ટેક્નોલોજી / 8 મેથી Insta પરનું ચેટિંગ નહીં રહે સુરક્ષિત! થવા જઇ રહ્યો છે આ ફેરફાર

ફોટો-વિડિયો શેરિંગ પ્લેટફોર્મ Instagram યુઝર્સ માટે મોટો ફેરફાર લાવી રહ્યું છે. Metaએ સ્પષ્ટ કરી દીધું છે કે 8 મે 2026થી પ્લેટફોર્મ પર એન્ડ-ટુ-એન્ડ એન્ક્રિપ્ટેડ ચેટ્સ બંધ કરી દેવામાં આવશે. એટલે હવે તમારી ખાનગી વાતચીત પહેલાં જેવી સંપૂર્ણ રીતે સુરક્ષિત રહેશે નહિ. આ ફીચર યુઝર્સના મેસેજ પ્રાઇવેટ રાખવાની સુવિધા આપે છે પરંતુ કંપનીએ ઓછા વપરાશને કારણે તેને દૂર કરવાનો નિર્ણય લીધો છે. આ નિર્ણયથી પ્રાઈવસી પર નવી ચર્ચા શરૂ થઈ ગઈ છે.

એન્ડ-ટુ-એન્ડ એન્ક્રિપ્શન એ એક સુરક્ષા પદ્ધતિ છે જેમાં મેસેજ ફક્ત મોકલનાર અને મેળવનાર જ વાંચી શકે છે. પ્લેટફોર્મ ચલાવતી કંપની પણ આ મેસેજને જોઈ શકતી નથી. આ કારણે તેને ઑનલાઇન પ્રાઇવસી માટે સૌથી મજબૂત સુરક્ષા માનવામાં આવે છે. આ ફીચર બંધ થઈ જવાથી વપરાશકર્તાઓની વાતચીત પહેલા જેવી સંપૂર્ણ રીતે ખાનગી નહીં રહે.

Instagramએ આ એન્ક્રિપ્શન ફીચર ડિસેમ્બર 2023માં લૉન્ચ કર્યું હતું. આ Metaની એવી યોજનાનો ભાગ હતું જેમાં તે પોતાના એપ્સમાં પ્રાઈવસી મજબૂત કરવા માંગતી હતી. પરંતુ હવે કંપનીનું કહેવું છે કે આ ફીચરનો ઉપયોગ બહુ ઓછા વપરાશકર્તાઓ કરી રહ્યા હતા. એ કારણે તેને બંધ કરવાનો નિર્ણય લેવામાં આવ્યો છે, જેથી પ્લેટફોર્મને નવી દિશામાં આગળ લઈ જવાઈ શકે.

આ પણ વાંચોઃ ...તો 200 ડૉલર સુધી જઇ શકે છે ક્રૂડ ઑઇલના ભાવ! રઘુરામ રાજનની ચેતવણી

યુઝર્સ માટે શું બદલાશે?

8 મે 2026 પછી Instagram પર મોકલાયેલા મેસેજ એન્ક્રિપ્ટેડ નહીં રહેશે. તેનો અર્થ એ કે કંપની જરૂર પડે તો મેસેજને મોડીરેશન અથવા અન્ય કારણોથી જોઈ શકે છે. જેમને પહેલેથી એન્ક્રિપ્ટેડ ચેટ્સ છે તેમને નોટિફિકેશન મળશે. કંપનીએ સલાહ આપી છે કે યુઝર્સ પોતાના મહત્વના મેસેજ અને મીડિયા સમયસર ડાઉનલોડ કરી લે.

પ્રાઈવસી સામે સુરક્ષા, નવી ચર્ચા

આ નિર્ણય પછી પ્રાઈવસીને લઈને નવી ચર્ચા શરૂ થઈ ગઈ છે. કેટલાક નિષ્ણાતો કહે છે કે એન્ક્રિપ્શન હટાવવું યુઝર્સની સુરક્ષાને જોખમમાં મૂકી શકે છે. જ્યારે કેટલીક સરકારો અને સેફ્ટી ગ્રુપ્સ કહે છે કે એન્ક્રિપ્શનના કારણે ખોટી પ્રવૃત્તિઓને ટ્રેક કરવું મુશ્કેલ બની જાય છે. આવા પરિસ્થિતિમાં Meta હવે યુઝર્સને વધુ સારી પ્રાઈવસી માટે WhatsApp જેવા પ્લેટફોર્મ તરફ દોરી શકે છે જ્યાં એન્ક્રિપ્શન પહેલેથી ડિફોલ્ટ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ