વિવાદીત નિવેદન / કંગના અટકવાનું નામ નથી લઈ રહી, આપ્યું ફરી વિવાદાસ્પદ નિવેદન, કહ્યું ગાંધીજી ઈચ્છતા હતા કે ભગતસિંહને ફાંસી અપાય

• કંગના રનૌતે ફરી વિવાદીત નિવેદન આપ્યું 
• ગાંધીજી પર કરી ખરાબ ટિપ્પણી 
• અગાઉ પણ કંગનાએ આઝાદી મુદ્દે વિવાદીત નિવેદન આપેલું 

કંગના રનૌત એક વાર ફરી વિવાદીત નિવેદન આપ્યું છે. જેને લઈને તે ફરી ચર્ચાનું કેન્દ્ર બની છે. આ વખતે કંગનાએ ગાંધીજી પર ખરાબ ટિપ્પણી કરી છે. જેના કારણે તે વિવાદોમાં આવી છે. ઈન્સ્ટાગ્રામ સ્ટોરીમાં કંગનાએ લાંબા મેસેજ કરીને ગાંધીજી પર નિશાન સાંધ્યું છે. જેમા તેમણે ગાંધીજીને સત્તાના ભૂખ્યા ગણાવ્યા છે. 

ઈન્સ્ટા સ્ટોરીમાં કંગનાએ લખી પોસ્ટ 

વધુમાં કંગનાએ એવું કહ્યું હતું કે ગાંધીજી ઈચ્છતા હતા કે ભગતસિંહને ફાંસી થાય. આ ઉપરાંત ઈન્સ્ટા સ્ટોરીમાં કંગનાએ એવું પણ લખ્યું છે કે પોતાનો હિરો સમજદારીથી પસંદ કરો. કંગનાએ સમગ્ર મામલે એવું નિવેદન પણ આપ્યું છે કે ઝાપટ મારવા વાળા સામે બીજો ગાલ આગળ કરશો તો તમને આઝાદી નહી મળે.

અગાઉ પણ વિવાદીત નિવેદન આપ્યું હતું 

આપને જણાવી દઈએ કે કંગનાએ થોડાક દિવસો પહેલા આઝાદીને લઈને જે નિવેદન આપ્યું હતું હતું તેને લઈને મામલો હજું ઠંડો નથી પડ્યો ત્યા તો ફરી તેણે સોશિયલ મીડિયા પર આપત્તીજનક પોસ્ટ મુકી છે.  પોસ્ટમાં કંગનાએ એવું લખ્યું છે કે જે લોકો સ્વતંત્રતા માટે લડ્યા છે. તેમણે પોતાનો તેમના માલિકોને સોંપી દીધા. જેમનું લોહી નહોતું ઉકળતું પણ તેઓ સત્તાના ભૂખ્યા અને ચાલાક હતા. 

પોતાનો હિરો સમજદારીથી પસંદ કરવાવી આપી સલાહ 

વધુમાં તેણે ગાંધીજીને ટાર્ગેટ કરતા કહ્યું કે આ એજ લોકો છે જેમણે આપણાને શિખવાડ્યું કે કોઈ તમને એક લાફો મારે તમે તેને બીજો ગાલ ધરી દો. જેથી તમને આઝાદી મળી જશે. આ રીતે કોઈને આઝાદી નથી મળતી ખાલી ભીખ મળે છે. વધુમાં કંગનાએ કહ્યું કે પોતાનો હિરો પણ સમજદારીતી પસંદ કરવાનું રાખો. 

ગાંધીજીએ ક્યારેય નેતાજી અને ભગતસિંહને સપોર્ટ ન કર્યો 

ઉલ્લેખનીય છે કે કંગનાએ તેની બીજી પોસ્ટમાં એવું પણ કહ્યું કે ગાંધીએ ક્યારેય ભગતસિંહ કે નેતાજીને સપોર્ટ નથી કર્યો. સાથેજ તેણે આડકતરી રીતે કહ્યું કે ગાંધીજી ઈચ્છતા હતા કે ભગતસિંહને ફાંસી થાય. સાથેજ તેણે કહ્યું કે લોકોને તેમનો ઈતિહાસ અને તેમના ખરા હિરો વિશે ખબર હોવી જોઈએ.