કામની વાત / RBI માં ભરતી પડી છે, એકસાથે 650 જગ્યાઓ ભરાશે, જાણો અરજીની અંતિમ તારીખ

બેંકિંગ ક્ષેત્રમાં કારકિર્દી બનાવવાનું સ્વપ્ન જોતા યુવાનો માટે એક મહાન તક આવી છે. ભારતીય રિઝર્વ બેંકે rbi.org.in પર વર્ષ 2026 માટે સહાયક પદોની ભરતી માટે ઓફિશિયલ જાહેરાત બહાર પાડી છે. આ વખતે કુલ 650 જગ્યાઓ ભરવામાં આવશે. RBI સહાયક ભરતી 2026 માટે અરજી પ્રક્રિયા ઓનલાઈન હશે. રસ ધરાવતા ઉમેદવારો RBIની ઓફિશિયલ વેબસાઇટની મુલાકાત લઈને નોંધણી કરાવી શકે છે.

દેશભરની વિવિધ પ્રાદેશિક કચેરીઓ માટે RBI સહાયક ભરતી પ્રક્રિયા આયોજીત થશે. ઉમેદવારોની પસંદગી પ્રીલિમ્સ અને મેંસ પરીક્ષાઓ તેમજ ભાષા પ્રાવીણ્ય પરીક્ષા (LPT) ના આધારે કરવામાં આવશે. બેંકિંગ ક્ષેત્રમાં આ એક પ્રતિષ્ઠિત એન્ટ્રી-લેવલ નોકરી માનવામાં આવે છે. RBI આસિસ્ટન્ટ ભરતી 2026 માટે શૈક્ષણિક લાયકાત, વય મર્યાદા, અરજી ફી અને પરીક્ષા પેટર્ન વિશે જાણો. RBI સહાયક ભરતી 2026 ફોર્મ ભરતી વખતે સાવચેત રહેવું મહત્વપૂર્ણ છે.

RBI આસિસ્ટેંટ ભરતી 2026 : 650 પદો માટે આવેદન શરુ

ભારતીય રિઝર્વ બેંકે 650 જગ્યાઓ માટે નોટિફિકેશન બહાર પાડ્યું છે. બેંકમાં સરકારી નોકરીઓ માટે અરજી પ્રક્રિયા શરૂ થઈ ગઈ છે. છેલ્લી ઘડીની ટેકનિકલ સમસ્યાઓ ટાળવા માટે ઉમેદવારોને છેલ્લી તારીખ પહેલાં તેમના ફોર્મ સબમિટ કરવાની સલાહ આપવામાં આવે છે. RBI આસિસ્ટન્ટ ભરતી 2026 પ્રિલિમ્સ પરીક્ષાની સંભવિત તારીખો પણ ટૂંક સમયમાં જાહેર કરવામાં આવશે, જેનાથી ઉમેદવારોને તૈયારી માટે પૂરતો સમય મળશે.

આરબીઆઇ અસિસ્ટેન્ટ ભરતી પાત્રતા

RBI આસિસ્ટન્ટ પોસ્ટ માટે અરજી કરવા ઇચ્છુક ઉમેદવારો પાસે કોઈપણ માન્ય યુનિવર્સિટીમાંથી ઓછામાં ઓછા 50% ગુણ સાથે ગ્રેજ્યુએશન ડિગ્રી હોવી જરુરી છે. SC/ST/PwBD ઉમેદવારો, એટલે કે, અનામત શ્રેણીઓના ઉમેદવારોએ ફક્ત ગ્રેજ્યુએશન પાસ કરેલ હોવું જોઈએ. આ ઉપરાંત ઉમેદવારો જે રાજ્યમાંથી અરજી કરી રહ્યા છે તે રાજ્યની સ્થાનિક ભાષા (LPT) માં પણ નિપુણતા ધરાવતા હોવા જોઈએ.

આરબીઆઇ અસિસ્ટેંટ ઉંમર સીમા અને છૂટ

RBI અસિસ્ટેંટ પદો માટે અરજી કરનારા સામાન્ય શ્રેણીના ઉમેદવારો માટે લઘુત્તમ વય મર્યાદા 20 વર્ષ અને મહત્તમ વય મર્યાદા 28 વર્ષ છે. સરકારી નિયમો મુજબ અનામત શ્રેણીઓ (OBC, SC, ST, PwBD) માટે ઉપલી વય મર્યાદામાં છૂટછાટ લાગુ પડશે. ઉંમરની ગણતરી સૂચનામાં આપેલી કટ-ઓફ તારીખના આધારે કરવામાં આવશે.

RBI અસિસ્ટેંટ ભરતી 2026 માટે પસંદગી પ્રક્રિયા કેવી રીતે થશે?

RBI અસિસ્ટેંટ બનવા માટે, ઉમેદવારોએ 3 તબક્કામાંથી પસાર થવું પડશે:

1. પ્રારંભિક પરીક્ષા: આમાં અંગ્રેજી, રીજનિંગ અને ન્યૂમેરિકલ એબિલિટીના પ્રશ્નો હશે.
2. મુખ્ય પરીક્ષા: આમાં જનરલ અવેરનેસ અને કમ્પ્યુટર નોલેજ સહિત પાંચ વિભાગોનો સમાવેશ થાય છે.
3. ભાષા પ્રાવીણ્ય કસોટી (LPT): આ ફક્ત કોલિફાઇંગ નેચરની હોય છે, જેમાં સ્થાનિક ભાષા પર પ્રભુત્વની કસોટી કરવામાં આવે છે.

RBI આસિસ્ટન્ટ ભરતી માટે કેવી રીતે અરજી કરવી?

રિઝર્વ બેંક ઓફ ઇન્ડિયાના આસિસ્ટન્ટ પદ માટે રસ ધરાવતા ઉમેદવારો નીચે આપેલા સ્ટેપ મુજબ અરજી કરી શકો છોઃ

• સૌપ્રથમ, RBI ની વેબસાઇટ rbi.org.in પર જાઓ.
• હોમપેજ પર ‘Opportunities@RBI’ સેક્શનમાં જઇ ‘Current Vacancies’ પર ક્લિક કરો.
• ‘Recruitment for the post of Assistant – 2026’ની લિંક પસંદ કરો.
• ‘New Registration’ પર ક્લિક કરીને પોતાની બેઝિક ડિટેલ્સ ભરો.
• તમારો ફોટો, સહી અને દસ્તાવેજો અપલોડ કર્યા પછી, અરજી ફી ચૂકવો.
• છેલ્લે, ફોર્મ સબમિટ કરો અને પ્રિન્ટઆઉટ સાચવી રાખો.

RBI આસિસ્ટેન્ટ 2026 સેલરી સ્ટ્રક્ચર

12 મા દ્વિપક્ષીય સમાધાન અને તાજેતરના સુધારા બાદ RBI આસિસ્ટેન્ટના પગારમાં વધારો થયો છે.

• સેલેરી કંપોનેન્ટ- અનુમાનિત રકમ(મહિને)
• બેઝિક પે - 29,000 રુપિયા
• ગ્રોસ સેલેરી- 58,514 રુપિયા ( HRA વિના)
• ઇન હેન્ડ સેલેરી- 50,000 – 54,000 રુપિયા (કપાત બાદ)

RBI આસિસ્ટેન્ટને મળનારા લાભો

પગાર ઉપરાંત, RBI તેના કર્મચારીઓને ઉત્તમ લાભો આપે છે જે અન્ય કોઈપણ બેંક કરતા શ્રેષ્ઠ માનવામાં આવે છે:

• HRA (હાઉસિંગ એલાઉન્સ): જો તમે બેંકના ક્વાર્ટરમાં રહેતા નથી, તો તમને તમારા મૂળ પગારના 15% વધારાનું હાઉસિંગ એલાઉન્સ મળે છે.
• મોંઘવારી ભથ્થું (DA): આ સમયાંતરે વધે છે.
• વધારાના ભથ્થાં: પરિવહન ભથ્થું, ન્યુઝપેપર/પુસ્તક ભથ્થું, બ્રીફકેસ ભથ્થું અને ઘર સજાવટ ભથ્થું.
• મેડિકલ સુવિધાઓ: કર્મચારી અને પરિવાર માટે ઉત્તમ મેડિકલ સુવિધાઓ.
• LFC: દર બે વર્ષે દેશમાં ફરવા માટે મુસાફરી ભથ્થું.