જાણવુ જરુરી / શું નોકરી સાથે ફ્રીલાન્સ કામ કરવું ગેરકાયદેસર છે? જાણો નિયમ વિશે

કોવિડ-19 પછી, દેશમાં ઘણા ફેરફારો થયા છે, જેમાંથી એક ફ્રીલાન્સિંગ વર્ક છે. લગભગ દરેક વ્યક્તિ આ ટ્રેન્ડને ફોલો કરી રહ્યું છે. કર્મચારીઓ એકસાથે અનેક નોકરીઓ કરે છે, પછી ભલે તે કન્ટેન્ટ રાઇટિંગ હોય, ગ્રાફિક ડિઝાઇનિંગ હોય, વેબ ડેવલપમેન્ટ હોય કે ઓનલાઈન ટ્યુટરિંગ એટલે કે ફ્રીલાન્સિંગ એક સામાન્ય અને નફાકારક બાજુની આવકનો સ્ત્રોત બની ગયું છે. પરંતુ ઘણા લોકોના મનમાં સવાલ ઉઠે છે કે શું નોકરી કરતી વખતે ફ્રીલાન્સ કામ કરવું કાયદેસર છે, અથવા તે કંપનીની નીતિઓ વિરુદ્ધ માનવામાં આવે છે?

નોંધનીય છે કે નોકરી કરતી વખતે ફ્રીલાન્સ કામ કરવું સંપૂર્ણપણે ગેરકાયદેસર નથી, પરંતુ તેની સાથે ઘણી શરતો પણ છે. કંપનીઓએ આ અંગે અનેક વખત ચેતવણીઓ આપી છે. જોકે, હાલમાં એવા કોઈ નિયમો નથી કે જે લોકોને ઘણી જગ્યાએ કામ કરવા પર પ્રતિબંધ મૂકે. જો લોકો ઈચ્છે તો એક જ સમયે અનેક કામ કરી શકે છે.

આ વાતોનું ધ્યાન રાખો

નોકરીની શરત

કોઈપણ કંપનીમાં કામ કરતા પહેલા, નોકરીના કરારને વાંચવું જરૂરી છે. કેટલીક કંપનીઓમાં એવા ક્લોઝ હોય છે જે કર્મચારીઓને કંપનીના કામથી સંબંધિત ન હોય તેવા બહારના પ્રોજેક્ટ્સ અથવા ફ્રીલાન્સ કામ ના કરવુ જોઇએ, ખાસ કરીને જો વ્યવસાય ખૂબ જ સ્પર્ધાત્મક ક્ષેત્રમાં હોય છે.

ટાઇન મેનેજમેન્ટ

કંપનીના ઓફિસ સમય દરમિયાન ફ્રીલાન્સ કામ ન કરવું જોઈએ. તમારા ઓફિસ સમય દરમિયાન તમારા મુખ્ય કામને પ્રાથમિકતા આપવાની ભલામણ કરવામાં આવે છે. ફ્રીલાન્સ કામ તમારા મુખ્ય કામમાં દખલ ન કરે અથવા વિલંબ ન કરવો જોઇએ.

આ પણ વાંચોઃ નોટ પર હોળી-ધૂળેટીનો રંગ લાગી જાય તો તે નોટ માર્કેટમાં ચાલશે કે નહીં ? જાણો નિયમ

કોન્ફિડેંશિયલ જાણકારી

તમને ફ્રીલાન્સ કાર્ય માટે કંપનીના ડેટા, ક્લાયન્ટ લિસ્ટ અથવા પ્રોજેક્ટ્સનો ઉપયોગ કરવાની પરવાનગી નથી. આમ કરવું ગંભીર કાનૂની ગુનો બની શકે છે.

કંપનીની મંજૂરી લેવી

કેટલીક કંપનીઓ તેમના કર્મચારીઓને સાઈડ હસલની મંજૂરી આપે છે. આવા કિસ્સાઓમાં, લેખિત મંજૂરી લેવી એ સૌથી સુરક્ષિત રીત છે. આનાથી તમે આરામથી કામ કરી શકો છો અને સારી આવક મેળવી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ