હેલ્થ / ઉનાળાના બળબળતા તાપમાં મળશે પેટને ઠંડક, સત્તુથી બનાવો આ 4 સ્વાદિષ્ટ વસ્તુઓ

સત્તૂ કાળા ચણાને પીસીને બનાવવામાં આવે છે. તેને તમે ઘરે પણ બનાવી શકો, જેથી તેમાં કોઈ પણ પ્રકારની ભેળસેળની શક્યતા ન રહે. ઉનાળામાં સત્તૂ ન માત્ર લૂથી બચાવ કરે છે, પરંતુ પાચનતંત્રને પણ મજબૂત બનાવે છે. વેજિટેરિયન લોકો માટે તે એક ઉત્તમ પ્રોટીનનો સ્ત્રોત છે.

તેમાં કેલ્શિયમ, આયર્ન, પોટેશિયમ અને મેગ્નેશિયમ જેવા પોષક તત્ત્વો હોય છે, જે હાડકાંને મજબૂત બનાવવામાં મદદ કરે છે. તેના સેવનથી ઉર્જા મળે છે અને મસલ્સ પણ મજબૂત બને છે. તે લોહીની ઉણપને પૂરી કરે છે અને બ્લડ શુગરને નિયંત્રણમાં રાખવામાં સહાય કરે છે. ચાલો, ઉનાળામાં અજમાવી શકાય તેવી સત્તૂની પાંચ વાનગીઓ જાણીએ.

સત્તૂ ચોખા

ઓછા તેલમાં બને એવી સત્તૂની વાનગીઓની વાત કરીએ, તો તમે સત્તૂ ચોખા બનાવી શકો છો. આ ખૂબ જ સરળ વાનગી છે, જેને બનાવવા માટે તમને ગેસ પણ ચાલુ કરવો નહીં પડે. એક થાળીમાં સત્તૂ લો, તેમાં ડુંગળી, લીલા મરચાં, કોથમીર, કાળું અથવા સફેદ મીઠું અને લીંબુનો રસ ઉમેરો. તેને સારી રીતે મિક્ષ કરો. ત્યારબાદ તેમાં થોડું સરસવ તેલ ઉમેરો અને હળવા પાણીના છાંટા મારતાં તેને લાડુ જેવો આકાર આપી પીરસો.

સત્તૂનો શરબત

ઉનાળામાં તાજગી આપે એવું પીણું જોઈએ છે, તો સત્તૂનું શરબત એક ઉત્તમ વિકલ્પ છે. ખાસ કરીને બિહાર અને ભારતના વિવિધ વિસ્તારોમાં તે ખૂબ લોકપ્રિય છે. તેને બનાવવા માટે, ઠંડા પાણીમાં સત્તૂ ઉમેરી મિક્ષ કરો. તેમાં ડુંગળી, લીંબુનો રસ, શેકેલું જીરું, મીઠું અને લીલા મરચાં ઉમેરો. આ ઠંડુ-ઠંડુ પીણું પીરસો અને ઉનાળાની ગરમીમાં રાહત મેળવો.

સત્તૂના પરાઠા

સત્તૂના પરાઠા પણ એક શાનદાર વિકલ્પ છે. તેલની જગ્યાએ દેશી ઘીનો ઉપયોગ કરવો વધુ સારું રહેશે, જે આરોગ્ય માટે ફાયદાકારક રહેશે. આ પરાઠા એટલા સ્વાદિષ્ટ હોય છે કે બાળકો પણ તેને ખુશીથી ખાઈ જાય.

સત્તૂ છાશ ડ્રિંક

સત્તૂ છાશ ડ્રિંક ઉનાળામાં શરીરના તાપમાનને સંતુલિત રાખવામાં સહાય કરે છે. તેને બનાવવા માટે, કોથમીર અને ફુદીનાને સારી રીતે પીસી લો. છાસમાં સત્તૂ ઉમેરો અને મિક્ષ કરો. ત્યારબાદ તેમાં કોથમીર-ફુદીનાની પેસ્ટ, કાળું મીઠું અને ચાટ મસાલો ઉમેરો. છેલ્લે આઈસ ક્યૂબ ઉમેરી, ઠંડુ પીરસો.

વધુ વાંચો: શરીરને રાખશે કૂલ, સાથે હીટ સ્ટ્રોકથી પણ બચાવશે, ચંદનના શરબતની નોટ કરી લો રેસીપી

આ વાનગીઓ ઉનાળામાં આરોગ્યપ્રદ અને ઉર્જાવર્ધક છે. તમે આમાંથી કોઈપણ ટ્રાય કરી શકો છો.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ