અભિગમ / સૌરાષ્ટ્રના એક-એક તાલુકામાં ચાલુ થશે 'ચિંતા બૅન્ક': લેઉવા પટેલ સમાજે જાણો કયો નવતર પ્રયોગ શરૂ કર્યો

• લેઉવા પટેલ યુવા સમાજનો નવતર પ્રયોગ
• સૌરાષ્ટ્રના દરેક તાલુકામાં ચિંતા બેન્ક હશે
• દરેક તાલુકામાં લોખંડની પેટી મુકાશે 
• લોકો પોતાની ચિંતા પેટીમાં મુકી શકશે

સૌરાષ્ટ્ર લેઉવા પટેલ યુવા સમાજનો નવતર પ્રયોગ સામે આવ્યો છે. રાજકોટમાં સૌરાષ્ટ્ર યુવા સમાજની ઓફિસ કાર્યરત કરવામાં આવી છે તેમજ નવતર પ્રયોગ એવો કરવામાં આવ્યો છે કે,  સૌરાષ્ટ્રના દરેક તાલુકામાં ચિંતા બેન્ક કાર્યરત કરવામાં આવશે. એટલે કે, દરેક તાલુકામાં લોખંડની પેટી મુકવામાં આવશે જે પેટીમાં સમાજના લોકો પોતાની ચિંતા અને વ્યથા મૂકી શકશે.

લેઉવા પટેલ યુવા સમાજનો નવતર પ્રયોગ
સૌરાષ્ટ્ર લેઉવા પટેલ યુવા સમાજનો નવતર પ્રયોગ શરૂ કર્યો છે. સૌરાષ્ટ્રના દરેક તાલુકામાં ચિંતા બેન્ક કાર્યરત કરવામા આવશે જે ચિંતા બેન્ક મારફતે લોકો પોતાની વ્યથા, મશ્કેલી જણાવી શકશે. જે માટે સૌરાષ્ટ્રના દરેક તાલુકામાં લોખંડની પેટી મુકવામાં આવી છે. જેમાં સમાજના લોકો પોતાની ચિંતા અને વ્યથા પેટીમાં મુકી શકશે તેમજ એજ્યુકેશન ફી, મેડિકલ, પોલીસને લગતી સહિતની સમસ્યા રજૂ કરી શકશે. યુવા સમાજ પેટીમાં આવેલી સમસ્યા હલ કરવા સંકલ્પબદ્ધ થશે તમને જણાવી દઈએ કે, વ્યસન છોડનારા 500 લોકો આ સંસ્થાના દાતા છે. 

પ્રમુખ વિનોદ પટેલનું નિવેદન
લેઉવા પટેલ યુવા સમાજના પ્રમુખ વિનોદ પટેલે જણાવ્યું કે, સૌરાષ્ટ્ર લેઉવા પટેલ યુવા સમાજની સ્થાપના માણસને સુખ મળે તેના માટે થઈ છે. પૈસા મુકવા માટે બેન્ક, ઘરેણા મુકવા માટે લોકર છે, પરંતુ માણસની ચિંતા મુકવા માટે કંઈ નથી માટે અમે ચિંતા બેન્ક માટે આ નવતર પ્રયોગ હાથ ધર્યો છે. તેમણે કહ્યું કે, આ અમારી ચિંતા પેટીમાં એવું નથી કે, ફક્ત લેઉવા પટેલ જ ચિંતા, વ્યથા વ્યક્ત કરે પરંતુ આ પેટીમાં અઢ્ઢારે વરણના લોકો આમાં પોતાની ચિંતા મૂકી શકે છે. તેમણે કહ્યું કે આ ચિંતા બેન્કમાં જે ચિંતા મૂકી જશે તેને બીજા દિવસેથી સુખ રૂપી વ્યાજ મળવાનું શરૂ થઈ જશે.