હડકંપ / કૂનો નેશનલ પાર્કમાંથી વધુ એક શોકની ખબર, માદા ચિત્તા જ્વાલાના બચ્ચાનું મોત, ટોટલ 4ના મોત

• મધ્યપ્રદેશના કુનો નેશનલ પાર્કમાંથી વધુ એક માઠા સમાચાર
• માદા ચિત્તા જ્વાલાના બચ્ચાનું મોત
• કુનો પાર્કમાં ચોથા ચિત્તાના મૃત્યુથી હડકંપ  

મધ્યપ્રદેશના કુનો નેશનલ પાર્કમાંથી વધુ એક માઠા સમાચાર સામે આવી રહ્યા છે. જેમાં માદા ચિત્તા જ્વાલાના બચ્ચાનું મોત નીપજ્યું હોવાનું સામે આવ્યું છે. કુનો પાર્કમાં આ ચોથા ચિત્તાનું મૃત્યુ હોવાનું બહાર આવ્યું છે. વનવિભાગ દ્વારા આજે બચ્ચાના મોતની પુષ્ટિ કરાઈ હતી. જોકે મહત્વનું છે કે હજુ સુધી મોતનું કોઈ કારણ સ્પષ્ટ થવા પામ્યું નથી. એટલું જ નહીં બચ્ચાને કોઈ રોગ હોવાનું પણ સામે આવ્યું નથી.

અગાઉ માદા ચિતા દક્ષાનું મૃત્યુ થયું
નોંધનીય છે કે ગત મહિને માદા ચિત્તા જ્વાલાએ 4 બચ્ચાને જન્મ આપ્યો હતો. જેને સુરક્ષા સાથે તેમના સ્વાસ્થ્યની ચકાસણી કરવામાં આવી રહી હતી. છતાં આજે સવારે એકાએક બચ્ચાના મોતથી કુનો પર્ક તંત્રમાં શોક છવાયો છે. આ મોતને લઈને કુનોમાં રહેતા ચિત્તાના રહેઠાણ અંગે અનેક સવાલો ઉભા થયા છે. ચિત્તાઓને અન્ય સ્થળે ખસેડવાની ચર્ચાઓ વચ્ચે અત્યાર સુધીમાં 4 ચિત્તાના મોત થતા સવાલો જાગ્યા છે. ત્યારબાદ માદા ચિતા દક્ષાનું મૃત્યુ થયું હતું.

17 નર, માદા અને 3 બચ્ચા

તાજેતરમાં નામીબિયા અને દક્ષિણ આફ્રિકાથી 20 ચિત્તા ભારતમાં લાવવામાં આવ્યા હતા. અગાઉ 23 એપ્રીલના રોજ મધ્યપ્રદેશના કુનો નેશનલ પાર્કમાં દક્ષિણ આફ્રિકાથી આવેલા ઉદય નામના ચિત્તાનું મૃત્યુ નિપજયુ હતું.  3 ચિતા અને એક બચ્ચાના મૃત્યુ બાદ હવે કુનોમાં 24 માંથી 20 ચિત્તા બાકી છે. જેમાંથી 17 નર, માદા અને 3 બચ્ચા હોવાનું સામે આવ્યું છે.