જાણી લો / મોદી સરકાર એક્શનમાં: નવા સિમ કાર્ડના આ નવા નિયમો જાણી લેજો, નહીં તો થઇ જશો બ્લેકલિસ્ટ

New Sim Card Rule: ભારત સરકારે સાયબર છેતરપિંડી સામે લડવા માટે કડક પગલાં લીધાં છે. હવે સિમ કાર્ડનો દુરુપયોગ કરનારાઓ સામે કડક કાર્યવાહી કરવામાં આવશે. નવા નિયમો મુજબ જો કોઈ વ્યક્તિ સિમ કાર્ડનો દુરુપયોગ કરશે તો તેનું નામ બ્લેકલિસ્ટમાં મૂકવામાં આવશે અને તેને ત્રણ વર્ષ સુધી સિમ કાર્ડ નહીં મળે.

કૌભાંડને રોકવા માટે નવા નિયમો

કરોડો મોબાઈલ યુઝર્સની સુરક્ષા માટે ડિપાર્ટમેન્ટ ઓફ ટેલિકોમ્યુનિકેશન્સએ સિમ કાર્ડના દુરુપયોગથી થતા સાયબર ગુનાઓને રોકવા માટે આ મહત્વપૂર્ણ પગલાં લીધાં છે. આ નિર્ણય હેઠળ એક મોટી યોદી બનાવવામાં આવી રહી છે જેમાં એવા લોકોના નામ શામેલ હશે જેમણે સિમ કાર્ડનો દુરુપયોગ કર્યો છે. જેમ કે કોઈ અન્યના નામે સિમ કાર્ડ લેવું અથવા નકલી મેસેજ મોકલવો. તાજેતરમાં TRAIએ ફેક કોલ અને એસએમએસ સ્કેમને રોકવા માટે કેટલાક નિયમો બનાવ્યા હતા. જેના પછી લાખો મોબાઈલ નંબર બ્લોક થઈ ગયા હતા.

આ પણ વાંચો: તમારા આધાર કાર્ડ પર કેટલા મોબાઈલ સિમ એક્ટિવ છે? ઘરે બેઠા આ રીતે કરો ચેક

જો દોષી સાબિત થશે તો સરકાર શું કરશે?

સિમ કાર્ડનો દુરુપયોગ કરનારાઓને કડક સજા આપવામાં આવશે. જે લોકોએ સિમ કાર્ડનો દુરુપયોગ કર્યો છે તેમના નામ બ્લેક લિસ્ટમાં મૂકવામાં આવશે. તેમને 6 મહિનાથી 3 વર્ષ સુધી કોઈ નવું સિમ કાર્ડ નહીં મળે. બીજાના નામે સિમ કાર્ડ લેવું કે નકલી મેસેજ મોકલવા હવે ગુનો ગણવામાં આવશે. 2025થી બ્લેકલિસ્ટમાં સામેલ લોકોના નામ તમામ ટેલિકોમ કંપનીઓને આપવામાં આવશે જેથી તેઓ તેમને નવા સિમ કાર્ડ ન આપી શકે. સરકાર આવી યાદી તૈયાર કરી રહી છે. જે લોકોએ નિયમોનો ભંગ કર્યો છે તેમને જવાબ આપવા માટે 7 દિવસનો સમય આપવામાં આવશે. જો કોઈ ગંભીર બાબત હોય તો સરકાર કોઈપણ માહિતી વગર પણ કાર્યવાહી કરી શકે છે. આ નિયમોથી સિમ કાર્ડની છેતરપિંડી અટકશે અને ટેલિકોમ સેવાઓમાં લોકોનો વિશ્વાસ વધશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ