સ્પોર્ટસ / જસપ્રીત બુમરાહે પોતે જ કેપ્ટન બનવાનો કર્યો ઇન્કાર, જાણો કેમ BCCI ને ઘસીને ના પાડી દીધી

7 મે, 2025 એ તારીખ હતી જ્યારે રોહિત શર્માએ ટેસ્ટ ફોર્મેટને અલવિદા કહ્યું હતું. તે પહેલાં પણ એવી અટકળો લગાવવામાં આવી રહી હતી કે જસપ્રીત બુમરાહ અથવા શુભમન ગિલ ભારતીય ટેસ્ટ ટીમના નવા કેપ્ટન બની શકે છે. 24 મેના રોજ, BCCI એ શુભમન ગિલને ભારતની ટેસ્ટ ટીમના નવા કેપ્ટન તરીકે જાહેર કર્યા. આ કેપ્ટનશીપની રેસમાં જસપ્રીત બુમરાહ કેવી રીતે પાછળ રહી ગયો? ​​ભારતીય ટેસ્ટ ટીમના કેપ્ટન ન બનવા પર બુમરાહ પોતે પ્રતિક્રિયા આપી છે.

જસપ્રીત બુમરાહે કર્યો મોટો ખુલાસો

એક અહેવાલ મુજબ, જસપ્રીત બુમરાહે ખુલાસો કર્યો, "રોહિત અને વિરાટની નિવૃત્તિ પહેલાં અને IPL દરમિયાન, મેં BCCI સાથે વાત કરી હતી કે મેં ભારત-ઇંગ્લેન્ડ સીરીઝ પહેલાં મારા વર્કલોડ પર વિચાર કર્યો છે. મેં તે લોકો સાથે વાત કરી છે જેઓ મારી સંભાળ રાખે છે/મેનેજમેન્ટ કરે છે. અમે નક્કી કર્યું છે કે આપણે મારી પીઠનું ધ્યાન રાખવું પડશે."

વધુ વાંચો: કોહલીએ ગીલ અને પંતને પોતાનાં રૂમમાં બોલાવ્યા, 2 કલાક સુધી બંન્ને સાથે કરી ચર્ચા

બુમરાહે પોતે ના પાડી હતી

બુમરાહે પોતે આગળ ખુલાસો કર્યો, "વિચાર કર્યા પછી, મેં BCCIનો સંપર્ક કર્યો અને તેમને કહ્યું કે હું કેપ્ટનશીપ માટે વિકલ્પ તરીકે વિચારવા માંગતો નથી કારણ કે હું ઇંગ્લેન્ડમાં બધી 5 ટેસ્ટ રમી શકીશ નહીં. BCCI મને કેપ્ટન તરીકે જોઈ રહ્યું હતું, પરંતુ મારે તેનો ઇનકાર કરવો પડ્યો કારણ કે તે સારી વાત નથી કે કોઈ બીજું 3 ટેસ્ટ મેચમાં કેપ્ટનશીપ કરી રહ્યું છે, જ્યારે બાકીની મેચોમાં કોઈ બીજું કેપ્ટનશીપ કરી રહ્યું છે. આ ટીમ માટે સારું નથી, તેથી ટીમના હિતમાં વિચારીને, મેં કેપ્ટનશીપ ન લેવાનો નિર્ણય લીધો."

હવે ઈંગ્લેન્ડ પ્રવાસ પર શુભમન ગિલ પહેલીવાર ભારતીય ટેસ્ટ ટીમનું નેતૃત્વ કરશે. તમને જણાવી દઈએ કે ટેસ્ટ ટીમમાં ઋષભ પંતને ઉપ-કેપ્ટનની જવાબદારી સોંપવામાં આવી હતી. ગિલ પર પણ દબાણ રહેશે કારણ કે ટીમ ઈન્ડિયા છેલ્લા 18 વર્ષથી ઈંગ્લેન્ડમાં કોઈ ટેસ્ટ સીરીઝ જીતી શકી નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ