાયેલા છો, તો સૌથી પહેલા ગૃપ નોટિફિકેશન બંધ કરી દેવા જોઈએ. સૂતા પહેલા 30 મિનિટ મોબાઈલનો ઉપયોગ ના કરવો જોઈએ. આ પ્રકારે કરવાથી સારી ઊંઘ આવે છે.
વધુ વાંચો: સૂતાં સમયે તમારે પણ મોં ખૂલી જવાની છે આદત? હોઈ શકે છે આ બીમારીઓનો ખતરો
રાત્રે ચા કોફી પીવી
અનેક લોકો જમ્યા પછી ચા અને કોફીનું સેવન કરે છે. જો તમે પણ રાત્રે ચા કોફીનું સેવન કરો છો, તો બંધ કરી દેવું જોઈએ. રાત્રે કેફીનયુક્ત ડ્રિંક્સનું સેવન કરવાથ ઊંઘ આવતી નથી.
રાત્રે આલ્કોહોલનું સેવન
બિઝી લાઈફસ્ટાઈલના કારણે લોકો રાત્રે પાર્ટી કરતા હોય છે. જ્યા આલ્કોહોલયુક્ત ડ્રિંક્સ પણ હોય છે. આલ્કોહોલ પીવાથી ઊંઘ આવી જાય છે, પરંતુ ગણતરીના કલાકોમાં તેની અસર ખતમ થઈ જશે. જેથી ઊંઘ ખરાબ થવાથી આખી રાત ખરાબ જાય છે. આ કારણોસર રાત્રે આલ્કોહોલનું સેવન ના કરવું જોઈએ.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
