તમારા કામનું / હવે ડ્રાઇવિંગ લાઇસન્સ ખોવાય જાય તો ટેન્શન ન લેતા, આટલું કરવાથી ઘરે બેઠાં મળી જશે ડુપ્લિકેટ લાયસન્સ

• જો તમારું ડ્રાઈવિંગ લાયસન્સ ખોવાયુ છે તો ટેન્શન ના લેશો
• હવે તમારે રીઝનલ ટ્રાન્સપોર્ટ ઓફિસના ચક્કર લગાવવા નહીં પડે
• તમે ઘર બેઠા સરળતાથી બીજુ ડુપ્લીકેટ ડ્રાઈવિંગ લાયસન્સ બનાવી શકશો

ડ્રાઈવિંગ લાયસન્સ છે ફરજીયાત 

ખરેખર, ઘણી જગ્યાઓ પર યોજનાનો લાભ લેવાથી લઇને આઈડીપ્રુફ તરીકે પણ ડ્રાઈવિંગ લાયસન્સની જરૂર હોય છે. જો એવામાં તમારું ઓરિજનલ  ડ્રાઈવિંગ લાયસન્સ કોઈ પણ કારણે ખોવાઈ જાય છે અથવા ફાટી જાય છે તો રસ્તા પર વાહન ચલાવવુ તમારા માટે નુકસાનકારક નિવડી શકે છે. એવામાં તમે અમુક સરળ સ્ટેપને ફોલો કરી ઓનલાઈન અને ઓફલાઈન બંને રીતે લાયસન્સ મેળવી શકો છો. 

આ સરળ સ્ટેપને કરો ફોલો

1. સૌથી પહેલા પરિવહન વિભાગની વેબસાઈટ પર જાઓ.
2. હવે અહીં માંગવામાં આવેલી માહિતી ભરો.
3. ત્યારબાદ LLD ફોર્મને ભરો.
4. હવે તેની પ્રિન્ટ આઉટ કાઢી લો.  
5. આ સાથે પોતાના અગત્યના દસ્તાવેજને સાથે જોડી દો.
6. હવે આ ફોર્મ અથવા બધા દસ્તાવેજને RTO ઓફિસમાં જમા કરાવી દો.
7. આ ઓનલાઈન પણ જમા કરાવી શકો છો. 
8. ઓનલાઈન પ્રક્રિયા પૂર્ણ થવાના 30 દિવસ બાદ ડુપ્લીકેટ ડ્રાઈવિંગ લાયસન્સ તમારી પાસે આવી જશે. 

ઑફલાઈન માટે આ સ્ટેપને કરો ફૉલો 

1. તમે ડુપ્લીકેટ ડ્રાઈવિંગ લાયસન્સ માટે ઓફલાઈન પણ એપ્લાય કરી શકો છો.
2. જેના માટે તમને જે RTO તરફથી ઓરિજનલ ડ્રાઈવિંગ લાયન્સ ઈશ્યુ કરવામાં આવ્યું હતુ, સૌથી પહેલા ત્યાં જાઓ.
3. અહીં તમે LLD ફોર્મ ભરી તેને સબમિટ કરી દો.
4. આ ફોર્મની સાથે વિભાગ તરફથી નક્કી કરવામાં આવેલી ફી પણ ભરી દો. 
5. આ આખી પ્રક્રિયા બાદ 30 દિવસમાં ડુપ્લીકેટ ડ્રાઈવિંગ લાયસન્સ તમને મળી જશે. 

રિસીપ્ટ સંભાળીને રાખો

આ પ્રક્રિયા બાદ ડુપ્લીકેટ ડ્રાઈવિંગ લાયસન્સની ઑનલાઈન પ્રક્રિયા બાદ જેવુ તમારું પેપર વર્ક પુરૂ થશે. આ દરમ્યાન તમને એક રીસિપ્ટ પણ આપવામાં આવશે. જેને સંભાળી લો. કારણકે જ્યારે તમારી પાસે ડુપ્લીકેટ DL પહોંચશે ત્યારે તમને તેની જરૂર પડશે. અથવા  પછી ડુપ્લીકેટ ડીએલને આવવામાં મોડુ થાય છે તો તે રીસિપ્ટ દ્વારા તમે પોતાના ડ્રાઈવિંગ લાયસન્સની જાણકારી મેળવી શકો છો.