લૉકડાઉન / સરકારે દુકાનો અને બજારોને ખોલવાની આપી મંજૂરી, પરંતુ આ હશે શરતો

• લૉકડાઉનના ચોથા ચરણ દરમિયાન દુકાનો અને બજાર ખોલવાને મંજૂરી અપાશે : ગૃહ મંત્રાલય
• દુકાનમાં ગ્રાહકો એકબીજાથી ઓછામાં ઓછુ 6 ફૂટનું અંતર બનાવીને રાખે

આ ઉપરાંત તમામ દુકાનદારોએ એ વાતનું ધ્યાન રાખવું પડશે કે ગ્રાહકો એકબીજાથી ઓછામાં ઓછુ 6 ફૂટનું અંતર બનાવીને રાખે. કોઇપણ સમયે કોઇપણ દુકાનમાં પાંચથી વધારે લોકોને અંદર જવાની મંજૂરી અપાશે નહીં. અહીં સરકારે કહ્યું છે કે શોપિંગ મોલ લૉકડાઉનના ચોથા ચરણમાં પણ બંધ રહેશે. 

કંપનીઓ અને ખાનગી કાર્યાલયોને લઇને ગૃહ મંત્રાલયના નિવેદનમાં કહેવામાં આવ્યું છે કે જ્યાં પણ સંભવ હોય, વર્ક ફ્રોમ હોમ પોલિસીનું પાલન કરવામાં આવવું જોઇએ. 

આ ઉપરાંત તમામ કાર્યાલયો અને અન્ય સંસ્થાઓમાં તમામ પ્રવેશ અને બહાર જવાના દરવાજા પર થર્મલ સ્કેનિંગ કરાય અને સેનિટાઇઝરનો ઉપયોગ કરવામાં આવે. ઓફિસો, સંસ્થાઓમાં કામનો સમય અલગ-અલગ અપનાવવામાં આવે.