- રાજૌરી જિલ્લામાં બે આતંકી ઠાર
- સેનાને મોટી માત્રામાં હથિયારો મળી આવ્યા
- સાંબા જિલ્લામાં બોર્ડર પાસે ફરી ડ્રોન દેખાયું
જમ્મૂ-કશ્મીરના રાજૌરી જિલ્લામાં આજે સેના દ્વારા બે આતંકીઓને ઠાર કરવામાં આવ્યા છે. સેના દ્વારા કહેવામાં આવ્યું કે તેમને અંગત સૂત્રો દ્વારા આંતકીઓ વીશે માહિતી મળી હતી. જેથી પોલીસ અને સેના દ્વારા થાનામંડી વિસ્તારમાં ઘેરાબંધી કરીને શોધખોળ હાથ ધરવામાં આવી હતી. જોકે તેઓ જેવા આતંકીઓ સુધી પહોચ્યા કે આતંકીઓએ તેમના પર હુમલો કર્યો જેના વળતા જવાબમાં સેના દ્વારા 2 આતંકીઓને ઠાર કરવામાં આવ્યા.
સાંબામાં ડ્રોન દેખાયું
પોલીસ દ્વારા આ મામલે સામેથી જાણકારી આપવામાં આવી કે બે આતંકીઓને ઠાર કરવામાં આવ્યા છે. બીજી તરફ આજે સાંબા જિલ્લામાં સરહદ પાસે ડ્રોન દેખાયું હતું સેના દ્વારા કહેવામાં આવ્યું કે જ્યારે તેઓ આતંકીઓને શોધી રહ્યા હતા. ત્યારે તેમને હથિયારો અને બોમ્બ મળી આવ્યા હતા.
પોલીસ અને સેનાએ શોધખોળ હાથ ધરી
જમ્મૂ કાશ્મીરા સાંબા જિલ્લામાંથી સુરક્ષા દળ દ્વારા હથિયારો અને બોમ્બ મળી આવ્યા છે. પોલીસ અને સેના દ્વારા શોધખોળ હાથ ધરવામાં આવી હતી. જેમાં આ તેમને હથિયાર અને બોમ્બ મળી આવ્યા. સેના દ્વારા એવી માહિતી આપવામાં આવી છે. તેમને 2 પિસ્તોલ, પાંચ મેગેઝીન અને 122 કારતૂસ મળી આવ્યા છે.
ડ્રોન દ્વારા હથિયાર પાડવામાં આવ્યા હોવાની આશંકા
સેનાનું કહેવું છે કે જે સંદિગ્ધ ડ્રોન દેખાયું હતું તેજ ડ્રોન દ્વારા હથિયાર પાડવામાં આવ્યા છે. તેવી આશંકા સેવાઈ રહી છે. જોકે આ મામલે સેના દ્વારા તપાસ કરવામાં આવી રહી છે. પુંછ જિલ્લાના બાલનોઈ વિસ્તારમાં એક ફાર્મમાંથી સેનાને સંચાર સેટ, બેટરી અને અમુક મશાલ પણ મળી આવી હતી. જેથી તે મામલે પણ સેના દ્વારા તપાસ કરવામાં આવી રહી છે.
કાશ્મીરમાં હાઈ એલર્ટ
ઉલ્લેખનીય છે કે અગાઉ જમ્મૂ કાશ્મીરમાં ઘણી વખત ડ્રોન દેખાઈ ચૂક્યા છે. જમ્મૂ એરફોર્સ સ્ટેશન પર પણ આતંકીઓ દ્વારા ડ્રોન વડે હુમલો કરવામાં આવ્યો છે. હાલ 15 ઓગસ્ટે આતંકીઓ મંદિરમાં હુમલો કરવાના છે. તેવી માહિતી સામે આવી છે. જેને લઈને કાશ્મિર હાલ હાઈ એલર્ટ પર છે.
