- લખનઉ સુપર જાયન્ટ્સે પંજાબ કિંગ્સને હરાવ્યું.
- પંજાબ કિંગ્સ 19.5 ઓવરમાં 201 ફટકારીને ઓલઆઉટ.
- મેચ પછી શિખર ધવને આપ્યું મહત્ત્વપૂર્ણ નિવેદન.
મોહાલીમાં રમવામાં આવેલ IPL 2023ની 38મી મેચ લખનઉ સુપર જાયન્ટ્સે જીતી લીધી છે. પંજાબ કિંગ્સને 52 રનથી હરાવીને લખનઉ સુપર જાયન્ટ્સ પોઈન્ટ ટેબલ પર બીજા સ્થાન પર પહોંચી ગયું છે. લખનઉ સુપર જાયન્ટ્સે પહેલા બેટીંગ કરીને 257 રન કર્યા છે. આ ટાર્ગેટ રન સુધી પહોંચવા માટે પંજાબ કિંગ્સ 19.5 ઓવરમાં 201 ફટકારીને ઓલઆઉટ થઈ ગઈ હતી.
પંજાબ કિંગ્સ તરફથી અથર્વ તાયડે અને સિકંદર રજાએ સારા રન કર્યા હતા. અથર્વએ IPLમાં પહેલી અડધી સદી ફટકારી છે, સિકંદર રજાએ 36 રન કર્યા છે. આ બંને ક્રિકેટરોએ 50 રનની ભાગીદારી કરી છે. અથર્વ તાયડેએ 66 રનની ઈનિંગ પમી છે. પંજાબના ટોપ ઓર્ડરના બેટ્સમેનો ફેઈલ થયા પછી મિડલ ઓર્ડરના બેટ્સમેનોએ 200થી વધુ રન કર્યા હતા.
શિખર ધવનની રણનીતિ ફેઈલ
મેચ પછી શિખર ધવને નિવેદન આપ્યું છે કે, ‘અમે વધારે જ રન આપી દીધા છે. અમારે એક મોટો ટાર્ગેટ પૂર્ણ કરવાનો હતો, જે બિલ્કુલ પણ સરળ નહોતું. વ્યક્તિગત રીતે મારા માટે આ એક સબક છે. ઈમ્પેક્ટ પ્લેયરનો નિયમ ઘણી વાર કામ આવે છે અને ઘણી વાર કામ આવતો નથી. વધારાના બોલરને ટીમમાં શામેલ કરવાની રણનીતિ નિષ્ફળ નીવડી છે.’
પંજાબ કિંગ્સની ખસ્તા હાલત
આ મેચમાં કુલ 458 રન ફટકારવામાં આવ્યા છે. લખનઉ સુપર જાયન્ટ્સે 257 રન ફટકારીને બીજા નંબરે સૌથી વધુ રનનો સ્કોર બનાવ્યો છે. મોહાલીમાં પંજાબ કિંગ્સે આ સીઝનમાં તમામ મેચમાં હાર મેળવી છે. પોઈન્ટ ટેબલમાં પંજાબ કિંગ્સ છઠ્ઠા સ્થાન પર છે. પ્લેઓફની મેચમાં ટકી રહેવા માટે પંજાબ કિંગ્સે બાકી રહેલ તમામ મેચ જીતવાની રહેશે.
