સાવધાન / Car Tips: કારમાં ઓઈલ બદલાવતી વખતે આ કામ કરવાનું ન ભૂલતા, ગાડીને થઈ શકે છે મોટું નુકસાન

• શું તમે પણ એર ફિલ્ટરને કરો છો નજર અંદાજ?
• સમય પ્રમાણે એર ફિલ્ટર્સને સાફ કરાવવુ અત્યંત જરૂરી
• જો નહીં કરાવો તો પડશે આર્થિક મુશ્કેલી

એર ફિલ્ટરની તપાસ ખાસ કરાવો 

પોતાની કારની સારસંભાળ રાખવી દરેક માલિકની જવાબદારી હોય છે. જો કે, ક્યારેક-ક્યારેક વધારે વ્યસ્તતાના કારણે લોકો કારના કેટલાંક પાર્ટ્સને નજર અંદાજ કરે છે, ત્યારબાદ ભારે નુકસાન થાય છે. જો સમય પ્રમાણે એર ફિલ્ટર્સની તપાસ કરાવતા નથી અને તેને યોગ્ય સમયે બદલાવશો નહીં તો બાદમાં કારના મેઈન્ટેનન્સમાં હજારો રૂપિયાનુ નુકસાન થવાનુ છે. જાણો કારની અંદર લગાવવામાં આવેલા એર ફિલ્ટર વિશે. 

કાર્બન જમા થવાનુ વધી જાય છે જોખમ 

જો તમે ધૂળવાળી જગ્યા પર તમારી કાર ચલાવો છો તો તમારા કારનુ એર ફિલ્ટર્સ જલ્દી જમા થાય છે. એર ફિલ્ટર્સને સમય પ્રમાણે સાફ અને રિપ્લેસ ના કરાવવાથી કારમાં કાર્બન જમા થાય છે. જેને પગલે એેન્જિન લાઈટના ટ્રિગર થવાની શક્યતા વધી જાય છે. 

માઈલેજ પર થાય છે અસર 

જો તમારી કારના એર ફિલ્ટર્સની અંદર કાર્બન જમા થયુ છે તો તમારી કારમાંથી એક અલગ પ્રકારની ગંધ મહેસૂસ થશે. એર ફિલ્ટર્સને યોગ્ય સમયે જો સાફ કરાવતા નથી તો કાર વધુ ઈંધણ પીવા લાગે છે, જેનાથી તમને આર્થિક રીતે નુકસાન પણ થાય છે. તેથી સમય પ્રમાણે કારના એર ફિલ્ટર્સને સાફ કરાવવુ અથવા રિપ્લેસ કરાવવુ ખૂબ જરૂરી છે. 

મિસફાયરિંગનુ વધી જાય છે જોખમ 

મહત્વનું છે કે એક ખરાબ એર ફિલ્ટરને પગલે હવા અને ફ્યુલના મિશ્રણને કારણે કાર્બન ડિપોઝીટ થાય છે. કાલિખના અવશેષ, સ્પાર્ક પ્લગ પર જમા થાય છે અને તેનાથી પેટ્રોલ એન્જિનમાં મિસ ફાયરિંગનુ જોખમ ઉભુ થઇ શકે છે.