11 ફોટો ગેલેરી

જન્માષ્ટમી 2026 / દીકરાનું નામ ભગવાન કૃષ્ણ પરથી રાખવું છે? મોહન, ગોપાલ, માધવ, કેશવ સહિત આ સુંદર નામોના ખાસ અર્થ જાણો!

Last Updated: 10:12 AM, 4 September 2026

FOLLOW ON

શેર કરો

Baby Names: જો જન્માષ્ટમીની આસપાસ તમારા ઘરે પુત્રનો જન્મ થયો હોય અથવા પુત્રનું આગમન થવાનું હોય, અને તમે ભગવાન શ્રીકૃષ્ણ સાથે જોડાયેલું કોઈ સુંદર, વિશેષ અને અર્થપૂર્ણ નામ શોધી રહ્યા હોય, કૃષ્ણ ભગવાનના સુંદર નામો તેના માટે ઉત્તમ બની શકે છે, તે નામ પાછળ રહેલા વિશેષ અર્થો અને તેની સાથે જોડાયેલી મનમોહક કથાઓ વિશે જાણો.

1/11

1. ભગવાન શ્રીકૃષ્ણ સાથે જોડાયેલાં નામો એક ઉત્તમ પસંદગી

જન્માષ્ટમીનો તહેવાર નજીક આવતાં જ ઘરોમાં ભગવાન શ્રીકૃષ્ણના બાળ સ્વરૂપ એવા 'લાડ્ડુ ગોપાલ'ની પૂજા અને સજાવટની તૈયારીઓ શરૂ થઈ જાય છે. આ વર્ષે જન્માષ્ટમીનો તહેવાર 4 અને 5 સપ્ટેમ્બરના રોજ ઉજવવામાં આવી રહ્યો છે. જો તમારા ઘરે તાજેતરમાં કોઈ નવું બાળક આવ્યું હોય અથવા ટૂંક સમયમાં આવવાનું હોય અને તમે તમારા પુત્ર માટે કોઈ સુંદર અને વિશેષ નામ શોધી રહ્યા હોવ, તો ભગવાન શ્રીકૃષ્ણ સાથે જોડાયેલાં નામો એક ઉત્તમ પસંદગી બની શકે છે. શ્રીકૃષ્ણનાં વિવિધ નામો તેમના વ્યક્તિત્વ, સૌંદર્ય, પ્રેમ, કરુણા અને તેમના બાળપણના નટખટ તથા મનમોહક સ્વરૂપની ઝલક રજૂ કરે છે.

આ તસવીર શેર કરો

2/11

2. બાળકમાં ભગવાન શ્રીકૃષ્ણ જેવા ગુણો

જો તમે ઈચ્છતા હોવ કે તમારા નાના રાજકુમારમાં ભગવાન શ્રીકૃષ્ણ જેવા ગુણો અને સદ્ગુણો હોય, તો અમે તૈયાર કરેલી નામોની યાદી તમારા માટે શ્રેષ્ઠ સાબિત થઈ શકે છે. આ નામો માત્ર ધાર્મિક મહત્વ જ ધરાવતા નથી, પરંતુ તે સાંભળવામાં અત્યંત આધુનિક લાગે છે અને તેટલા જ વિશેષ અર્થો પણ ધરાવે છે. આવો શ્રીકૃષ્ણના આવા કેટલાક સુંદર નામો અને તેમના અર્થો વિશે જાણીએ...

આ તસવીર શેર કરો

3/11

3. મોહન

ભગવાન શ્રીકૃષ્ણને પ્રેમથી 'મોહન' તરીકે પણ ઓળખવામાં આવે છે. આ તેમનું ખરેખર ખૂબ જ સુંદર નામ છે. તેનો અર્થ થાય છે 'આકર્ષક' અથવા 'મનમોહક' એવા વ્યક્તિ જે મનને મોહી લે છે. કૃષ્ણનું 'મોહન' નામ તેમની મનમોહક સ્મિત અને સુંદર દેખાવને કારણે પડ્યું છે. આ એક ટૂંકું, સરળ અને સાંભળવામાં અત્યંત મધુર લાગતું નામ છે.

આ તસવીર શેર કરો

4/11

4. ગોપાલ

જો તમે તમારા પુત્ર માટે પરંપરાગત છતાં સુંદર નામ શોધી રહ્યા હોવ, તો તમે 'ગોપાલ' નામ પસંદ કરી શકો છો. તેનો અર્થ 'ગાયોનું રક્ષણ કરનાર' થાય છે અને તે ભગવાન શ્રીકૃષ્ણના બાળપણ તથા ગોકુલમાં વિતાવેલા તેમના જીવન સાથે ગાઢ રીતે જોડાયેલું છે.

આ તસવીર શેર કરો

5/11

5. માધવ

'માધવ' એ ભગવાન શ્રીકૃષ્ણના પ્રખ્યાત નામોમાંનું એક છે. આ નામ મધ જેવી મીઠાશ સૂચવે છે અને વસંત ઋતુના સ્વામી સાથે પણ જોડાયેલું છે. આ નામ ભગવાન શ્રીકૃષ્ણના પ્રેમાળ અને સૌમ્ય સ્વભાવની ઝલક જોવા મળે છે.

આ તસવીર શેર કરો

6/11

6. કેશવ

જ્યારે પણ ભગવાન શ્રીકૃષ્ણના નામોનો ઉલ્લેખ થાય છે, ત્યારે 'કેશવ' નામ ચોક્કસપણે સામે આવે છે. 'કેશવ' એ ભગવાન શ્રીકૃષ્ણનું એક જાણીતું નામ છે, જેનો અર્થ સુંદર અને લાંબા વાળ ધરાવનાર એવો થાય છે. આ નામ કૃષ્ણના વિવિધ ભજનોમાં પણ વારંવાર જોવા મળે છે. ટૂંકું, આકર્ષક અને પરંપરાગત હોવાને કારણે, તે આજે પણ માતા-પિતાની પસંદગીમાં લોકપ્રિય છે.

આ તસવીર શેર કરો

7/11

7. વાસુદેવ

જો તમે તમારા પુત્ર માટે શાહી અને આધ્યાત્મિક એમ બંને ગુણો ધરાવતું નામ શોધી રહ્યા હોવ, તો તમે 'વાસુદેવ' નામનો વિચાર કરી શકો છો. તેનો અર્થ છે વાસુદેવનો પુત્ર એટલે કે ભગવાન શ્રીકૃષ્ણ. આ નામ ભગવાન શ્રીકૃષ્ણના જન્મની કથા અને તેમના માતા-પિતા, વાસુદેવ અને દેવકી સાથે સીધી રીતે જોડાયેલું છે.

આ તસવીર શેર કરો

8/11

8. મુકુંદ

'મુકુંદ' એ ભગવાન શ્રીકૃષ્ણનું એક સુંદર નામ પણ છે. તેનો 'મુક્તિ કે મોક્ષ પ્રદાન કરનાર' અર્થ છે. આ નામ ભગવાન શ્રીકૃષ્ણના એ સ્વરૂપને દર્શાવે છે જેમના વિશે એવી માન્યતા છે કે, તેઓ પોતાના ભક્તોના દુઃખ દૂર કરે છે અને તેમને મુક્તિનો માર્ગ બતાવે છે.

આ તસવીર શેર કરો

9/11

9. કાન્હા

'કાન્હા' એ ભગવાન શ્રીકૃષ્ણનું અત્યંત પ્રિય અને જાણીતું નામ છે. આ નામ પ્રેમપૂર્વક કૃષ્ણના બાળસ્વરૂપને કહે છે, તે બાળ કૃષ્ણની ચંચળતા, નિર્દોષતા અને મનમોહક છબીને વ્યક્ત કરે છે. પુત્ર માટે આ એક ટૂંકું, સરળ અને ખરેખર અત્યંત સુંદર નામ છે.

આ તસવીર શેર કરો

10/11

10. કનૈયા

ભગવાન શ્રીકૃષ્ણ 'કનૈયા' નામે પણ ઓળખાય છે. આ નામ ખાસ કરીને તેમના બાળપણના સ્વરૂપ અને ગોકુળમાં વિતાવેલા શરૂઆતના વર્ષોની યાદ અપાવે છે. 'કનૈયા' નામ સાંભળતા જ તરત જ તે તોફાની કૃષ્ણની છબી નજર સમક્ષ ઉપસી આવે છે, જે માખણ ચોરતા અને ગોપીઓ સાથે મસ્તી-મજાક કરતા હતા.

આ તસવીર શેર કરો

11/11

11. DISCLAIMER

ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.

આ તસવીર શેર કરો

સંકળાયેલા મુદ્દાઓ

unique trendy meaningful baby boy names inspired by lord krishna janmashtami 2026