- આજે મહાત્મા ગાંધીજીની 154મી જન્મ જયંતિ
- પીએમ નાનપણથી બાપુના રહ્યાં છે પરમ ભક્ત
- પહેલી વાર સીએમના શપથ લેતી વખતે બાપુની પ્રતિમાને કર્યાં હતા વંદન
આ વર્ષે આપણે મહાત્મા ગાંધીની 154મી જન્મ જયંતિની ઉજવણી કરી રહ્યા છીએ. ત્યારે મહાત્મા ગાંધી જયંતિ નિમિત્તે સમગ્ર દેશમાં "સ્વચ્છ ભારત દિવસ" તરીકે ઉજવવામાં આવી રહ્યો છે. દેશ અને દુનિયામાં મહાત્મા ગાંધીના વિચારોથી પ્રેરિત બનનાર લોકોની ખોટ નથી. આજે લાખો-કરોડો લોકો બાપુના વિચારોથી પ્રેરિત છે. પીએમ મોદી પણ બાપુના વિચારોથી પ્રભાવિત અને પ્રરિત છે. જે તેમની પર્શનલ ડાયરીના કેટલાક બહાર આવેલા પાનાઓ પરથી જાણવા મળે છે
પીએમ મોદીની પર્શનલ ડાયરીના પાનામાંથી શુ જાણવા મળ્યું
પીએમ મોદીની પર્શનલ ડાયરીના કેટલાક પાના બહાર આવ્યાં હતા જેની પરથી ખબર પડે છે કે પીએમ તો છેક બાળપણથી બાપુના વિચારોને આત્મસાત કરી રહેલા જણાતા હતા.
અંગત ડાયરીમાં બાપુના વિચારો
પર્સનલ ડાયરીમાં પીએમ મોદીએ ગાંધીનો વિચાર પોતાના હસ્તાક્ષરમાં લખ્યો હતો. મહાત્મા ગાંધી માનતા હતા કે વિકાસનું લક્ષ્ય માનવીને સુખી કરવાનું હોવું જોઈએ. તેઓ સમૃદ્ધિની આવી આધુનિક વિચારસરણીમાં માનતા ન હતા, જેમાં ભૌતિક વિકાસને પ્રગતિનો મૂળભૂત માપદંડ માનવામાં આવે છે. તેઓ બહુજન સુખાય-બહુજન હિતાય અને સર્વોદય એટલે કે સર્વોદયના સિદ્ધાંતોમાં માનતા હતા.
સરકારી યોજનામાં ગાંધીજીના સર્વોદયના સિદ્ધાંતોની છાપ
પીએમ મોદીએ સરકારી યોજનાઓમાં 'સૌનો સાથ, સૌનો વિકાસ'નો સિદ્ધાંત અમલમાં મૂક્યો ત્યારે તેમાં ગાંધીજીના બહુજન સુખાય-બહુજન હિતાય અને સર્વોદયના સિદ્ધાંતોની છાપ હતી.
પહેલી વાર સીએમ બનતા પહેલા ગાંધીજીની તસવીરને વંદન કર્યાં
નરેન્દ્ર મોદીનું જીવન સંઘર્ષોથી ભરેલું હતું. મહેનત અને લગનથી તેમણે રાજનીતિ અને સેવાના ક્ષેત્રમાં પોતાની આગવી ઓળખ ઉભી કરી હતી. 2001માં તેઓ પહેલીવાર ગુજરાતના મુખ્યમંત્રી બન્યા હતા. શપથવિધિ માટે તેઓ સચિવાલય જવાના હતા. પીએમ મોદી તૈયાર થઈને મહાત્મા ગાંધીની તસવીર પાસે ઉભા રહી ગયા. તેઓ પહેલીવાર કોઈ રાજ્યનો કાર્યભાર સંભાળવા જઈ રહ્યા હતા. તેમણે ગાંધીજીની પ્રતિમાને વંદન કર્યાં હતા અને ત્યાર બાદ શપથ માટે ગયા હતા.
