ન્યૂઝ અપડેટ્સ
ન્યૂઝ અપડેટ્સ
VTV / ધર્મ / દિવાળી પર કયા મંત્ર સાથે પ્રગટાવવો જોઈએ દીવો? જાણી લો વાસ્તુ મુજબ દીવા પ્રગટાવવાની સાચી દિશા અને નિયમો
6 ફોટો ગેલેરી
Last Updated: 07:13 PM, 7 November 2026
FOLLOW ON
શેર કરો
1/6
દિવાળીના પાવન અવસરે ઘરની સાફ-સફાઈથી લઈને સજાવટ અને પૂજા-પાઠ સુધીની દરેક બાબતનું વિશેષ મહત્ત્વ હોય છે. દીવાળીના દિવસે માતા લક્ષ્મી અને ભગવાન ગણેશની પૂજા-અર્ચના કરવાની સાથે-સાથે ઘરના દરેક ખૂણાને દીવાઓથી સજાવવામાં આવે છે. એવી દ્રઢ માન્યતા છે કે આનાથી ઘરમાં ખુશાલી અને સુખ-સમૃદ્ધિનો આગમન થાય છે. આ પર્વ પર કરવામાં આવતા કેટલાક ઉપાયો જીવનને રોશનીથી ભરી દે છે. વળી, જો દીવા પ્રગટાવતી વખતે એક ખાસ મંત્રનો જાપ કરવામાં આવે, તો તેનાથી ઘરમાં એક અદભુત દિવ્ય રોનક અને સકારાત્મક ઊર્જા અનુભવાય છે. માનવામાં આવે છે કે આ મંત્રના ઉચ્ચારણથી દીવા પ્રગટાવવાનું મહત્ત્વ વધુ વિશેષ બની જાય છે. તો ચાલો જાણીએ કે દીવો પ્રગટાવતી વખતે કયો મંત્ર બોલવો જોઈએ તેમજ દીવા પ્રગટાવવાની સાચી દિશા અને રીત શું છે?
આ તસવીર શેર કરો
2/6
સામાન્ય રીતે લોકો દીવો પ્રગટાવીને ઘરના દરેક ખૂણામાં મૂકી દેતા હોય છે. પરંતુ જો તમે એક ખાસ મંત્ર સાથે દીવા પ્રગટાવવાની શરૂઆત કરશો, તો તેનાથી ઘરમાં એક અલગ જ સકારાત્મકતા ફેલાશે. દીવાળીની સાંજે પૂજા ઘરની શરૂઆતમાં જ તમે આ મંત્રનું ઉચ્ચારણ કરી શકો છો. આ મંત્રનો ભાવ એ છે કે આપણી પવિત્ર જ્યોતિ આપણા જીવનમાં શુભતા લઈને આવે, ઘરની અંદર સુખ-શાંતિની સાથે-સાથે ઉત્તમ સ્વાસ્થ્ય અને ધન-સંપત્તિનું આગમન થાય તેમજ આપણા મનમાંથી તમામ ખરાબ વિચારો દૂર થઈને જીવનમાં ખુશહાલી આવે. શુભં કરોતિ કલ્યાણમારોગ્યં ધનસંપદા । શત્રુબુદ્ધિવિનાશાય દીપજ્યોતિર્નમોસ્તુતે ॥
આ તસવીર શેર કરો
ADVERTISEMENT
3/6
વાસ્તુશાસ્ત્રના નિયમો અનુસાર, દિવાળીના પર્વ પર માટીના દીવા પ્રગટાવવા જ સૌથી વધુ શુભ માનવામાં આવે છે. આ વાતનું વિશેષ ધ્યાન રાખવું કે દીવાને સીધેસીધા ઉપયોગમાં ન લેવા, પરંતુ તેને પ્રગટાવતા પહેલા થોડા કલાક માટે પાણીમાં ભીંજવીને રાખવા અને ત્યારબાદ તેને બરાબર સૂકવી લેવા. આનાથી દીવા લાંબો સમય સુધી અને સારી રીતે પ્રજ્વલિત રહે છે. પૂજાના મુખ્ય દીવા માટે હંમેશાં શુદ્ધ દેશી ઘીનો જ ઉપયોગ કરવો. જ્યારે ઘરના બાકીના હિસ્સાઓમાં દીવા પ્રગટાવીને મૂકવા માટે સરસવના તેલનો ઉપયોગ કરવો જોઈએ. જો તમે ઈચ્છો તો તલના તેલનો પણ ઉપયોગ કરી શકો છો.
આ તસવીર શેર કરો
4/6
દીવાની વાટ માટે રૂનો જ ઉપયોગ કરવો યોગ્ય છે. દીવામાં વાટ મૂકતા પહેલા તેને થોડીવાર માટે તેલ કે ઘીમાં પલાળીને રાખવી. ઉપરાંત, એ વાતનું પણ ધ્યાન રાખવું કે દીવામાં હંમેશાં લાંબી વાટનો જ ઉપયોગ કરવો યોગ્ય રહે છે.
આ તસવીર શેર કરો
ADVERTISEMENT
5/6
વાસ્તુની માન્યતા મુજબ, દીવાને ક્યારેય પણ સીધા જમીન કે ફ્લોર પર ન મૂકવો જોઈએ. આવું કરવું શુભ માનવામાં આવતું નથી. નિયમ અનુસાર દીવા નીચે ફૂલની પાંખડીઓ અથવા થોડા ચોખા રાખવા જોઈએ, જે અત્યંત શુભ માનવામાં આવે છે. પૂજાના મુખ્ય દીવા માટે તમે નાની થાળીનો ઉપયોગ કરી શકો છો.
આ તસવીર શેર કરો
6/6
વાસ્તુશાસ્ત્રના સિદ્ધાંતો અનુસાર દીવાને એવી રીતે ગોઠવવો જોઈએ કે તેની જ્યોત હંમેશાં ઉત્તર દિશાની તરફ જ રહે. વાસ્તુમાં આ બાબતને ખૂબ જ શુભ માનવામાં આવે છે. એવું માનવામાં આવે છે કે યોગ્ય રીતે પ્રગટાવવામાં આવેલા દીવાથી ઘરમાં સુખ-સમૃદ્ધિનો વાસ થાય છે. આ ઉપરાંત, આ દિશાને સ્વાસ્થ્ય સાથે પણ જોડીને જોવામાં આવે છે. દીવાળીના દિવસે દીવાની જ્યોતને દક્ષિણ દિશા તરફ રાખવાનું ટાળવું જોઈએ. વાસ્તુ મુજબ દીવા પ્રગટાવતી વખતે આ નાની-નાની બાબતોનું ધ્યાન રાખવું અનિવાર્ય છે. સાથે જ એ વાતનો પણ પ્રયાસ કરવો કે દીવો હંમેશાં સુરક્ષિત જગ્યા પર જ હોય, જેથી આસપાસના પડદા કે અન્ય વસ્તુઓને કોઈ નુકસાન ન થાય.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
