હાલાકી / ઓનલાઈન શોપિંગથી ઓફલાઈન ધંધા હવે ખોટ તરફ! દિવાળી ટાણે જ રિલીફ રોડના વેપારીઓ નવરા બેઠેલા નજરે પડ્યાં

હાલના દિવસોમાં તમામ તીજ વસ્તુઓ ઓનલાઇન મળી જતા સ્થાનિક વેપારીઓની સ્થિતી ગંભીર બની છે. ઉપરાંત દિવાળીના સમયમાં ઓનલાઇન વિવિધ ઓફરો સાથે વસ્તુઓ મળી જતા ઓફલાઈન વેપાર કરતા વેપારીઓની દિવાળી પર અસર જોવા મળી છે. જેમાં ઓનલાઇન શોપિંગ નું ચલણ ચાર વર્ષ થી વધતા આ વર્ષે પણ ઇલેક્ટ્રોનિક થી લઇ કટલરી બજારમાં 60% ખરીદી ઘટી છે.

ઘરે બેઠા મળતી વસ્તુઓને કારણે હાલાકી

અમદાવાદના વેપારીઓને દિવાળી ટાણે ઓનલાઇન શોપિંગનો સેલ નડ્યો છે. એક સમયે દિવાળી ટાણે ભરચક રહેતો રિલીફરોડ અને ટંકશાળ રોડ આજે ખાલીખમ જોવા મળ્યા હતા. ઈલેક્ટ્રોનિક બજાર ની વાત કરીયે તો આ સીઝન માં 70% ધંધો નથી થયો જેનું મુખ્ય કારણ ઓનલાઇન વેપાર છે. સ્કીમ અને ઘરે બેઠા મળતી વસ્તુઓ ને કારણે ગ્રાહકો હવે દૂર દુકાન કે શો રૂમ સુધી જવાનું ટાળી રહ્યા છે જેના કારણે દિવાળી સમયે પણ વેપારીઓ ગ્રાહક વગર બેઠા છે. વેપારીઓ ઘણા સમય થી ઓનલાઇન વેપાર મામલે વિરોધ કરે છે તેમ છતાં ઓનલાઇનનું ચલણ વધતા વેપાર ઠપ્પ થયો છે.

વધુ વાંચો: દિવાળી પહેલા શિક્ષણ વિભાગની મોટી જાહેરાત, 13800 શિક્ષકોની કરવામાં આવશે ભરતી

ઇલેક્ટ્રોનિક વેપારી એસોસિએશનના પ્રમુખ મેધરાજ ડોડવાણીએ જણાવ્યું હતુ કે ટંકશાળ રોડ પર આવેલ માર્કેટ માંથી લોકો ગિફ્ટ અને કટલરી ની વસ્તુઓની ખરીદી કરવા આવતા હતા. પરંતુ હવે અનેક એપ આવી કે જે આંગળી ના ટેરવે મોબાઈલ માં ઓર્ડર કરતા ઘરે મળી જાય છે અને આજ કારણે હવે કટલરીના રિટેલ વેપારીઓને નડી રહી છે અને ધંધો ઠપ્પ થઇ ગયો છે. દર વર્ષે થતા ધંધાનો 60% ધંધો ન થતા વેપારીઓને દિવાળી બગડી છે. ત્યારે આ બાબતે વેપારીઓની માગ છે કે સરકાર ઓનલાઇન વેપાર માટે નીતિ નિયમો બનાવે જેથી રિટેલ ઓફલાઈનના વેપારીઓને નુકશાન ન થાય અને ધંધા રોજગાર ચાલે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ