જૂનાગઢ / 'દીવ બની ગયેલા મારા ગામમાં પીવાવાળાની ખેર નથી', ઢોલ વગાડી લોકોને જાગૃત કરવાની સરપંચની અનોખી પહેલ

• દારૂબંધી માટે ઢોલ વગાડી લોકોને જાગૃત કરવાની અનોખી પહેલ
• ભેસાણના પસવાડા ગામના સરપંચનો વીડિયો વાયરલ
• દીવ બની ગયેલા મારા ગામમાં હવે પીવાવાળા ખેર નથી: સરપંચ

ગુજરાતમાં દારૂબંધી હોવા છતાં હજુ પણ અમુક જગ્યાએ આ દૂષણ દૂર નથી થયું. લોકોના અનેક પ્રયાસો બાદ પણ યુવાઓ નશામાં ડૂબી રહ્યાં છે. ત્યારે જૂનાગઢમાં દારૂબંધી માટે ઢોલ વગાડીને લોકોને જાગૃત કરતો એક વીડિયો સોશિયલ મીડિયામાં વાયરલ થયો છે. ભેસાણના પસવાડા ગામનો વીડિયો વાયરલ થયો છે. જેમાં સરપંચે ઢોલ વગાડી ગામમાં જાહેરાત કરાવી છે. સરપંચે ઢોલ વગાડીને કહ્યું કે, 'દીવ બની ગયેલા મારા ગામમાં હવે પીવાવાળાની ખેર નથી. ગુજરાતમાં દારૂબંધી છતાં અમુક જગ્યાએ દૂષણ દૂર નથી થયું.'

ગામમાં દારૂના કારણે અનેક પરિવારોએ પોતાના પરિજનો ગુમાવ્યા

ગામના સરપંચે દારૂ પીતા લોકોને સુધરી જવાની સખ્ત ચેતવણી આપી છે. ગામમાં દારૂપીતા લોકાના મોત થયા છે. ગામમાં દારૂના કારણે અનેક પરિવારોએ પોતાના પરિજનો ગુમાવ્યા છે. આથી, ગામના સરપંચના નવતર પ્રયોગના લોકોએ વખાણ કર્યા છે.

મહત્વનું છે કે, ગુજરાતમાં દારૂબંધી હોવા છતાં હજુ પણ અમુક જગ્યાએ આ દૂષણ દૂર નથી થયું. લોકોના અનેક પ્રયાસો બાદ પણ યુવાઓ નશામાં ડૂબી રહ્યાં છે. ગુજરાતમાં દારુબંધી છે પરંતુ તે માત્ર જાણે કે કાગળ પર જ હોય તેમ લાગી રહ્યું છે. કારણ કે દારુ પીવાના અસંખ્ય કેસો અનેક વિસ્તારમાંથી સામે આવતા રહે છે. સરકારી કચેરીઓમાંથી પણ ક્યારેક દારુની ખાલી બોટલો મળી આવવાના કિસ્સાઓ સામે આવી ચૂક્યા છે. તેમજ હોસ્પિટલમાંથી પણ ખાલી બોટલો મળ્યાની ઘટના સામે આવી ચૂકી છે. એવામાં દારુ પીવાના કારણે અનેક લોકોએ પોતાના જીવ પણ ગુમાવ્યા છે. આવી જ ઘટના જૂનાગઢ જિલ્લાના પસવાડા ગામની છે કે જ્યાં દારૂના કારણે કેટલાંક લોકોના સમયાંતરે મોત નિપજી ચૂક્યા છે.

સરપંચનો દારૂબંધીનો ઢંઢેરો પીટતા વીડિયોના લોકોએ કર્યા ભરપૂર વખાણ

આ બધાની વચ્ચે ગુજરાતના એક સરપંચે દારૂબંધી માટે એક અનોખો રસ્તો અપનાવ્યો છે. જેમાં સરપંચે ગામમાં ઢોલ વગાડીને દારૂ પીનારા લોકોની ખેર નથી કહીને સુધરી જવાની સખત ચેતવણી આપી હતી. આ સરપંચનો દારૂબંધીનો ઢંઢેરો પીટતો એક વીડિયો પણ સોશિયલ મીડિયામાં ખૂબ વાઇરલ થયો છે. જેમાં દારૂબંધીનો કડક અમલ કરવાના સરપંચના આ નવતર પ્રયોગને લોકો ખૂબ વખાણ કરી રહ્યાં છે. સરપંચે ઢોલ વગાડીને જણાવે છે કે, 'દીવ બની ગયેલા મારા ગામમાં હવે પીવાવાળાની ખેર નથી. ગુજરાતમાં દારૂબંધી છતાં અમુક જગ્યાએ દૂષણ દૂર નથી થયું.'