સોમવારે રમાયેલી મેચમાં ચેન્નાઈ સુપર કિંગ્સે કોલકાતા નાઈટ રાઈડર્સને 7 વિકેટે હરાવ્યું હતું. CSKની જીત સાથે ટીમના ચાહકો અને સ્ટેડિયમ હાજર દરેક લોકો ખુશ હતા કારણ કે તેમને એમએસ ધોનીની બેટિંગ જોવા મળી હતી. ગઇકાલે જેઓ મેચ જોવા ગયા હતા અને જેઓ ઘરે બેઠા મેચ જોઈ રહ્યા હતા એમને ખ્યાલ હશે કે જ્યારે એમએસ ધોની બેટિંગ કરવા મેદાનમાં આવી રહ્યા હતા ત્યારે આખું સ્ટેડિયમ ગૂંજી ઉઠ્યું હતું.
તેના ઘણા વિડીયો પણ વાયરલ થઈ રહ્યા છે અને આ ઘોંઘાટ એટલો બધો હતો કે અત્યાર સુધી કોઈ પણ આઈપીએલ મેચમાં આવું બન્યું નથી. ચેન્નાઈ સુપર કિંગ્સની ત્રીજી વિકેટ 135 રન પર શિવમ દુબેના રૂપમાં પડી હતી. હવે CSKને જીતવા માટે 19 બોલમાં 3 રનની જરૂર હતી. એમએસ ધોની પાંચમા નંબરે બેટિંગ કરવા આવ્યા કે તરત જ સ્ટેડિયમ શોરથી ગૂંજી ઉઠ્યું. તેનો વીડિયો વાઈરલ થઈ રહ્યો છે, જ્યારે કેકેઆરના ખેલાડીઓ ધોનીની એન્ટ્રી વખતે અવાજને કારણે કાન બંધ કરીને ઉભા છે.
જો કે આ પહેલા જાડેજાએ સ્ટડીયમમાં હાજર ફેન્સ સાથે થોડી મસ્તી કરી હતી. ગઇકાલની આ મેચમાં દુબેની વિકેટ પડ્યા બાદ ચાહકો માની રહ્યા હતા કે હવે એમએસ ધોની બેટિંગ કરવા આવશે અને તે જ આવ્યા પરંતુ તે પહેલા જાડેજાએ એવું ણતક કર્યું કે જાણે તેઓ બેટિંગ કરવા આવી રહ્યા છે. એ સમયે જાડેજા પેડ પહેરીને અને બેટ લઈને મેદાન તરફ જતો જોવા મળ્યો હતો. આ જોઈને મેદાન પર ઉત્સાહ થોડો ઠંડો પડી ગયો પણ ત્યારબાદ તરત જ જાડેજા ડગઆઉટમાંથી પરત ફર્યો હતો. અને ધોની બેટિંગ કરવા માટે આવ્યા. આ જોઈને જાડેજાની મસ્તીને કારણે ઠંડો પડી ગયેલો ચેન્નાઈનો ઉત્સાહ ફરી ઊંચો થઈ ગયો હતો.
વધુ વાંચો: MS ધોનીએ કેચ છોડ્યો તો CSKના ખેલાડીઓ સહિત ચાહકોને ન આવ્યો વિશ્વાસ, વીડિયો વાયરલ
ધોની જ્યારે બેટિંગ કરવા આવ્યા ત્યારે અવાજનું સ્તર માપવામાં આવતું હતું. તે 125 db હતો, જે આ સિઝનનો સૌથી વધુ અવાજ છે. અત્યાર સુધી સૌથી વધુ અવાજનું સ્તર 128 db છે. ધોની જ્યારે બેટિંગ કરવા મેદાનમાં આવ્યો ત્યારે સ્ટેડિયમનો દરેક ખૂણો માહીના નામથી ગુંજી ઉઠ્યો હતો. ઘોંઘાટ એટલો હતો કે કેકેઆરના ઓલરાઉન્ડર આન્દ્રે રસેલને કાન બંધ કરવા પડ્યા હતા. રસેલનો આ વીડિયો વાયરલ થઈ રહ્યો છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
