સાવધાન / શરીરમાં આ લક્ષણો દેખાય તો અવગણશો નહીં, ફેફસાના નુકસાનના સંકેત હોઈ શકે

વધતા પ્રદૂષણ, ધુમ્રપાન અને બગડતી લાઇફસ્ટાઇલના કારણે ફેફસાં સાથે સંબંધિત તકલીફો વધી રહી છે. જો લંગ ડેમેજ વિશે સમયસર જાણ ન થાય તો સમસ્યા ગંભીર બની શકે છે. લોકો તેના પર ઓછું ધ્યાન આપે છે, પરંતુ આપણું શરીર કેટલાક લક્ષણઓ દ્વારા આપણને અગાઉથી સાવધાન કરે છે.

જો આ લક્ષણોને સમયસર ઓળખી લઈએ, તો યોગ્ય સારવારથી ફેફસાંને વધારે નુકસાન થતું અટકાવી શકાય છે. જાણો ફેફસાં ખરાબ થવા પર કયા લક્ષણો દેખાઈ શકે છે?

સતત ખાંસી રહેવી

સામાન્ય રીતે ખાંસી શરદી અથવા ગળામાં ઇન્ફેકશનના કારણે આવે છે. પરંતુ જો ખાંસી ત્રણ અઠવાડિયા કરતા વધારે સમય સુધી ચાલે, તો તેને અવગણવી નહીં. ફેફસાંને નુકસાન થવાના સમયે ખાંસી સાથે કફ આવી શકે છે, જે ક્યારેક લોહી મિશ્રિત પણ હોઈ શકે છે. આ ખાંસી સૂકી અથવા કફવાળી બંને હોઈ શકે છે અને સમય જતાં વધી પણ શકે છે.

શ્વાસ લેવામાં તકલીફ

રોજબરોજના સરળ કામ જેમ કે ચાલવું, સીડી ચઢવી કે હળવું કામ કરતી વખતે જો શ્વાસ ચઢવા લાગે અથવા શ્વાસ લેવામાં તકલીફ થાય, તો તે ચિંતાનો વિષય છે. આ લક્ષણ બતાવે છે કે ફેફસાં પૂરતી માત્રામાં ઓક્સિજન લેવામાં અસમર્થ છે અને શરીરની જરૂરિયાત પૂરી નથી કરી શકતા. આ લક્ષણ અસ્થમા, ફેફસાંમાં ફાઇબ્રોસિસ અથવા ફેફસાંના ટિશ્યુને નુકસાન થવાથી પણ થઈ શકે છે.

છાતીમાં દુખાવો

ફેફસાંને નુકસાન થવાનું એક વધુ મહત્વનું લક્ષણ છે છાતીમાં સતત દુખાવાનો અનુભવવ થવો. આ દુખાવો ઊંડો શ્વાસ લેતાં, ખાંસી લેવાથી અથવા વધુ હસવાથી વધી શકે છે. આ દુખાવો ફેફસાંમાં સોજો, ચેપ અથવા અન્ય કારણોથી થઈ શકે છે. છાતીમાં થતા દુખાવાને ક્યારેય હળવાશમાં ન લેવો જોઈએ, કારણ કે તે હૃદય સંબંધિત બીમારીઓનું પણ લક્ષણ હોઈ શકે છે.

ઘરઘરાટ

શ્વાસ લેતાં કે છોડતાં સમયે સીટી જેવો અવાજ આવે તો તેને ઘરઘરાટ કહેવામાં આવે છે. આ અવાજ ત્યારે થાય છે જ્યારે ફેફસાંની શ્વાસની નળી સાંકડી થઈ જાય છે અથવા તેમાં અવરોધ આવી જાય છે. તે અસ્થમા, એલર્જી, COPD અથવા ફેફસાંમાં ચેપનું સામાન્ય લક્ષણ હોય શકે છે.

થાક અને વજન ઘટવો

વધારે થાક લાગવો અને કોઈ ખાસ કારણ વિના જ વજન ઘટી જવું પણ ફેફસાંને નુકસાન થવાનું એક મહત્વનું નિશાન હોઈ શકે છે. જ્યારે ફેફસાં શરીરને પૂરતો ઓક્સિજન નથી આપી શકતા, ત્યારે શરીરમાં ઊર્જાનું સ્તર ઘટી જાય છે. આ કારણે સતત થાક અને કમજોરી અનુભવાય છે. સાથે સાથે, શરીરને ઊર્જા આપવા માટે શરીર પોતાના મસલ્સ અને ચરબી તોડવાનું શરૂ કરે છે, જેના કારણે વજન અનિચ્છનીય રીતે ઘટી જાય છે.

વધુ વાંચો : આ પાનને 1 મિનિટ સુધી ચાવો, જીવનભર બીમારી તમારી નજીક નહીં આવે!

જો શરીરમાં આવા કોઈ પણ લક્ષણો દેખાય, તો તેને અવગણવાને બદલે સમયસર ડૉક્ટરની સલાહ લેવી જરૂરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ