- UPSC સિવિલ સર્વિસ 2022 નું પરિણામ
- ઇશિતા કિશોરએ સમગ્ર દેશમાં પ્રથમ ક્રમ મેળવ્યો
- બાળપણમા જ IAS ઓફિસર બનવાનું સપનું સેવી લીધું
UPSC સિવિલ સર્વિસ 2022 નું પરિણામ જાહેર થવા પામ્યું છે. જેમાં ઇશિતા કિશોરએ સમગ્ર દેશમાં પ્રથમ ક્રમ મેળવી અનોખી સિદ્ધિ હાંસલ કરી છે.દિલ્હી યુનિવર્સિટીની શ્રી રામ કોલેજ ઓફ કોમર્સમાંથી અર્થશાસ્ત્રમાં સ્નાતક થયેલ ઇશિતાએ વૈકલ્પિક વિષયો તરીકે રાજકીય વિજ્ઞાન અને આંતરરાષ્ટ્રીય સંબંધો સાથે પરીક્ષા પાસ કરી છે.
બાળપણમા IAS ઓફિસર બનવાનું સપનું સેવી લીધું
દિલ્હીમાં અભ્યાસ કરેલ ઈશિતાએ બાળપણમાં જ IAS ઓફિસર બનવાનું સપનું સેવી લીધું હતું. તેના સંઘર્ષ અને સફળતાની વાત કરવામાં આવે તો ઈશિતા કિશોરના પિતા એરફોર્સમાં ઓફિસર તરીકે ફરજ બજાવે છે.તથા તેનો આખો પરિવાર નોઈડામાં રહે છે. પ્રાથમિક અભ્યાસ બાદ ઈશિતાએ વર્ષ 2014માં બાલ ભારતીમાંથી 12મું ધોરણ પાસ કર્યું હતું. ત્યાર બાદ તેણે 2017માં શ્રી રામ કોલેજ ઓફ કોમર્સમાંથી ઈકોનોમિક્સ ઓનર્સ સાથે ગ્રેજ્યુએશન પૂર્ણ કર્યું હતું અને ત્યારબાદ યુપીએસસીનો ત્રીજો પ્રયાસ હતો.
UPSC માટે ઘરેથી અભ્યાસ કર્યો છે
એકઝામ બાદ ઇશિતા રીઝલ્ટની રાહ જોઈ રહી હતી. પરંતુ તેને મનમાંએ વિશ્વાસ હતો કે તે ઓલ ઇન્ડિયામાં ટોપર બનશે. જેવુ રિઝલ્ટ આવ્યું કે તે ચારો તરફ છવાઈ ગઈ હતી અને પોતાની માને આ વાતની જાણ કરી હતી. જેને લઈને તે ખુશીથી જુમી ઉઠી હતી. ઈશિતાએ જણાવ્યું હતું કે તેને પોતાના પિતાને દેશ સેવામાં તત્પર જોઈ બાળપણમાં જ દેશ હિતમાં હોય તેવી નોકરી કરવાનું વિચાર્યું હતું. ઈશિતા ના જણાવ્યા અનુસાર તેણે પોતાના ઘરે જ અભ્યાસ કર્યો હતો.ઈશિતાએ જણાવ્યું કે તેણે UPSC માટે ઘરેથી અભ્યાસ કર્યો છે. તેમના વૈકલ્પિક વિષયો રાજકીય વિજ્ઞાન અને આંતરરાષ્ટ્રીય સંબંધો હતા. ઇશિતાએ કહ્યું કે તમામ ઉમેદવારો ઇન્ટરવ્યુ સમયે આશા રાખે છે, મેં સખત મહેનત કરી હતી, તેથી મને ખાતરી હતી કે હું આ વખતે કલીયર કરી લઈશ તેવી આશા હતી.
UPSC CSE 2022 ટોપર્સની યાદી
- ઈશિતા કિશોર
- ગરિમા લોહિયા
- ઉમા હરતિ એન
- સ્મૃતિ મિશ્રા
- મયુર હજારિકા
- રત્ન નવ્યા રત્ન
- વસીમ અહેમદ ભટ
- અનિરુદ્ધ યાદવ
- કનિકા ગોયલ
- રાહુલ શ્રીવાસ્તવ
