લો બોલો ! / Insta/ફિલ્ટરોવાળા ફોટા જોઈને પ્રેમમાં પડેલો યુવક પછતાયો, પછી ગુસ્સામાં મહિલા સાથે કરી નાખ્યો કાંડ

ઉત્તરપ્રદેશથી એક અજીબ કિસ્સો સામે આવ્યો છે. એક યુવકને ઈન્સ્ટાગ્રામમાં મહિલા સાથે ફ્રેન્ડશિપ થઈ હતી. આ દોસ્તી પછી પ્રેમમાં બદલાઈ હતી. ત્યાર બાદ એવુ થયુ કે, યુવકને જેલમાં જવાનો વારો આવ્યો. પોલીસે આ મામલે વધુ તપાસ હાથ ધરી છે. આ મામલે એવુ જાણવા મળ્યુ છે કે, ઉત્તરપ્રદેશના સંચેડીના 22 વર્ષીય યુવકને ઈન્સ્ટાગ્રામમાં એક મહિલા સાથે દોસ્તી થઈ હતી. બન્ને વચ્ચે ઈન્સ્ટામાં વાતો થતી હતી. પછી આ મહિલાએ યુવકને ઘરે બોલાવ્યો ત્યારે ત્યાં મહિલાને જોઈ ક્રોધીત થઈ ગયો હતો.

IDમાં તો મહિલા યંગ લાગતી હતી. પરંતુ યુવકે તેને ઘરે જઈને જોઈ તો તેની ઉંમર યુવક કરતા બમણી હતી. 44 વર્ષ જેટલી હતી. ફોટાઓમાં તે જેટલી સુંદર લાગતી હતી હકીકતમાં તે એટલી સુંદર પણ નહતી. જેથી દીપેન્દ્ર નામના આ યુવકે ગુસ્સામાં આવી મહિલાને માર માર્યો હતો. જેથી મહિલા ગંભીર રીતે ઘાયલ થઈ ગઈ હતી.

વધુ વાંચો : પાળતું કુતરાથી પણ સાવધાન રહેજો, કેમેરામાં કેદ થયા ભયાનક દ્રશ્ય, જુઓ વીડિયો

મહિલાનો દિકરો જ્યારે ઘરે પહોંચ્યો ત્યારે તેને પોતાની માતાને ઘાયલ અવસ્થામાં હોસ્પિટલે પહોંચાડી હતી. આ મામલે પોલીસે આરોપી યુવકની અટકાયત કરી દીધી છે. યુવકના જણાવ્યા અનુસાર તે મહિલાએ તેની સાથે દગો કર્યો છે. તે મહિલાએ તેના વિશે તમામ માહિતી ખોટી આપી હતી, તેને ઉંમર પણ છુપાવી હતી. તેને આ દગો સહન ન થતા ગુસ્સો આવી ગયો હતો. ઉલ્લેખનીય છે કે, મહિલા બેહોશ હોવાથી તેનુ નિવેદન લેવાનું બાકી છે.