બોલિવૂડ / કાર્તિક-અનન્યાની જબરદસ્ત લવ સ્ટોરી, 'તૂ મેરી મૈં તેરા મૈં તેરા તૂ મેરી'નું મોશન પોસ્ટર રિલીઝ

કાર્તિક આર્યન અને અનન્યા પાંડે ફરી એકવાર મોટી સ્ક્રીન પર રોમાંસ કરતા જોવા મળશે. તેમની આગામી ફિલ્મ, "તુ મેરી, મૈં તેરા, મૈં તેરા, તુ મેરી," એ ખૂબ જ ચર્ચા ઉભી કરી છે. કેમ કે, આ ફિલ્મનું મોશન પોસ્ટર તાજેતરમાં રિલીઝ થયું છે અને તેની સાથે રિલીઝ તારીખ પણ જાહેર કરવામાં આવી હતી. જેમાં જણાવાયું છે કે, આ ફિલ્મ 25 ડિસેમ્બર 2025 ના રોજ ક્રિસમસના દિવસે રિલીઝ થશે.

View this post on Instagram

A post shared by Dharma Productions (@dharmamovies)

આ ફિલ્મનું ડાયરેકશન સમીર વિદ્ધાંસ દ્વારા કરવામાં આવ્યું છે અને તેનું પ્રોડક્શન ધર્મા પ્રોડક્શન અને નમ: પિક્ચર્સ કરી રહી છે. આ રોમેન્ટિક કોમેડી ક્રોએશિયા, યુરોપમાં પિક્ચરાઈસ કરવામાં આવ્યું છે. જેને મોશન પોસ્ટરમાં શાનદાર રીતે બતાવવામાં આવ્યું છે. પોસ્ટરમાં કાર્તિક અને અનન્યા એક સ્ટ્રીટ સીનમાં હસતા દેખાય છે. જેમાં અનન્યાએ પાછળથી કાર્તિકને ગળે લગાવ્યો છે. આ પોસ્ટરનો ઈશારો એ તરફ છે કે, આ ફિલ્મમાં રોમાંસ અને મસ્તીભર્યો અંદાજ જોવા મળશે.

• અગાઉ પણ સાથે કરી ચુક્યા છે કામ
  રીપોર્ટ મુજબ, કાર્તિકના પાત્ર રે અને અનન્યાના પાત્ર રૂમીની આ લવસ્ટોરી ક્રોએશિયાની પૃષ્ટભૂમિ પર બની છે. તેમની મુલાકાત, સંબંધોની સફર અને પારિવારિક પડકારો આ ફિલ્મનો પાયો હશે. આ બંનેએ અગાઉ 2019માં આવેલી 'પતિ પત્ની ઔર વો' માં સાથે કામ કર્યું હતું અને તે ફિલ્મની સફળતા બાદ આ જોડીનો રોમાંસ ફરી એકવાર ચર્ચાનો વિષય બન્યો છે. ફેન્સનું માનવું છે કે, આ ફિલ્મ રોમ-કોમ ફિલ્મમાં વાપસીના રૂપમાં નોંધાશે.

વધુ વાંચો : કોણ છે બ્લ્યુ સાડીમાં વાયરલ થયેલી બોલિવૂડ હસીના? જે બની લેટેસ્ટ નેશનલ ક્રશ

• રિલીઝ ડેટ બદલાઈ
  ફિલ્મની રિલીઝને લઈને એવી ચર્ચા છે કે તે કરણ જોહરની મોટી કંપની પ્રેઝન્ટ કરી રહી છે, જેનાથી હાઈ પ્રોડક્શન, ગ્લેમર અને મોટા બજેટની અપેક્ષાઓ વધી જાય છે. આથી આ ફિલ્મને 2025 ના અંતમાં એક મહત્વની ફિલ્મ સાબિત થઇ શકે છે. આ ફિલ્મ ક્રિસમસ પર રિલીઝ થવાની છે. પહેલા આ ફિલ્મ નવા વર્ષ પર રિલીઝ થવાની હતી પરંતુ મેકર્સે પાછળથી તેની રિલીઝ તારીખ બદલી નાખી હતી. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ