એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ તેના સભ્યોને PF એકાઉન્ટ ટ્રાન્સફર કરવાના કામથી રાહત આપી દીધી છે. 1 એપ્રિલથી લાગુ કરવામાં આવેલા નવા EPFO નિયમો અનુસાર, કર્મચારીઓએ નોકરી બદલ્યા પછી PF એકાઉન્ટ ટ્રાન્સફર માટે રિકવેસ્ટ નહીં કરવી પડે. હવે આ કામ ઓટોમેટિક થઈ જશે. એકાઉન્ટ ટ્રાન્સફર થયા પછી જ, નોકરી બદલનાર હાલના EPF સભ્યોને તેમના PF એકાઉન્ટનું બેલેન્સ ટ્રાન્સફર કરવામાં મદદ મળે છે. પરંતુ નવા નિયમો મુજબ હવે આ કામ આપોઆપ થઈ જશે. જોકે, તમામ કર્મચારીઓ આ નવી સુવિધાનો લાભ લઈ શકશે નહીં. ચાલો જાણીએ આવું શા માટે -
આ સુવિધાનો લાભ કોને નહીં મળે?
અહેવાલો અંનુસાર, જૂના એમ્પ્લોયર પાસેથી નવા એમ્પ્લોયર પાસે EPF એકાઉન્ટની ઓટોમેટિક ટ્રાન્સફર સુવિધા તમામ EPF સભ્યો માટે ઉપલબ્ધ નથી. આ સુવિધા ફક્ત તે EPF સભ્યો માટે ઉપલબ્ધ છે જેના EPF એકાઉન્ટ જુના અને નવા બંને EPFO પાસે છે. છૂટ આપવામાં આવેલ પીએફ ટ્રસ્ટ ઓટોમેટિક એકાઉન્ટ ટ્રાન્સફર સુવિધા માટે પાત્ર રહેશે નહીં. એટલે કે, તેમણે પહેલાની જેમ જ નોકરી બદલ્યા બાદ PF એકાઉન્ટ ટ્રાન્સફર માટે રિકવેસ્ટ કરવી પડશે.
આવા કર્મચારીઓએ શું કરવું પડશે?
ખાનગી પીએફ ટ્રસ્ટ EPFO ને બદલે સંબંધિત કંપનીના કર્મચારીઓના પ્રોવિડન્ટ ફંડ કોન્ટ્રીબ્યુશનને મેનેજ કરે છે. જોકે, તેમણે પીએફના નિયમોનું પાલન કરવું પડે છે. પરંતુ તેઓએ તેમનું PF એકાઉન્ટ ટ્રાન્સફર કરવા માટે ઓનલાઈન અથવા ઓફલાઈન ફોર્મ 13 ભરવું પડશે. આના દ્વારા તમે તમારું એકાઉન્ટ નવી કંપનીમાં ટ્રાન્સફર કરી શકશો.
વધુ વાંચો: શું છે આ ઇ-ઇન્શ્યોરન્સ એકાઉન્ટ? જાણો કેવી રીતે ખુલશે, કયા ડોક્યુમેન્ટ્સની પડશે જરૂર, 1 એપ્રિલથી નિયમ લાગુ
ઓટોમેટિક એકાઉન્ટ ટ્રાન્સફર
નવા નિયમ અનુસાર, જ્યારે કોઈ વ્યક્તિ નોકરી બદલશે તો તેનું જૂનું પીએફ બેલેન્સ ઓટોમેટિક ટ્રાન્સફર થઈ જશે. આનાથી EPFO ખાતાધારકોને નવી કંપનીમાં જોડાવા પર PF ટ્રાન્સફર માટે મેન્યુઅલી રિકવેસ્ટ કરવાની જરૂરિયાત ખતમ થઈ ગઈ છે. અગાઉ, યુનિવર્સલ એકાઉન્ટ નંબર (UAN) હોવા છતાં, લોકોને પીએફ ટ્રાન્સફર માટે રિકવેસ્ટ કરવામાં પરેશાનીઓ થતી હતી, જે હવે જરૂરી રહેશે નહીં. EPFOએ ઓટોમેટિક એકાઉન્ટ ટ્રાન્સફરની સુવિધા શરૂ કરી દીધી છે. આ સુવિધા 1 એપ્રિલથી ઉપલબ્ધ થવા લાગી છે. જો કે, આ સુવિધા ફક્ત એ લોકોને જ મળશે જેમનું KYC પૂરું થઈ ગયું હશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
