ઠેંગો / ચીની સરકારે વધુ એક વાર અલીબાબા ફાઉન્ડર જેક માની સામે કરી આ મોટી કાર્યવાહી, જાણો

• સ્ટેટ મીડિયા દ્વારા જારી અમીરોની યાદીમાંથી જેક મા બહાર રખાયા 
• અલીબાબાના સહસ્થાપક પોની એમ.ને મોબાઈલ યુગમાં ક્રાંતિ લાવવા બદલ વખાણવામાં આવ્યાં.
• ચીનના એક આખાબોલા ધનકૂબેર જેક મા 2020 માં અચાનક જ જાહેર જીવનમાંથી અદ્રશ્ય બની ગયા હતા, 

સરકારી માલિકીના સ્ટેટ મીડિયા દ્વારા જારી અમીરોની યાદીમાંથી જેક માને સ્થાન અપાયું નથી. જિનપિંગ સરકારે જાણીજોઈને જેક માની ઉપેક્ષા કરી હોવાનું લાગી રહ્યું છે. સરકારી માલિકીના શંઘાઈ સિક્યુરીટી ન્યૂઝે જેક માને બદલે અલીબાબાના સહસ્થાપક પોની એમ.નો એડિટોરીયલ આર્ટિકલમાં ઉલ્લેખ કરીને તેમને મોબાઈલ યુગમાં ક્રાંતિ લાવવા બદલ વખાણવામાં આવ્યાં.

જેક માના હરીફોને સ્થાન અપાયું 

અલીબાબા ગ્રુપ હોલ્ડિંગ લિમિટેડે જે સમયે તેની ત્રિમાસિક આવક જાહેર કરવાનું નક્કી કર્યું હતું બરાબર તે જ દિવસે ચીની સરકારનું સત્તાવાર અખબાર શંઘાઈ સિક્યુરીટી ન્યૂઝે એક એડિટોરીયલ આર્ટિકલ પ્રસિદ્ધ કર્યો હતો, યાદી બીવાયડી કો.ચેરમેન વાંગ ચૌફુ, શિઓમી કોર્પો.કો-ફાઉન્ડર લેઈ જુન અને હુવાઈ ટેકનોલોજી કં.ના રેન ઝેનફેઈના નામનો ઉલ્લેખ કરાયો હતો. 

અમીરોની યાદી પ્રસિદ્ધ કરતા અખબારે લખ્યું કે  ગરીબની પકડમાંથી છૂટવા તથા કારોબારની મહત્વકાંક્ષા સિદ્ધ કરવાની તીવ્ર આકાંક્ષા સાથે ચાઈનીઝ ઉદ્યોગ સાહસિકોની પેઢી 
આપણા જુની અને જડ આર્થિક સિસ્ટમમાંથી બહાર આવી છે. આ બધા અમીરોએ ચીનના આર્થિક સુધારામાં નવો પ્રાણ ફૂંક્યો છે. 

ચીનના એક આખાબોલા ધનકૂબેર જેક મા 2020 માં અચાનક જ જાહેર જીવનમાંથી અદ્રશ્ય બની ગયા હતા, 2021 ના જાન્યુઆરી મહિનામાં તેઓ દેખાયા હતા. જેક મા ફાઉન્ડેશને આ જેક માના અદ્રશ્ય થવા પાછળનું કારણ આપતા જણાવ્યું હતું કે જેક મા 20- જાન્યુઆરીએ રુરલ ટીચર ઈનીશિએટેવ ઈવેન્ટની ઓનલાઈન સેરેમનીમાં હાજર રહ્યાં હતા. ફાઉન્ડેશન 50 સેકન્ડનો એક વીડિયો પણ જાહેર કર્યો હતો જેમાં જેક મા શિક્ષકોને અભિનંદન આપી રહેલા નજરે ચડતા હતા. જોકે જેક માએ અદ્રશ્ય થવા પાછળનું કોઈ કારણ આપ્યું નહોતું.